#bbctrust

At the end of 2016, the BBC will get its next Royal Charter, giving it set of rules and expectations it must meet as a public service broadcaster over the next 10 years. The UK government put a call out last year for feedback on what the public, and…

At the end of 2016, the BBC will get its next Royal Charter, giving it set of rules and expectations it must meet as a public service broadcaster over the next 10 years. The UK government put a call out last year for feedback on what the public, and...

Original post: Engadget

Fast Laptop and PC Repair Service: http://londonpcrepairs.org.uk/about-us/

BBC Three to go off air and move online in February next year

The writing is well and truly on the wall: BBC Three will cease to exist as a broadcast TV channel from February next year

Read More

THE MG ALBA EXPERIMENT WAS WRONG - ANGUS PETER CAMPBELL le cead an ùghdair, Aonghas Pàdraig Caimbeul, 24/07/2015 

“Ann an dòigh àraid, seo againn cothrom toiseachadh as ùr le BBC Alba... Tha Gàidhlig a’ toirt cothrom miorbhaileach dhuinn deiligeadh ri dùbhlan Whittingdale agus na Tòraidhean.”

“An àite ruith as dèidh muinntir na h-Alba air fad — a bhith ag obrachadh mar BBC Scotlandshire — faodaidh BBC Alba a bhith dha-rìreabh eadar-dhealaichte.”

Tha mi air a bhith a’ leughadh mu dheidhinn fear a rugadh ann an New York, Stanley Milgram. Tha fiolm ùr, Experimenter, air nochdadh am bliadhna seo stèidhichte air na sgrìobhaidhean aige. B’e sìc‑eòlaiche a bh’ann am Milgram a bha ag obair aig Oilthigh Harvard agus a chruthaich deuchainn rannsachaidh anns na 1960an a bha caran connspaideach, am ‘Milgram Experiment’: sgrùdadh air mar a bha mac an duine a’ deiligeadh ri ùghdaras agus cumhachd. Sgrìobh e an leabhar ainmeil ‘Obedience To Authority.’ Cho-dhùin e: ‘The disappearance of a sense of responsibility is the most far reaching consequence of submission to authority.’

‘Manufacturing consent’, mar a chuir Noam Chomsky e. Tha am ‘manufactured consent’ sin ag obrachadh mar aonta eadar na cumhachdaich agus na quangos ’s na buidhnean a tha roinn a’chumhachd sin a-mach dhaibh. Buidhnean mar am BBC, cuid dhe na h-oilthighean, agus (nar saoghal beag gàidhlig fhèin) na buidhnean a tha air am maoineachadh leis an Riaghaltas airson poileasaidhean an Riaghaltais sin a chur an gnìomh.

Mar eisimpleir: chan eil ach beagan làithean bhon a leig na Tòraidhean fios mu sgaoil gun e am BBC — seach an Riaghaltas — a phàigheas cosgaisean an ‘licence fee’ do sheann dhaoine: uallach £750 millean a thig far sporan a’ BhBC eadar seo agus 2020. Chaidh an aonta ùr a chur air dòigh eadar Àrd‑Stiùiriche a’ BhBC Tonaidh Hall agus an t-Seansalair, Seòras Osbourne, ann an dìomhaireachd, gun a bhith a’ dol faisg air a’ phoball. Mar a thuirt Peter Preston sa Ghuardian: “The BBC simply obeys.”

Bhon uair sin, tha Pàipear Uaine air nochdadh a tha a’ mineachadh mar a bhios sgrùdadh ga dhèanamh air a’ BhBC seach gu bheil an Aonta Rìoghail — an ‘Royal Charter’ a tha na chùmhnant eadar am BBC agus an Rìaghaltas — a’ tighinn gu ceann.

Dè seòrsa BBC a bu chòir a bhith againn, bho dheireadh 2016 air adhart? Bidh cothrom aig a’ phoball am beachdan a chur a-steach, tha an Rìaghaltas ag ràdh. Creid thusa gu bheil am fear a tha a’ làimhseachadh a’ chonaltraidh oifigeil seo, am Ministear Tòraidh a tha an urra ri ‘Cultar’, John Whittingdale, ri beul milis.

