sh

إنك انتي كل شيء

بعترف

إنتي أهلي والصديق

بعترف

ليكي يا شريكة الطريق

ابتسامتك شمس يومي

لو بتبكي تزيد غيومي

لما تكون عينيكي راضية

ببقى طفل على الدوام

واما تتملي بالملام

قلبي بيشيب بالخصام

لو سحابة صيف تفوت

يتحاش الكلام ف صوتي

ياللي فهماني ف سكوتي

واما تصفا سماكي تاني

تتحل العقدة ف لساني

يتوصل حبل الحنان

الونس يطرح ريحان

وضحكنا يملى المكان

وقت فرحك البريء

وقت حزنك الرقيق

بعترف

إنك انتي كل شيء

بعترف

إني ساعات يسوقني عندي

بعترف

إني كتير بكون أناني

بعترف

أيوة أنا مش حد تاني

إني ياما كتير تعبتك

واني فيا كتير عيوب

بس برجعلك واتوب

إني شايل فيا ضعفي

إني بجرح وانتي تعفي

أيوة أنا الطفل الملول

اللي يعجز في الحلول

واللي يغضب من عتابك

بس مالوش إلا بابك

ورغم كل عيوبي ديا

مش ف طبعي القسية

ياللي زي التوب عليا

ياللي صابرة وقت ضيق

وقت عطشي تبلي ريق

بعترف

إنك انتي كل شيء

بعترفلك بالجنون

إني مش تملي عاقل

واني بهرب م المشاكل

بس حبك إنتي غير

قلبي من غيرك ضرير

ما انتي لعينيا الضمير

طول ما إنتي باقية جنبي

لسه باقي فيا خير

بعترفلك بالحقيقة

إني عايزك ف اللي جي

إن حبك لسه حي

واني هتغير واقدر

ابقا زي قلبك اخضر

وقبل ما يفوت الأوان

أنا بعترف إني بحبك

يمكن اكتر من زمان!

وربنا يخليكي ليا♥️♥️ @shorook