Na-alimpungatan ako sa gitna ng gabi,
Naisip ko, parang masarap mag-kape.
Kapeng barako, instant o 3-in-1
Walang tatalo dito, kahit sino ‘man
Isa nanamang gabing walang bituin, maulan at tahimik.
Tanging pag patak lamang galing sa langit ang maririnig;
Sa gabi’y ang mga kuliglig ‘di na humuhuni.
Pakiramdam na umaayon sayo ang kapaligiran sa pag mumuni-muni
Bulong sa hangin kasabay ng usok galing sa sigarilyo.
Higop sa mainit na kape kasabay tingin sa mapulang kalangitan.
Ang sarap sa pakiramdam, tahimik, walang nakakabasag at gumagambalang tunog.
Tuwing umaga’t nakikipag sabayan sa mga dumadaan.
Tuwing tumatawid at may nag sisigawan sa daan.
Oo nga pala, wala ka na sa aking tabi. Ang sarap sa pakiramdam.
Tahimik at wala na akong paki alam, hindi ko na kailangang isipin ang nakakabasag at nakakagambala mong tunog tuwing umaga’t nakikipag sabayan sa init ng ulo sa ‘di malamang dahilan kahit tayo ay nasa gitna ng daan.
Tuwing tumatawid at patuloy akong sinisigawan; mga taong nag titinginan at ako'y kinakabahan.
Tuwing papasok na lang sa trabaho kinikilabutan at pinag papawisan ng husto,
Ano bang nagawa ko sayo? dahil hindi mo naman ako kalaban.
At ayon,
Isa lang naman pala ang iyong gusto, na ika’y aking bitawan.
Sa simula pa lang pala, sana ‘di na pinag bigyan.
Tanging pag patak nalang ng ulan ang maririnig.
Dahil naihagulgol ko na sa langit pag mag isa sa gabi,
Ang maingay na tunog ng kuliglig at huni ay wala na.
At alam ko, sa loob ko, magsisimula na.
Ang sarap humigop ng mainit na kape.
Habang nakatingin sa mapulang langit sa gabi.
Kasabay ng pagbuga ko ng usok sa naubos kong pake.
origamiaround
dailybridgerton
tangentwithtanner
kianamaiart
discoholicmusic
yousharknotpass
