#baliw

kunti nalangggggggggggggggggggggggggggggggg

may mga araw na nababaliw pa rin ako kasi naaalala kita. kahit na sabihin ko na madalang ka na lang pumasok sa isipan ko, hindi ko itatanggi na kapag sa tuwing nangyayari ‘yon, ito rin yung parehong pagkakataon na hinihiling ko na hindi maging ako ng ilang sandali. ayaw kong nakikita yung sarili kong mukhang tanga pa rin sa’yo. hindi ko maatim na hanggang ngayon, baliw na baliw at durog na durog ang pa rin ang buo kong pagkatao simula nung mawala ka na sa buhay ko. ang babaw na, sa totoo lang... pero nalulunod pa rin ako -- sa mga alaala, sa bawat pag-alala, sa bawat walang-sawang pagpapaalala sa sarili ko na tapos na tayong dalawa. 

at sa tuwing nababaliw ako sa’yo, kung anu-anong kagaguhan ang pinapasok ko. pinipilit kong ibaling sa ibang bagay yung atensyong gabuhok na lang layo sa pagiging mapurol. may mga pagkakataong nagiging matagumpay ang pagtatangka, madalas, hindi. imbis na guminhawa yung buhay ko, pakiramdam ko mas lalo pang gumugulo sa tuwing nagdedesisyon ako na gawin ang mga bagay na ‘to. 

ano ba kasing meron sa’yo at naging ganito ang epekto mo sa buhay ko?

kaya’t ako’y magpapasya -- isusumpa kita. 

hindi man maganda sa pandinig o sa mata, hindi na ‘yon mahalaga. isinusumpa kita. kung hindi man bumalik sa’yo nang doble yung sakit na binigay mo sa iba, sana, masaktan ka at umabot sa puntong maalala mo kung anong ginawa mo sa ‘kin. sa ating dalawa -- kung may pake ka pa sa mga nangyari at kung sakaling maalala mo pa. mapuno sana ang mga araw mo ng luha at malunod ka sa mga kasalanang walang-awa mong ginawa. mahirapan ka sanang gumalaw sa mundo kahit saan ka man magpunta. at nawa’y mapuno ang bawat minuto ng buhay mo ng katahimikan at pagkukunwari. para saan pa’t diyan ka magaling kung hindi mo rin ‘yan mararanasan palagi?

sana maging sing-ilap mo yung kasiyahang hinahanap mo na siya ring ninanakaw mo palagi sa iba. huwag ka na sanang makabangon ulit kung sakaling madapa ka.

at isusumpa kita nang sagad sa buto. itaga mo pa sa mga bato, sa posibilidad na balang araw na maging katulad nito ang puso ko, at sa bawat araw na mababaliw ako sa tuwing papasok ka nang walang pakundangan sa isipan ko.