文廸私人廚房

Airfyer 燒腩仔, 新鮮焗製無需預先雪藏和免搽醋, 方便快捷完成!

1, 洗乾淨用廚紙索水，然後先用五香粉搽混豬肉，豬皮不沾上醃料。

1, 洗乾淨用廚紙索水，然後先用五香粉搽混豬肉，豬皮不沾上醃料。

2, 再用糖搽混豬肉，醃料不沾上豬皮。

3, 最後搽上玫瑰露，醃料不沾上豬皮。 醃大約半小時。

4, 預熱Airfryer.

5, 用廚紙索去豬皮水份，用肉針拮豬皮。

6, 用錫紙摺成一個焗盤，盤底拮孔，方便排走多餘油份。

7, 再次索去水份。

8, 腩肉面鋪上厚鹽。

9, 預設200度一小時，真正焗製時間可加可減。

10, 過了25分鐘後，打開看一看，鹽是否巳變成鹽塊。

11, 鹽塊不痴皮可輕易用鑊剷剷走，如痴皮請繼續焗多一陣。

12, 焗多25分鐘再看，如豬皮巳爆花和脆面即完成。今次合共焗製時間50分鐘。

13, 略攤凍才斬燒腩仔。

完成!

芫茜皮蛋有下火功效，用脆鯇魚尾滾湯，唔需害怕有細骨，魚肉又唔會散，值得一試！

食材

脆鯇魚尾 1條

芫茜 15棵

薑片 幾片

熱水 適量

鹽 少許

皮蛋 1隻

  1, 先將芫茜根部切出，根部帶泥特別要清洗乾淨，預備熱水時連同根部一起煲水，水滾後根部滾一陣取出不要。

2, 如選用不痴鑊的煲，可白鑊爆薑片，略為煎封魚肉表面，之後留下兩塊薑片，其他薑片不要，再撒上少許鹽。

3, 贊上足夠熱水蓋蓋，煲到滾水變奶白色。用低壓煲只需滾5分鐘，其他煲需要時間會耐一點。

4, 再落芫茜一同滾。

5, 再蓋蓋滾5分鐘左右。（當氣壓制彈上，火力調較到最細火力就可以了。）

6, 最後加上皮蛋滾一滾就可以了。自行試味需唔需要落鹽調味。

TIPS

兒時媽咪問我想食咩？我嘅答案都係豬腸，因媽咪撚手小菜係豉油皇豬腸或咸菜豬腸，不過我無媽咪咁叻用新鮮豬腸整，懶人一族去凍肉鋪買就算數啦！

食材

豬腸 約兩磅半左右

［汆水料］薑 1舊

［汆水料］白胡椒粒 1湯匙

［汆水料］米酒 1湯匙

［調味料］生抽 120克

［調味料］老抽 1湯匙

［調味料］冰糖 40克

［調味料］鹽 2茶匙

［調味料］米酒 1湯匙

［香料］乾蔥 3顆

［香料］蒜 3粒

［香料］薑 1舊

熱水 1升

  1, 急凍豬腸先用筷子狂插裏面，插走肥膏或雜質。（如不怕肥可免。）

2, 再將豬腸插入水喉排污。

3, 薑、乾蔥和蒜頭都拍扁，白胡椒粒入茶袋。

4, 汆水料加水煲滾後、放入豬腸蓋蓋煮十分鐘。

5, 汆水後取出白胡椒粒袋備用，將豬腸過一次清水。

6, 爆香香料。

7, 將豬腸和白胡椒粒回鑊同炒一陣，再贊上米酒。

8, 加入調味料和熱水，用低壓煲炆煮個半鐘，普通煲約三小時。中途把豬腸底面反一反再炆煮。

9, 熱水自己調節，低壓煲水位高度剛蓋過豬腸面即可以，如普通煲請自行留意需不需要中途加水。

10, 入味後剪成細細舊最成。

TIPS : 因豬腸厚薄大小不一，請自行測試炆煮時間。

羊架先用慢煮烹調再煎焗，羊架肉質會比較嫩滑

食材

8枝骨羊架 1排

蒜頭 2粒

Rosemary 2枝

橄欖油 1湯匙

香草鹽 少許

生抽 1茶匙

  1,羊架膜用刀𠝹一𠝹。

2,除油和生抽外所以材料塗在羊架表面。

3,將羊架放入真空袋後，把橄欖油和生抽倒入真空袋內，之後進行抽真空備用。

4,慢煮棒設溫度58度時間1：15

5,完成慢煮後打開真空袋，之後取出羊架。

