Gallerí Snærós Á árinu 1985 fluttu myndlistarmennirnir Ríkharður Valtingojer og Sólrún Friðriksdóttir ásamt tveimur börnum sínum, frá Reykjavík til Stöðvarfjarðar og settust þar að. Árið 1988 stofnuðu þau Gallerí Snærós í nýrri viðbyggingu við einbýlishús þeirra og var það þá eitt fyrsta gallerí utan Reykjavíkur. Galleríið var og er í tengslum við grafík - og texílvinnustofur þeirra hjóna sem vettvangur til að koma þeirra list á framfæri. Galleríið hefur í gegnum árin tekið ýmsum breytingum bæði í rými og í rekstri. Fyrstu árin voru þar einnig til sýnis og sölu myndlist og listmunir frá ýmsum íslenskum listamönnum. Á tímabili var mikil áhersla lögð á sýningarstarfsemi og voru sýnd verk innlendra og erlendra myndlistarmanna Um tíma voru í Gallerí Snærós eingöngu verk Ríkharðs og Sólrúnar til sýnis og sölu. Á siðustu árum hefur Rósa Valtingojer, dóttir þeirra hjóna sem vinnur í keramik sýnt og selt framleiðslu sína í galleríinu. Zdenek Patak eignmaður Rósu sem er grafískur hönnuður en vinnur líka í myndlist, sýnir einnig teikningar sínar í galleríinu. Þessir fjórir listamenn taka nú þátt í rekstrinum og sýna og selja sína hönnun og listmuni í galleríinu. [email protected]