Jan 27
Khud se baat karne ka mann karta hai kabhi,
Khud se pyaar karne ka mann karta hai kabhi.
Is bhaagte waqt ke daur mein,
Khud ko dhoondhne ka mann karta hai kabhi.
Khud ko dekhti hoon aaine ke darpan mein,
Khojti hoon woh alhad, befikr si hansi.
Woh natkhat si, sapnon ki udaan leti nazrein—
Woh zindadili… aur woh zindagi.
⸻
Khud se baat karne ka mann karta hai kabhi,
Khud se poochhne ka mann karta hai kabhi—
Kahaan gayi aur kab gayi tu,
Khud ko chhod kar?
Ab bas aaja,
Wahi purana chola odh kar.
Waqt bhaagta zaroor hai,
Par baat maan—woh bekasoor hai.
Tu hi kahin kho gayi,
In raaston ka na koi kasoor tha.
Woh toh bani raah hai,
Chalna toh tera kaam hai.
Aaj baat sun le meri—
Aaj ab khud ko khud le sahi.