6,取出羊架的蒜頭和香草起鑊, 煎pan溫度一定要高溫，才把羊架煎香表面。

7,煎香羊架表面和蓋蓋焗羊架時間約五分鐘。

8,慢煮的肉帶粉紅色，但羊肉巳熟。 TIPS 每隻煎pan存溫有別，煎焗時間要自己控制。我的facebook專頁會有更多食譜又或短片觀看。

用慢煮方法容易掌握叉燒肉質，慢煮烹調豬肉好淋軟唔會太乾身。

食材

黑毛豬飛排肉 約500克

［豬肉醃料］生抽 1茶匙

［豬肉醃料］老抽 半茶匙

［豬肉醃料］鹽 半茶匙

［豬肉醃料］糖 1茶匙

［豬肉醃料］生粉 1茶匙

［豬肉醃料］油 1茶匙

［豬肉醃料］玫瑰露酒 1茶匙

［叉燒醬調味料］ 叉燒醬 2湯匙

［叉燒醬調味料］海鮮醬 半湯匙

［叉燒醬調味料］花生醬 半湯匙

水 2湯匙

叉燒醬 1湯匙

麥芽糖 適量

  1, 預備材料

2, 黑毛豬肉切長條，先用豬肉醃料醃豬肉，之後加兩湯匙水同醃，醃約半小時以上。

3, 將叉燒調味料放入真空袋內，再將豬肉放入袋內，豬肉醃料汁不用放入真空袋。

4, 慢煮溫度70度時間8小時。

5, 預熱焗爐220度備用。從真空袋取出豬肉，再搽一湯匙叉燒醬。放入焗爐，每邊焗5分鐘。

  6, 十分鐘後搽上麥芽糖。如麥芽糖過硬，可用熱水座溶。放入焗爐再焗3分鐘。

7, 叉燒略攤凍少許後才切。

8, 叉燒切片後即完成。

食材

排骨 400克

酸梅 2粒

甜麵豉 1湯匙

［醃料］ 生抽 半湯匙

［醃料］ 老抽 1/3茶匙

［醃料］ 糖 1茶匙

［醃料］ 鹽 1/4茶匙

［醃料］ 生粉 1茶匙

［醃料］ 油 半湯匙

［醃料］ 水 1湯匙

  1，所有醃料醃排骨，醃製時間約半小時， 臨蒸前將梅子搓爛去核，將梅子肉和排骨攪勻，明火或蒸爐蒸約18分鐘。

TIPS

今日係街市買了花茄，俾一般茄子肥大，所以用焗製方法焗熟茄子，再配上芝士肉醬, 十分美味。

食材

花茄子 2個

半肥瘦豬肉或免治豬肉 180克

［蕃茄醬］蕃茄意粉醬 大半碗

［蕃茄醬］水 細半碗

［蕃茄醬］糖 1湯匙

鹽（浸茄子用） 2茶匙

［醃豬肉調味料］生抽 1茶匙

［醃豬肉調味料］鹽 1/3茶匙

［醃豬肉調味料］糖 1/3茶匙

［醃豬肉調味料］油 1茶匙

［醃豬肉調味料］粟粉 1茶匙

［醃豬肉調味料］水 2湯匙

Mozzarella Cheese 適量

1, 半肥瘦豬肉先琢成免治肉，再加上醃豬肉調味料醃半小時以上。

2, 預熱焗爐爐溫200度, 茄子切開後用鹽水浸10分鐘。

3, 茄子用廚紙索乾水份，茄子放在巳鋪錫紙的焗盆內，入爐焗30分鐘。

4, 先將蕃茄意粉醬加糖攪勻備用。用少少油炒免治豬肉，炒到豬肉約8成熟，將蕃茄醬倒入鑊中加熱，慢慢加入水份，醬汁濃杰程度隨自己喜歡。

5, 煮好的肉醬備用。

6, 從爐中攞出茄子，茄子面鋪上肉醬後撒上碎芝士。

7, 再入爐爐溫200度焗10分鐘，即完成。

只需用點心思，就可以將平凡嘅豆腐卜，變出不平凡嘅食物。

食材

豆腐卜 4兩

蛋 2隻

素上湯或雞湯 蛋液的1.5倍

水果椒 3隻

Mozzarella Cheese 適量

  1, 豆腐卜沖洗後擠出水份, 再將豆腐卜一開二，蛋發混後加入素上湯拌勻，水果椒切絲。預熱焗爐爐溫200度。

2. 預備一隻可入焗爐的器皿，將豆腐卜鋪在碟內，倒入2/3蛋液用明火或蒸爐蒸7分鐘。

3, 7分鐘後將餘下的蛋液倒入巳蒸好的蒸蛋內，再 撒上碎芝士。

