Busy Learning

Salut! Je suis pour me présenter, ma famille et mes amis. 

Ang huling aralin na natalakay namin para sa Fil 14 ay ang komiks bilang isang bahagi ng kulturang popular noon. Noong una ay naisip ko na ‘bakit pa pag-aaralan ang paksang komiks kung ang dahilan ng pagsulat at paglimbag ng mga komiks ay para sa libangan lang.’ Pero sa patuloy na pag-usad ng talakayan, napansin ko na maraming naitulong ang komiks maliban pa sa pagbibigay aliw sa mga mambabasa nito. Ang komiks ay madalas tinitingnan ng mga tao bilang pampalipas oras at pagbibigay ng aliw pero hindi nila napapansin na may malalim itong kahulugan. Ang kahulugang ito ay tila isang balintuna sa katalagahan ng mundo ng mga Pilipino noon. Madalas pinapakita ng mga kwento sa komiks ang mismong buhay ng mga Pilipino noon. Kahit sa mga akdang gawa laman sa katha ay may bahid ng katotohanan ng lipunan natin. Tuwing nagbabasa ang mga tao ng komiks, ang saloobin ng mga mambabasa ay tila pinagtatawanan at pinaghuhusgahan ang mga karakter sa komiks pero hindi nila napapansin na sila rin ito sa mundong kinabibilangan niya. Parang pinagtatawanan lang nila ang sarili nila kapag pinagtatawanan nila ang bawat karakter sa komiks. Ito ang balintunang napansin ko dito. Ang mundo ng komiks ay unti unti ng nawawala sa panahon ngayon. Nakakalungkot ito isipin sapagkat may malaking naitulong ito sa ating kasaysayan at kabuhayan bilang isang Pilipino. Malaking bahagi na ng ating kultura ang pagbabasa ng komiks maging pagbasa man ito o kaya’y paggawa. Natatandaan ko pa noon na komiks ang una kong pinupuntahan kapag nakakahawak ako ng pahayagan. Natutuwa rin naman ako sapagkat may nakikita pa akong may hilig sa komiks at pinapanatiling buhay ang komiks sa ating lipunan ngayon. Napili kong gawing paksa ang komis dahil sa letratong nakuha ko sa Cafe Publico sa Greenhills Promenade. Namulat ako sa katotohanan na may mga bagay talaga na binabalewala at naisasantabi lamang sa paglipas ng panahon.

Sa panahon ng teknolohiya, mas madaling ipalaganap at ibahagi ang mga kwento ng ating mga ninuno sa pamamagitan ng pagsasapelikula nito. Mas tinatangkilik ito kaysa sa pagbasa ng mga akdang nakasulat o akdang pa kwento lamang. Huwag nating kalimutan na ang mga kontemporanyong palabas ay naimpluwensiyahan ng ating kasaysayan. Gumawa ako ng isang CD cover bilang isang sagisag na nananatiling buhay ang mga kwento ng ating mga ninuno sa pamamagitan ng pelikulang ipinapalabas sa TV o kaya’y tuwing Metro Manila Film Festival (MMFF) tuwing disyembre.

Isang sagisag ang pagkalagay ng buwan sa CD sapagkat isa itong panukso at pagsusulit sa bawat bubukas ng CD. Sa pagkagat ng dilim madalas lumalabas ang lahat ng kababalaghan ng ating mundo. Kung sakaling halimaw ka o aswang o anong klaseng nilalang ka man, lalabas ang iyong totoong anyo kapag nakita mo ang kadiliman na dulot ng buwan. Maaari ko ring sabihin na ang disenyo ng CD cover na ito ay isang pangungutya sa katalagahang ating kinabibilangan. Maaari rin itong ituring na isang pagsisiyasat sa katotohonan ng ating mundo.

Nais ko lang punahin na dapat mamulat ang mga mata at isipan nating mga Pilipino. Hindi lang dapat tuwing MMFF natin ipinapalabas ang mga gawang pinoy. Mas madalas, mga pelikulang banyaga and ipinapalabas sa ating sinehan at iyon ang mas tinatangkilik ng mga Pilipino. Marami namang magagaling tagapangasiwa at magagandang palabas na gawang pinoy. May mga pagkakataon nga na mas maganda pa ang gawang pinoy kaysa sa ibang bansa pero hindi natin ito nakikita. Marami rin namang mga malilikhaing Pilipino na hindi nabibigyan ng parangal o kaya’y makilala man lang sa angking talento nila. 

Bakit kaya’y hindi tayo naniniwala sa kapasidad at sa kakayahan nating mga Pilipino? Bakit kaya’y itinataboy natin ang mga gawa ng kapwa nating Pilipino? Bakit kaya’y mas sumasandal tayo sa kultura ng mga banyaga? Sa mga tanong na ito, nakalaya ba talaga tayo sa kamay ng mga banyaga? May saysay ba talaga ang tinatawag nating “Independence Day” o Araw ng Kalayaan? Sa dulo nitong lahat, matatawag ba nating Pilipino tayo? Ano ba ang isang Pilipino?

Isa itong babala: Ito ba’y isang akda, Halimbawa ng tula? O kwentong gawa gawa?

Makulimlim ang langit, Tila may isang pagsusulit. Naglalakad ang paslit, Naghahanap ng pusit.

Nakakita sa tulay, Medyo may kabigatan. Pusit, biglang tinangay. Ginawa ‘tong laruan.

Palapit ay anino. Ito’y kanyang katoto. May dalang alimango, Dalawa’y nagtatalo.

Biglang sumigaw sila. Tumakbo na ang ama. Nakasunod ang ina. Ang lahat ay tumawa.

Isang babala: Ito ba’y isang akda O isang kaalaman. Suriin at pag-isipan.

Tumingin sa bintana. Ano ang iyong nakikita. Makulimlim ang langit. Tila may isang pagsusulit.

Isang puno ng mansanas, Hindi pa naaagnas. Nasa gitna ng hardin, Tao’y kasama din.

Hinangin ang bunga, Nahulog at tumama. Nagkabukol ang ulo Ng taong sa tabi’y nakaupo.

Ito ba’y isang akda; Halimbawa ng isang tula. O isang kaalaman; Pagkatuklas ng kabigatan.