Shark·鯊事比亞·Speaker

大家好！我係鯊事比亞！其實我係香港中文大學中文教育4年級學生潔盈:)

尼個BLOG既吸睛位就係故事性強同埋夠古靈情怪，仲要難得地有文青既一面，主要對象係香港中學生到大專生同埋成人既年紀（主要係90後80後），希望用輕鬆既手法帶出保育鯊魚既信息！亦希望佢地係資訊科技發達嘅平台獲得資訊，再影響身邊嘅人！

其實喱個BLOG嘅誕生，源自一個故事。有一日，鯊事嘅幾位朋友黎左拜訪，話D人類為左魚翅不惜一切，淨係割左𠳔地身上嘅鰭，就放番𠳔地落海。而且，人類仲破壞哂佢地同其他動物居住既海洋，亂咁捉佢地，令到鯊魚數目愈黎愈少⋯⋯

TO BE OR NOT TO BE，that is the question.

其實要毀滅定要生存，尼個係一個值得思量既問題，唔止鯊魚，都係人類既問題。WE SAY No！

最後連蒙羅麗鯊都話要出黎幫下我地。

所以我地合力開左尼個BLOG，內容大部份都係我自己設計，仲有唔少精彩生動嘅文字創作同笑到你傻嘅惡搞，我仲設計左五個唔同嘅tags：artsharkspeaker, lazysharkspeaker, thinkingsharkspeaker, angrysharkspeaker, monalishark，比大家唔同既風格嘅內容，令你估我唔到，笑住關心鯊魚！！！

一個月時間過得好快，自己都透過喱個活動成長咗好多，學識更多有關鯊魚嘅知識，仲真喺好想出一分力保育鯊魚，愛護喱種咁特別嘅動物。

鯊魚喱種情場浪子成日俾人拒絕，唔喺因為𠳔無條件，而喺𠳔太進取，又太勇猛，一眾女生不禁被𠳔震懾，馬上逃離現場。以下喺一則小故事：

嗰日我見嗰女仔俾人捉左，關咗喺個鐵籠入面，嗰女仔身型修長，長髮飄逸，我真喺好想結識𠳔啊！！於是我就立刻想黎個英雄救美，諗住利用我咁大個口同捉咗女仔嘅壞人理論一番，點知⋯⋯

可能喺最易「爆四」嘅鯊魚：大青鯊 我呢就輕鬆爆四嘅，簡直喺鯊魚家族裡面最勁，大白鯊？行埋一邊喇！我游水可以去到時速70公里，雖然淨喺爆到一陣，但喺夠做喇，輕鬆爆四，其他喺後面準備開始咋！而且我可以游到好遠好遠，直情繞住個大西洋咁游，大西洋喺我個運動場嚟嫁炸！我可以游超過2萬5千公里，喺咪好勁呢？！所以呢，我發育成長得最快，每年差唔多可以長成30公分，我啊媽成日都同我講，食到咁大隻，浪費哂啲米飯，其實𠳔不知幾自豪。

其實講咗咁耐鯊魚，都好似覺得𠳔哋喺好遙遠嘅海洋度生活，其實𠳔哋有機會就喺我哋附近！曾經出現過鯊魚嘅香港水域有以上喱幾個！

最常喺香港水域出沒嘅鯊魚品種喺烏翅真鯊，又名黑鰭鯊，出生時長約23至52釐米，一般可以生長到90釐米，最長更達160釐米。黑鰭鯊體形喺鯊魚界當中比較細小，經常喺淺水地區出沒，黑鰭鯊的幼鯊習慣群居，覓食嘅時候會圍剿獵物。

虎鯊都喺香港常見嘅鯊魚，屬於「底棲性」鯊魚，行動較為遲緩，習慣夜行，廣泛分佈喺熱帶同亞熱帶嘅太平洋同西印度洋。虎鯊一般長約50釐米至150釐米，其中一個明顯嘅特徵喺𠳔兩個背鰭前端各有1根刺，它以海星、貝殼、蟹、蝦為食，並唔喺危險嘅掠食者。

一則令人雀躍嘅消息，鯊魚族群多個安樂窩喇！加拉巴哥群島新增咗一個海洋保護區，保護全球密度最高嘅鯊魚族群！

加拉巴哥群島海域位於冷熱洋流匯集處，是全世界生物多樣性嘅最高海域，有3,000種魚類、無脊椎動物、海洋哺乳動物、特有種海鳥同埋全世界唯一嘅海鬣蜥。由於地處偏遠獨立，好似加拉巴哥象龜等好多特有種仍保持住史前時代嘅模樣。加拉巴哥群島喺一個非常適合鯊魚嘅地方，有超過34種不同種嘅鯊魚，包括體型最大嘅鯨鯊、迴游性嘅雙髻鯊和加拉巴哥鯊。

其實加拉巴哥群島島上99%嘅陸地屬於自然保護區，禁止開發活動，旅遊活動都有嚴格嘅限制。當地18年前就開始設立海洋保護區，禁止商業捕撈。而家仲有小型當地漁船可以喺保護區範圍內作業。不過厄瓜多政府表示，該棲地受到全球暖化、商業拖網同非法捕鯊取翅活動嘅壓力，需要加強保護。

全球鯊魚數量正急劇減少。據科學家估計，每年約有1億隻鯊魚被殺害，佔鯊魚總數嘅6%至8%，遠超於鯊魚族群繁衍速度。政府希望新嘅保護區能作為鯊魚嘅繁殖基地，等所有鯊魚長至成年，回到全球海洋。此外，政府亦都寄望新同現有嘅保護區能促進國際海洋保育行動、取翅反制行動同氣候變遷的對策。

嘩！我見到喱單新聞真喺嬲到震，地球嘅珍貴生物竟然淪為商品，仲要用如此低廉嘅價格出售，仿如一件垃圾被遺棄於市場⋯⋯

「在2013年第十六屆《瀕危野生動植物種國際貿易公約》（ＣＩＴＥＳ）締約國大會上，包括我國在內的各締約國通過投票，採納了五種鯊魚（三種雙髻鯊、長鰭真鯊和鼠鯊）和兩種蝠鱝等海洋物種升級到附錄二的提案。締約國高票通過的情形，標誌著對相關瀕危物種的貿易約束和保護將更為嚴格。」

sharkspeaker: 喂！你喺邊位啊？！

monalishark:睇我個名都知我關事嫁喇，蒙羅麗「鯊」啊！

sharkspeaker:OMG!你喺蒙羅麗「鯊」？八卦吓先其實你同達文西有咩關係啊？點解會俾𠳔畫喱幅畫架？做咩唔喺俾我畫啊？！⋯⋯（下刪10000字）

monalishark:喂！好喇喎，零分你重作啊那！離哂題！我嚟到你識做喇！咁有藝術氣息嘅我俾個機會你向藝術界發展啊！文！青！

sharkspeaker:嘩！簡直喺天大嘅笑話⋯⋯唔喺唔喺⋯⋯喜訊至啱！多謝你啊蒙羅麗「鯊」！我地今日就開始用藝術影響生命，和大家宣揚保育鯊魚，嘅訊息喇！不過喺咪你畫先～