4, 再入焗爐焗10分鐘即完成。

TIPS

食材

澳洲肉蟹 約1斤

薑片 約十片

乾蔥 3顆

蔥段 幾棵

九層塔 十幾塊葉

粉絲 1扎

［粉絲調味料］老抽 1湯匙

［粉絲調味料］生抽 半湯匙

［粉絲調味料］乾辣椒 少許

［粉絲調味料］ 花椒 少許

［粉絲調味料］麻辣醬 1湯匙

［粉絲調味料］鹽 1/5茶匙

［蟹調味料］蠔油 1湯匙

［蟹調味料］糖 少許

［蟹調味料］鹽 少許

1, 粉絲先用水浸軟，乾蔥拍扁，薑切薄片，蔥切段，九層塔摘葉。 

2, 先用油爆香薑和乾蔥頭。

3, 再爆香乾辣椒，花椒和 麻辣醬，最後落粉絲同炒， 再加入餘下的調味料炒混，將粉絲攞起備用。

4, 蟹可以預先撲上生粉後再泡油，但今次見蟹比較多膏，不想留失蟹膏，所以省略泡油部份。先將蟹蚶放入煲內，灑上1湯匙熱水蓋蓋焗3分鐘，炒一炒蟹再焗1分鐘。

5, 再將蟹身同炒，之後落蟹調味料，炒混後加上1湯匙熱水，蓋蓋焗3分鐘。

6, 將蟹蓋、蔥段和粉絲放入煲內，加一湯匙熱水,，蓋蓋焗3分鐘。

7, 熄火後放入九層塔焗1分鐘。

8, 用分段焗蟹，蟹肉不會過熟。

TIPS

真係估唔到摩鬼魚原來好好味, 魚肉一梳梳好特別，薑絲一半炆煮一半炸絲，再配上咸菜同煮非常嘢味。

食材

摩鬼魚 1條

咸菜 150克

薑 1舊

乾蔥頭 2顆

蒜頭 2粒

上湯/水 適量

芫茜 3棵

味醂 1湯匙

胡椒粉 少許

  1, 咸菜需先泡浸1小時，當中需要換水，臨煮前用熱水浸一浸，然後撕成粗絲備用。薑需切絲備用，乾蔥和蒜頭拍扁，芫茜切段。摩鬼魚用味醂和胡椒粉醃一會兒。

2, 薑絲留一半備用，一半用油炸成脆絲。油備用。

3, 用炸薑的油起鑊， 先爆香乾蔥和蒜頭，之後爆薑絲 ，再爆咸菜。

4, 加上湯或水，水位約蓋過魚身的一半。

5, 先煮較厚身的魚塊，蓋蓋煮3分鐘。

6, 開蓋後將魚反面，再放入較薄的魚塊，蓋蓋煮3分鐘。

7, 將反轉的魚塊反正後， 可試一試魚湯會否過鹽或過淡， 如味道不足可加少許糖和鹽。最後加入芫茜和脆薑絲即成。

8,

9, 魚肉夾咸菜和薑絲一齊食夠醒胃。

TIPS

一碟餸足巳餸一碗餐飯，蝦醬配上蝦乾 、魚乾和豬頸肉，味道惹味會食唔停口。

食材

豬頸肉 1片

魚乾仔 約半碗

蝦乾 約半碗

蝦醬 1湯匙

糖 1茶匙

生粉 1茶匙

浸蝦水 2湯匙

 1, 蝦乾魚乾洗乾淨後， 用水浸軟蝦乾魚乾備用， 浸過蝦乾水請保留。薑切絲備用，豬頸肉切薄片。

2, 除薑絲備用，所有材料混合醃15分鐘。

3, 豬頸肉撒上薑絲，用明火或蒸爐蒸15分鐘。

4, 臨食時將豬頸肉和醬汁撈混。

TIPS

呢排應酬多感覺口乾熱氣，今朝煲咗花旗參金羅漢果水，飲完立即感覺口腔甘甜口腔舒服，成個個程約半小時，真的簡單又方便。

食材

花旗參片約1/3碗

金羅漢果1 1/2個

水2000ml

1 將所有材料放入煲內，蓋蓋煮滾後可轉中細火煮15分鐘。

2 熄火後繼續蓋蓋焗一陣先飲用。

Tips :金羅漢果可隨自己喜歡加減。 

噚晚見我家老闆食呢碟三杯雞, 食得好滋味, 我就知到煮得好成功。三杯雞惹味餸飯一流。

食材

雞件 半隻

蒜頭 半個

九層塔 十幾片

薑片 幾片

 醃料

生抽 半湯匙

胡椒粉 少許

糖 1茶匙

鹽 1茶匙

粟粉 1茶匙

油 半湯匙

 三杯雞醬料

碎冰糖 15克

玫瑰露酒 3湯匙