Ann am facal-toisich a’ Phàipear Uaine, tha Whittingdale airson gun ‘soirbhich’ leis a’ BhBC: tha e a’ creidsinn gun e rud ‘luachmhor’ a th’ ann; tha e pròiseil gu bheil am BBC aig ‘crìdhe na Rìoghachd’ agus gu bheil i a’ brosnachadh ‘fàs’. Tha e mar am bùidsear aig àm na Nollaig a’ moladh reamhrachd nan turcaidhean. Oir tha fios aig na Tòraidhean gu bheil iad ann an suidheachadh làidir aig Westminster. Cleachdaidh iad a’ chumhachd sin airson crathadh mòr a thoirt air a BhBC, bho bhun gu bàrr.

Tha ceistean ann gun teagamh. Tuarastalan mòra dìomhair rionnagan is luchd-obrach a’ BhBC fhèin, a chaidh suas 22% an-uiridh. Na h-iomairtean ‘white elephant’ aca, leithid am pròiseact didseatach a chosg £100 millean ann an 2013 agus nach do chleachd iad idir. An cuideam a th’ aig BBC Alba air a’ Bheurla. Chan eil gin dhe na rudan sin ceart neo fallain.

Tha an Conaltradh oifigeil seo mun BhBC gu bhith cianail cudromach. Agus tha fhios againn cuideachd gum bi buaidh aig a seo air a’ Ghàidhlig. Mar-thà, tha Gàidheil phroifeasanta — agus feadhainn aca a th’ air a bhith gu math balbh mu na cuspairean riatanach air a’ bhliadhna sa chaidh — ag èigheach gu feum sinn dìon làidir a dhèanamh air BBC Alba agus Ràdio nan Gàidheal. Feumaidh, oir tha e cho ceart ri ceart gum bi sianal Tbh Gàidhlig làidir agus seirbheis rèidio Gàidhlig coileanta againn. Ach seo an rud: tha e furasta bruidhinn air luach nam meadhanan Gàidhlig, ach dè dha-rìreabh a tha sin a’ ciallachadh?

Oir chan e sianal Gàidhlig a th’ ann am BBC Alba ann. O thòisich an t-sianal ann an 2009, ’s e tha na riaghladairean, MG Alba agus BBC Scotland, air aobhrachadh ach lethsheirbheis Beurla-Gàidhlig. Tha BBC Alba mar sheòrsa de substitute airson Sianal Albannach. Mar gun cuireadh Barcelona air mise an àite Messi ann an gèam ball-coise.

Ann am pàipear ris an canar ‘Co-chomhairle Phoblach 2015’ a nochd bho chionn seachdain neo dhà, dh’aidich MG Alba gu robh iad a h‑aona ghnothach a’ cleachdadh Beurla mar phàirt de dh’oidhirp air an tug iad fhèin ‘normalisation’. ’S e tha seo ach sgrios nan sgriosaidhean: feallsanachd uamhasach a tha a’ leigeil le Beurla a bhith na phoileasaidh oifigeil aig buidheann a tha a’ faighinn a’ mhaoineachaidh stèidhichte air aobhar na Gàidhlig. Tha na h-uaislean Gàidhealach againn fhèin a’ mùchadh an cànan fhèin. Mar a thuirt neach-ionnsachaidh Alison Kinnaird à Dùn Èideann am bliadhna “Mar as motha de Bheurla a’ nochdadh air BBC Alba, ’s ann as làige a tha buaidh Gàidhlig anns a’ bheatha làitheil againn uile.”

