【我哋繼續落去，為對得住自己】 呢啲時候要執筆有啲無從入手，但係喺咁嘅環境之下，都要以｢民間集會團隊｣名義發言，留個紀錄。 當初搞集會，拎身份證出嚟入紙，有咩事完全冇得避，講真素人一個真係唔驚咩？咁但係做得第一次，又唔爭在做多次，做做下都十幾廿次。 民集從來唔係企得最前嘅，我哋只係跟足規矩去提供一個平台，盡可能俾最多人相對安全地講出心聲。發言由前線勇武到後勤和理非、傳統泛民到激進本土、中國學生到外籍手足，台下觀眾自發嗌口號、揮旗幟，一個容納多元聲音嘅香港，藉住集會盡量呈現。 我哋唔係咁天真以為，遊行示威就可以改變社會，唔係。純粹係當刻可以做嘅就係咁多，咁就去做啦。初選都係嗰刻嘅環境，仍然可以做到嘅事，咁就去做啦。 見住團隊成員一次又一次被捕，罪名一次比一次重，我哋每次再聯絡，就係約幾時把握機會再聚，見到就傾下次搞乜好。 有冇諗過算啦唔搞？冇喎。 最多係煩惱愛丁堡遮打定油尖旺，實體集會搞唔到就轉網上集會同社區展覽，甚至乎呢幾個禮拜已經再約緊出嚟傾下個活動，但突然被提早報到嘅消息打亂。 国安紅線陰霾籠罩，發言人劉頴匡前晚臨報到之前，咁同我哋講：多謝大家一直以嚟嘅照顧，民間集會團隊之後仲搞唔搞就你哋決定吧。 2020年6月30日，我哋出po承諾過： 無論世間怎變，民集入紙不變 : ) 今日民間集會團隊希望講一句： 我哋要繼續落去，係為對得住自己。 未來嘅路，其實無辦法代失去自由甚至已然離去嘅人行。嚟到2021年嘅香港，民集繼續落去嘅理由，只係為對得住企過出嚟咁多次嘅自己。就係因為知道人微言輕、知道做咗都冇乜用，先可以繼續做落去。 今日着黑衫，唔係因為有冇用，係為對得住自己仲有抗爭嘅意志。與此同時，懇請香港人唔好忘記其他正在還押或接受審訊的手足，前路茫茫更要留個位置與佢哋同行。 民間集會團隊 二零二一年三月一日 ————————————————- 我們的最新動向/合作洽詢： Facebook： https://fb.me/HKCATeam/ Instagram： https://instagr.am/HKCAT/ Twitter： https://twitter.com/HKCATeam/ Youtube： https://youtu.be/HKCATeam/ 284 8 #2 炭燒三文魚 • 1h 爆響口式推post： 不論咩形式都好，民集6月一定會搞活動 夠膽你就6月前拉哂我地全部人#fight1#dog 17 1 1 #3 炭燒三文魚 • 1h 爆響口式推post： 不論咩形式都好，民集6月一定會搞活動 夠膽你就6月前拉哂我地全部人#fight1#dog 6 1 #4 聲哈利路亞俾黑警 • 1h 「我哋繼續落去，為對得住自己」#sick#pig 【請推行動 po】真係好嬲好嬲，然後聽日繼續返工？ https://lih.kg/2426872 2 1 #5 炭燒三文魚 • 1h 爆響口式推post： 不論咩形式都好，民集6月一定會搞活動 夠膽你就6月前拉哂我地全部人#fight1#dog 0 0 #6 無人格的毒男 #adore# #7 炭燒三文魚 • 1h 爆響口式推post： 不論咩形式都好，民集6月一定會搞活動 夠膽你就6月前拉哂我地全部人#fight1#dog 0 0 #8 炭燒三文魚 • 1h 爆響口式推post： 不論咩形式都好，民集6月一定會搞活動 夠膽你就6月前拉哂我地全部人#fight1#dog 1 0 #9 黑警就係黑社會 • 1h 加油每一個人 最終一定會勝利 https://www.instagram.com/p/CL3DvzqA8Xf/?igshid=f4cpglq8s8fz
