What If … !?

دايما بحس ان من اول شهر 7 لحد اخر السنة،، الدنيا بتبقى طيبة اووى و ماشية براحة كدة،، حتى لو فيها تنشنه او مشاكل جهازنا العصبي بيتعامل معاها بصورة افضل ،، عن النص الاولانى من السنة ،،

اللى يا حبيبى مليان طاقة و توقعات و حوارات تصدع اى كان حي ،،،

الفترة اللى فاتت لو قالولى سميها اسم معين حقول عنها "وعي" او ممكن اقول "بصيرة"، علشان مرة واحدة حسيت كأن فى غشامة اتشالت من على عينى

بالصدفة سمعت بوكاست لشيخ احمد خير الله اسمه " افهم سورة الكهف" وقال فيها اعظم جمله ممكن

النعم ثلاث، نعم ناقصة فاذا كملت ستزول ،، ونعم لو استمرت وكملت ستنهار حياتك،، ونعم مخبئة لحين ظهور نسختك الافضل ،،

وقتها بصيت على حياتى كدة وعلى تعريفى للابتلاءات،، وقدرت لاول مرة اجاوب على سؤال "هو ربنا بيبتلينا ليه ؟؟ اكيد برحمته التى وسعت كل شيء مش حيخلق بنى ادم ليعذبه؟؟ " وكانت الاجابة ان الابتلاء مش عذاب بينما هو رحمة من عند الله

كم نعمة ناقصة فى حياتك،، وسألت نفسك انا ليه الحاجة دى مش بتيجى بنفس الشكل اللى انا عايزة،،، او ان الفلوس تزيد شوية او المكانه تعلى اكتر .. وانت مش فاهم ان ممكن كامل الحاجة حيبقى سبب فى زوالها قدام او هلاكك بعدين ،،، او انك ما تكونش جاهز انك تحافظ عليها بنسختك الحالية ...