Tha e na dhòchas gu bheil daoine sna coimhearsnachdan againn a’ faicinn tron sgleò. Bu chòir dhuinn a bhith moiteil às daoine òga leithid Ruairidh MacÌomhair à Leòdhas, Ishi Nicilleathain à Barraigh agus Robbie Anndra MacLeòid à Dùn Èideann, gun ghuth air Morag NicLeòid à Scalpaigh, Aonghas Dubh MacNeacail à Carlops agus feadhainn eile, a tha a’ seasamh còmhla gu làidir an aghaidh an tùil Bheurla seo. Ann an 2015, tha dearbhadh againn nach eil feum (an robh a-riamh?) air fo-thiotalan Beurla loisgte airson prògraman ùra air BBC Alba. Fhuair Lisa Storey freagairt oifigeil bho Urras a’ BhBC is iad ag aideachadh gu bheil leud-banna (bandwidth) gu leòr ann gus cothrom a thoirt do fo-thiotalan Beurla a bhith falaichte, ma dh’fheumas iad a bhith ann. An-dràsta. Tha e fìor dhuilich nach fhaic àrd-riaghladairean MG Alba agus BBC Scotland an fhìrinn ghlan a tha air am beulaibh.

Tha mi’n dòchas gun cleachd na Gàidheil cothrom-conaltraidh a’ Phàipear Uaine seo gus innse don Riaghaltas gun e seirbheis dha-rireabh Gàidhlig a dhith oirnn. Ann an dòigh àraid, seo againn cothrom toiseachadh as ùr le BBC Alba. Le sglèat ùr mar a bh’aig m’athair ’s mo mhàthair sa bhun-sgoil!

Tha Gàidhlig a’ toirt cothrom miorbhaileach dhuinn deiligeadh ri dùbhlan Whittingdale agus na Tòraidhean: ‘Questions persist  around the distinctiveness of the programmes the BBC delivers, and whether it uses its broad purposes to act in too commercial a way, chasing ratings rather than delivering distinctive, quality programming that other providers would not.’  (facal-toisich Whittingdale, am Pàipear Uaine)

Gheibhear freagairt ceart air a’ cheist gu h-àrd, ma chuireas sinn cudrom air Gàidhlig – ma dh’atharraicheas riaghladairean BBC Alba an cuid phoileasaidhean. A bhith ag aideachadh gun robh an MG Alba Experiment le Beurla ceàrr. An àite ruith as dèidh muinntir na h-Alba air fad — a bhith ag obrachadh mar BBC Scotlandshire — faodaidh BBC Alba a bhith dha-rìreabh eadar-dhealaichte.

Gàidhealach, ionadail, cruthachail agus eadar-nàiseanta. Tha BBC Alba mar a’ bhò anns an t-seann sgeulachd nach b’ fhiach a bleoghainn o chionns gun robh i fo gheasaibh: cha toireadh i dhut ach uisge, seach bainne. Bha an droch shùil air laighe oirre, ach chaidh a slànachadh aig a’ cheann thall le oba is uba is rann an ainm an Trianaid. Nach ann aca a bha an cumhachd, ’s nach sinn a dhèanadh feum air nar latha.

*

Na còirichean uile glèidhte, Aonghas Pàdraig Caimbeul, 2015

West Highland Free Press 24/07/2015

Gu h-àrd, an aiste slàn a nochd sa Phàipear Bheag 24/07/2015 - www.whfp.com @whfp1  Taing airson cead a chleachdadh.

*

Ceanglaichean eile

Litir gu MG ALBA agus BBC Scotland, 2015

“Chan eil mi a’ coimhead air Tbh sa Ghàidhlig airson Beurla a leughadh”  -  beachd Robbie Anndra MhicLeòid air blog (07/07/2015) MG ALBA

CAMPAIGN BREAKTHROUGH

Campaigners claim breakthrough - 2015 - West Highland Free Press

Audio

Liza Storey 09/09/2014 - chan e sianal Gàidhlig a th’ ann

Pairt I: Aonghas Dubh MacNeacail 12/12/2014 - ceistean mu BhBC ALBA a' sparadh Beurla oirnn! Sgur dhe!

Mairead Mairi Mhoireach 06/01/2014 - beachd a’ BhBC

Pairt II: Aonghas Dubh MacNeacail 07/01/2015 - còirichean nan Gàidheal