‏لنا في اللهِ ظَنٌّ لا يخيب

بالأمس مررت بذاكرتي،

مش وظفتك انك تثبت للناس إنك كائن محبوب ..

مشكلة كبيرة بتواجه شريحة كبيرة من البشر هي إنهم حاسين دايما بعبء إنهم لازم يبقوا شخصيات محبوبة !!! .. مع ان ديه مش شغلتك !! مش شغلتك تثبت لحد اي حاجة !! .. ففكرة انت انسان محبوب او لأ ، مش مقتصر علي حقيقتك او شخصك ، إنما إنطباع و رأي الناس عامل اساسي في تحديد النقطة دية ... و اللي طبعا بيكون خاضع لقناعات و مزاجيات برا عنك ..

فالانسان وظفته يبقي شخص محترم لحقوق و حدود الاخر ، شخص أمين و عادل بين الناس ، شخص رحيم بالبشر ، صادق مع نفسه و اللي حواليه .. و يبقي كدة لذاته مش عشان رضا إجتماعي او قبول خارجي .. فهو مش عاوز يثبت حاجة لحد .. و لا اصلا فارق معاه الإثبات من عدمه !! فزي ما بتقول دكتورة علم النفس Elisabeth Kübler-Ross :

The opinion which other people have of you is their problem, not yours

رأي الناس عنك مشكلتهم هما ، مش مشكلتك !!

.. في النهاية ، الموضوع بيتطلب نوع مميز من الشجاعة و النضوج ، فمش من السهل إبدا ان الانسان يتغلب علي إدمانه لإعجاب الناس و استحسانهم .. مش العادي انه يتعايش مع فكرة ان فيه حد مش عاجبه شخصيته او طريقة تفكيره .. فالانسان من ساعة ما بيتولد و هو بيتحبس في سجن أراء الاخرين .. مهوس بفكرة انه لازم يعجب الكل ، فينهار و يومه يبوظ لو سمع رأي سلبي او حس للحظة انه مش عاجب حد ، حتي و لو الحد ده مش بيمثل له اي قيمه مهمه في حياته !! .. مع ان الممثل الجميل Will Smith له جملة عظيمة بتقول :

Stop letting people who do so little for you control so much of your mind, feelings & emotions