生抽 3湯匙

麻油 3湯匙

  1, 雞先用醃料醃半小時以上, 蒜頭輕拍扁去衣, 薑要切片。

2, 利用真空煲燘燒鍋烹調, 用少許油爆香薑片, 之後下雞略煎香雞表面, 不需煎太耐。

3, 無需洗鑊, 利用鑊裏雞油和麻油爆香蒜頭, 之後落三杯雞醬汁的冰糖和酒, 煮到冰糖溶化下雞。

4, 雞件落鍋後炒4分鐘蓋蓋煮1分鐘, 之後放入燘燒鍋焗5分鐘。

5, 從真空煲取出燘燒鍋, 將雞醬汁略為收汁熄火, 最後落九層略炒即成。

6, 醬汁濃度稀度隨自己喜歡。

落雨天無去街市, 在超市只買到蕃茄、薯仔和豬脊骨, 無我想買的紅衫魚, 忽然諗起朋友送咗一些魚乾俾我, 原來魚乾都可以滾到奶白湯底, 真係隨時隨地都飲到魚湯。

食材

蕃茄 4個

薯仔 4個

豬脊骨 34元

薑 幾片

玫瑰露酒 1茶匙

魚乾 大半碗

鹽 1/3茶匙

 1, 準備材料, 煲一煲熱水用來煲湯, 蕃茄和薯仔滾筒切, 薑切片, 魚乾浸到微軟身。

2, 先做魚湯上湯, 鍋可掃上一層薄油爆香薑片, 之後將魚仔煎香表面, 然後再贊玫瑰露酒和鹽, 最後用750ml熱水倒入煲內, 蓋蓋滾到魚湯變奶白色。

3, 見湯轉奶白色可熄火隔去魚乾, 魚乾較細少太易散, 所以去除魚乾和薑片。但可以加少許生油和辣油同食, 魚乾味道不錯。

4, 熱水滾後將蕃仔、薯仔和魚湯同滾, 今次選用真空煲, 我返工前煲半小時, 放工後煮20分鐘。

5, 可落少許鹽再滾一滾即完成。

TIPS

講真現在無燉燕窩, 巳改燉植物燕窩桃膠, 亞仔同樣喜歡,桃膠營養價值又高價錢又平, 銀包真的慳好多。我的facebook專頁會有更多食譜或短片觀看。

食材

桃膠 16克

雪蓮子 8克

黃蜂糖 80克

熱水 600ml

  1. 晨早浸透桃膠或晚上浸過夜。

2, 晨早浸透雪蓮子或晚上浸過夜。

3, 糖可加可減。

4, 將巳浸透好啲桃膠和雪蓮子清理雜質。

5, 熱水落桃膠和雪蓮子, 煮約10分鐘之後落蜂糖, 當蜂糖溶化後, 將所有材料平均放入燉盅內, 放入蒸爐用100度燉20分鐘。

6, *甜度可自行試味, 蜂糖可加可減。

TIPS

好耐好耐無食過茄汁蝦碌, 自家煮好味程度真係無法形容, 有機會大家都試下整。

食材

特大大蝦 2隻

蒜頭 4粒

乾蔥頭 1顆

 茄汁茨

茄汁 3湯匙

糖 2湯匙

寿司醋 1茶匙

生抽 1/4茶匙

粟粉 1/4茶匙

水 1 1/2湯匙

  1, 將茄汁茨材料攪混備用, 蒜頭和乾蔥頭琢成蓉。

2, 鉸剪剪去尖角和腳, 再剪開蝦背第二至第五塊蝦殼, 再用刀𠝹開少許蝦肉挑走蝦腸。蝦用廚紙索一索水份。

3, 蝦撲上粟粉用半煎炸煎蝦。

4, 蝦比較大所以蝦頭部份記得都要煎一煎。

5, 先用油爆香蒜蓉和乾蔥蓉, 之後加入菇汁茨, 當茨汁滾後下大蝦。

6, 茄汁茨收汁後即完成。

TIPS

章魚節瓜赤小豆扁豆此湯有祛濕功效, 節瓜有部份原條煲, 最後撈出用上湯埋茨, 即變成上湯節瓜甫。

食材

節瓜 4條

混合赤小豆扁豆 大半碗

果皮 1角

蜜棗 3粒

大隻章魚乾 半隻

鹽 小許

 1, 果皮浸軟刮去果囊, 赤小豆扁豆浸一陣, 節瓜去皮可全部切大舊或保留兩條原整, 湯煲好後撈起原條節瓜, 用上湯炆煮一陣再打茨. 即成上湯節瓜甫。

2, 一大煲熱水下材料, 先用中大火煲半小時, 轉細火煲2小時, 之後再用大火煲一陣後落鹽滾一陣即成。

TIPS