Razan

كل وجعنا، ومعاناتنا الوجودية، وإحساسنا بالوحدة وقساوة الحياة…. لازم كمان تجينا الإنفلونزا

لو معي مصاري، كنت أعلنت عن جائزة مليون دولار لأي حدا بيقدر يلاقي شخص أغبى من اللي ماشي ع نظام الطيبات.

بلّشت اقتنع إنو في عالم مقطوع الأمل منهن، نمط تفكيرهم ما بيتغيّر، وما في فايدة تضل تراهن ع مستقبل أحسن معن. بس الحمدلله، التجربة البشرية دايمًا بتثبت إنو فيك تبني مستقبل أفضل رغم وجودهن

قاضي الحاجات، ملاذُ الأمنيات، فاك العقد، مُيسّر الصعوبات، مُغيّر الأحوال..يا اللهُ، نتوسّلُ بك.

الشهر اللي ما الك فيه ما تعد أيامه

‏كل يوم بمشّي نفسيتي شي ساعتين المسا متل الناس الي بيمشّوا كلابهم مشان ما تكتئب وتنبح علي بالليل.

الأمل مُرعب، لأنّو بيخلّيك تحسّ إنّو صار عندك شي تخسرو… عكس اليأس هو لمّا تتقبّل إنّو ما عاد ضايل شي تخسرو

‏الناس عندها خلط بين "ما بعرف" و "ما بدي أساعدك".

‏الانتحار تبذير. لازم الواحد يروح يتبرّع بحاله لشي دب قطبي جوعان.

‏دايما بتدهشني كمية الوقت الي ممكن يضيعها عليك حدا ما عندك أي فكرة عن وجوده بالحياة. العمر مش بعزقة يا جماعة.

‏جارنا شخص مثير للاهتمام. بيكون عم يحكي عادي وبس يبلّش يكذب كذب مكشوف بيصير يدعم حكيه بآيات قرآنية.

‏الإنسان الّي نفسيته سليمة بهالأوضاع هو إنسان مريض نفسيّاً.

‏الوقت المناسب للقيام بالأمور الصعبة هو أي وقت في الماضي أو المستقبل ما عدا اللحظة الحالية.

الوقت الفاضي بيعمل ضغط نفسي أكتر من الشغل. لأنك شو ما عملت، دايماً في طريقة أحسن كان ممكن تستغل وقتك فيها.

‏الرغبة بالموت مو بالضرورة تكون نتيجة اكتئاب أو حزن أو حالة درامية. أحياناً بتكون هالرغبة شغلة متل النعس، انو خلص بيكفي، تعبت وما عاد بدي.

سمعت واحد عم يسأل الشيخ إذا فينا ندعي عالجهة الفلانية، كأنّو دعوات الأمة صواريخ بالستية. ستين سنة ادعية على اليهود بدون الأخذ بالأسباب، وبالآخر طلعنا ب200 رأس نووي إسرائيلي.

اللهم إن الروافض قد عاثوا في بلاد أهل السنة الخراب، فحبّب الأميركان والإنكليز بنا، وألهِم الكفّار أن يسلحونا حتى نعزّ دينك وتعزنا به.وحنّن قلب الناتو علينا.و أدر دمعة وزير الدفاع الأمريكي على ثوراتنا.