#ingrownnail

Ingrown Nail. Di mo napapansin pero tumutubo na pala. Mararamdaman mo lang yung sakit kapag tumama yung parteng may ingrown sa isang bagay. Kung pababayaan mo, lalong lalalim at mahihirapan kang tanggalin. Pilit mong tatanggalin dahil nasasaktan ka. Kahit na nasasaktan ka, after matanggal nun magiging maayos na pakiramdam mo. Minsan mamaga yung daliri mo, pero at least nawala na yung feeling na may tumutusok sa may daliri mo, yung feeling na nasasaktan ka.

Pag-ibig. Di mo nararamdaman na umiibig ka na. Magugulat ka na lang sa nararamdaman mo dahil bigla ka na lang masasaktan tapos masasabi mo sa sarili mo, ‘Ah! Mahal ko nga yata siya’. Pero minsan darating tayo sa puntong kailangan na natin siyang tanggalin sa buhay natin dahil masyado na tayong nasasaktan. At kung pababayaan natin yun, maaaring mas lalo lang lumalim yun at mahihirapan tayo lalong tanggalin. Pero kahit na mahirap, kahit na masakit, once na natanggal natin yun, magiging maayos na yung pakiramdam natin. Luluwag na yung paghinga at hindi na patuloy na masasaktan.