Kamilləşmək, uc hissəsini tapdığın an dartdığın ipin səndən nələr aldığının fərqinə varmadan, uzunluğundan bixəbər olduğun yolda tək çiyin yükünün bu ipi bir an olsun buraxmamalı olduğunu bilməkdir. Kamilləşmək, qaranlıq bir quyuda gözləyən Yusifin ümidini qəlbindən bir an olsun atmadan, Musanın inancını hər an varlığında mütləq qılaraq o dənizin yarılacağına qarşı gələn bütün məntiq oyunlarını buraxıb, sidq ürəklə addımlamaqdır. Kamilləşmək, dünyəvi elmin hikməti ilə, bütün varlığı mümkün edən vacib elmin dərinliyini dərk etməkdir. Bu dünyadan Kamil biritək ayrılmaq, məncə mümkünsüzdür, amma, o qaranlıqda ipin ucunu tapıb, bütün həqiqi işığın əslində harada gizləndiyini hiss edərək gözü qapalı, inamla, ümidlə yerimək məncə müvəqqəti var olduğumuz bu yolun ən gözəl mənzərəsidir.

İnsanların başına sadəcə qınadığı hadisələr deyil, özü üçün belə normal olmadığı halda 'normal' ləqəbini verdiyi hadisələr də bir gün, mütləq ki gəlir. Sabit və möhkəm xarakterin zədələnmə qorxusunu bir kənara qoymuş, hadisəyə həqiqət tərəzisindən çox uzaqda fikir bildirən insanları ən azından bu mövzu bir az düşündürməlidir.