ما وحشتك؟

‏تنكسف شمس المحبه لا حزنتي ‏ما على جرح الهوى غير الملامه

‏من دخلتي صدري الخايف امِنتي ‏ما بعد رجفة غلاك إلا السلامه

‏قصة مشاعر خلفها الف خذلان ‏عاشت وكبرت مثل مايكبر السن

‏انا ضحية صمت في ظلم الأزمان ‏صابر واقول الجاي يارب احسن

‏تعالي وفجّي صدري بـ رمشك البتار ‏من يموت من سلهامتك قانع وراضي

‏تعالي ترى ما أخترت غيرك ولا بختار ‏انا واحدٍ ما عاد يغريني الماضي

‏تجاوزتها مجبور .. ولّا ماني بمجبور ‏أنا ماهقيت إني بيوم أتجاوزهـا

‏لياليك راحت دون عفواً ولا مشكور ‏من اللي حصل .. مافيه حاجة تميّزها

‏موصد الباب دون الذكريات الحزينه ‏وش يذرّيك ؟ لا هبّت عليك الطواري

‏خلّ كل الهموم اللي بصدرك سجينه ‏دام محدٍ عن اللي في حناياك داري

‏تخير فالديار اللي يغشيها ظلام ونور ‏وفرق النور بالظلمه يبين غلطة فراقي

‏تمرك ليلة تطغى مشاعرها على المغرور ‏تدور فالبشر مثلي ولكن صعبه تلاقي