#24.3.2023

النهارده من كذا سنة كنت بقول إني "سعيدة إني بنتهي" و"عارفة إني مش هكمِّل هنا ومش هبقى موجودة ومش هعلَّق نفسي بحاجات خلاص" وبرمي كل فرصة بتتقدملي ورايا ورافضة كل حاجة، ودلوقتي حاسة النقيض تمامًا وإني ببتدي! ومبسوطة إني ببتدي! ومش عارفة والله بس الحياة غريبة أوي. يمكن بعد شوية أكون بنتهي تاني، بس مبسوطة إن فيه بدايات وفيه فرص والحياة مش مقفولة بالضبة والمفتاح. على الأقل دلوقتي فيه بداية وعارفة ده وعايشاه ومع الموجة زي ما تودينا. فيه أمل؟ فيروز بتقول آه، فيه أمل. وأنا كمان.