#dewran

Lord Jesus prayer Kurd-Desim Language Niya Minnette bike re! Piyo maeo ke asmende Name to bimbarek ko Saltanatte to bero Hem Harde hem Asmende wastena tu bero riske ma bide meverne Guna ma efke iye ke kerdena xo mare biya ma iki yinu efkeme. Ma mesengerne raa xora dur mefiye hama xiraveninya dur bere.

Hesen Dewran, sera 1958 Dersim´de ame dina. 1977 ra nahet Almanya´de maneno. Ewru sinata ho psikoloji de gurino. Kilamunê ho, siirunê ho, eve Almanki Tirkki u Zazaki nusneno. Ave Almanki hata ewru 4 kitavê ho vejiyay. Na kitavu ra ju ki çarniyara Ingilizki. Serra 2001 de eve muzik di CD ho vejiyay, ninera ‘Nähe und Ferne‘ (Nejdi u Duri) eve giraniye Almanki, “Hazar Reng – Hazar Veng” ki eve giraniya ho Zazakiyo, tede taê misali eve Tirkkiyê. Hata ewru xeyle pêserokunê made Ayre, Piya, Ware, Rastiye´de ... eve Zazaki (yane Kirmançki, Dimilki) kilamê /siirê ho nêsr bi. Zonayiso (informasyono) hira na sitede pelgunê Almaki dero.

ZONÊ MA

Zarance kuna kemeru, Zonê hode wanena. Qilancike nisena gile dare ra, Zonê xode qistnena. Amnon yeno, beno germ, Temuz zonê hode cizeno. Mor u milawin, Teyr u tur, Pil u qiz, Cin u ciamerd, Serre na dinade her çi, Zonê hode waneno. Serre na dinade her çi, her kes zone hode girano. Wertê ninera ça teyna ma zonê hora vozdame! Ça teyna ma zone hora rememe! Ma rememe kata some? Zazaki zonê mao. Bav u kali qeseykerdo. Lawiki vatê, saniki vatê, Zonê ma zof sireno. Zonê ho ça vindkerime, Zonê sari ça ser kerime,

Zonê ho ça bin kerime! Zonê sari ça ser kerime!

Zonê ma ke bi vind, Ma ki beme vind! Lawiki bene vind, Saniki bene vind, Rost bena vind, Tari maneno! Beme lal, beme kêr, Beme bê pa u bê per, Kume bine destu, Gineme vêrrê dêsu, Halê mare u waxt her kes huyino, - ne ke her!

H. Dewran

WELATO SIREN

Welato siren mi virdero, Koyê zerrnin mi çimderê, Binê vorede payrayê, Verva tiji de biluskinê, Hegau ra, mergu ra, gorgeçin perenê ra, nisenê,               mirê ju lawikê vanê.

Zern u sêm uzadero, Verg u hes uzadero, Esq u çef uzadero, Hasreta mi, kesreta mi                     uzadera. Welatê mi zof sireno.

Welatê mi zof sireno, jê cenneto, zerre de adirê cenemi vêseno.

H. Dewran

EZ TU CÊRON

Ez tu cêron, tu kotiya, Usar amê, pepug amê, tu niama, Ez tu cêron, tu kotiya.     Tu bêvenga, tu bêzona,      Tu sermayena...

Dersim de, Erzingan de, Sevaz de, Varto de, Ez tu cêron tu kotiya, Palu de, Piran de, Bingol de, Xarpêt de, Ez tu gêron tu kotiya, Soyrege de, Siverek de

Usar amê, pepug amê, tu niama, Ez tu cêron, tu kotiya… Amnon ame, temuz ame, tu niama, Ez tu cêron tu kotiya, ez tu cêron tu kotiya

H. Dewran

HO BISEVEKNE, HORA HASBIKE

Ho bisevekne, hora hasbike, Rawa sari de ho mekise, karê sari de ho telef meke, en virende hora hasbike, dimera yiyê binura. Cori ho vira meke, to ke hora hasnêkerd, kes tora hasnêkeno.

Rew mexapiye, Raver meso, rew memire, eve vatena sari ho megoyneno, eve vatena sari ho mepoyneno.

Bingehê ho çipke, Hode hast ve, royê rast ve, To ke hode biya hast, U waxt mau piye hode ki bena hast, çêyê hode, hometa hode ki bena hast.

Wesiyede hast ve, dina de hast ve, Hode hast ve, royê rast ve.

To ke biya voreke, tu ke biya miye, Dormê tode vergi benê deyra.

Wesiye wesa, reyna peyser nina, En wesiya xiravine, onciya Merdene ra rinda.

Funeral of #YPG #fighter Dewran Besta laid to rest in Şırnak

ŞIRNAK (DİHA) - The funeral of YPG guerrilla Sinan İdin (Dewran Besta), who lost his life in the resistance of Kobanê, was buried by thousands of people in his homeland Şırnak.

The funeral of the YPG (People’s Protection Units) guerrilla Sinan İdin (Dewran Besta), who lost his life in a clash with Islamic State of Iraq and Sham (ISIS) gangs in Kobanê Canton of Rojava, was laid to rest by…