That's so Jonald

November 12, 2020 11:24 PM

Una sa lahat, gusto kong magpasalamat kay God dahil lumabas na ang bagyong Ulysses at tumigil na ang ulan. Pero grabe ang idinulot ng bagyong ito sa nakararami dito sa Metro Manila at sa iba pang probinsya na tinamaan nito. 

Pero kahapon, nag-aabang na ako ng anunsyo ng Caloocan na suspended ang klase. Pero dahil nga kahapon nang umaga ay signal 2 na Metro Manila, kaya automatic walang pasok hanggang HS. Pero still nag-abang pa rin ako ng anunsyo, pero wala e. Pero hindi na ako nagklase. 

So as usual, nagcheck na naman ako ng modules. Check, nood sa YT, nood ng 2 Moons 2, replay ng Ep 4 ng Boys’ Lockdown, OMG SOBRANG NAKAKAKILIG TALAGA SINA CHEN AT KEY. HUHUHU. ♥♥♥

Ang lala, ang lakas, nakakatakot talaga. Kahapon, bago pa man sumapit ang 12 MN, tinigil ko na ang pagtatrabaho ko (pagchecheck ng modules sa google classroom) kasi malakas na ang hangin, may ulan na rin. Kasi nangangamba ako na baka mawalan ng kuryente. Grabe talaga, napakalakas ng hangin. AS IN habang umuusad ang oras kaninang madaling araw super lumalakas nang palakas ang hangin. Yung yero namin sa amin rooftop tinatangay na, I mean, tumutunog na dahil sobrang lakas. Buti na lang tinalian ni Papa iyon noong bagyong Rolly pa. Tapos hayun na sobrang tuloy-tuloy ang ulan, as usual bumabaha na sa bahay namin sa second floor dahil hindi maayos ang gawa ng bahay namin noong nagparenovate kami noong 2016. And ayun na, nawalan ng ilaw.

Ang lala ng kabang nadarama ko talaga. Siyempre bukod sa kaligtasan ng aking pamilya, inisip ko rin talaga yung mga taong binaha nang malala. Sobrang bothered ako sa mga FB posts na nakikita ko. Yung mga nanghihingi ng tulong, yung ganon. Sana talaga ay maging maayos na ang kanilang kalagayan. At humupa na ang baha. At siyempre sana naman may gawin na ang pamahalaan natin. Thankful din ako kay God dahil ligtas kami ng aming pamilya at gayundin yung mga friends ko pa doon sa mga mas apektadong lugar. Pero I’m still praying para sa mga nasalanta talaga. 

Hindi ako nakatulog nang maayos buong magdamag, kaya nang magka-ilaw na doon na ako nakatulog. 

Then ayun nag Houseparty kami nina Candid, Edrian at Shine. Wala ang saya lang. Naglaro kami ng Uno. Hahaha. Tapos after non, natulog ulit ako. 7 PM na ako nagising. At ito na umupo na ulit ako sa laptop at hanggang ngayon nagrerecord na ako ng weeks 1 - 3 module ng mga bata. Sana lang makarami ako ng record ngayon. HAHAHA. Ayaw ko na sana magpuyat pero wala namang pasok bukas! 

So iyan lang for kahapon at today!

Love,

Maligayang Nilalang

November 10, 2020 12:24 AM

So ito na naman ako, inabot na naman ako ng hatinggabi kakacheck ng modules at kanonood. Sabay po iyon ha. Lols

As usual tinamad na naman ako gumising ng 8 AM. Kaya 8:30 na ako bumangon at kumain then naligo. 9:30 am pala ang first and only class ko tuwing Monday. Since wala pang module 5 sa amin, wala muna kaming tinuro. Pero nagpaquiz ako para sa week 3.

Ay kahapon din pala guest ang PangPang or ang mag Pancake sa GAYA SA PELIKULA sa Its Showtime. Akala ko ako lang, pero marami rin pala ang naka-sense na parang sayang ang exposure nila Ian at Paolo sa Its Showtime. Kasi natuon ang atensyon kay MC ba yon or si Lassy? Tapos alam mo yon, wala man lang engagment masyado ang mga host kina Paolo at Ian. Sayang yung high energy ni Paolo promise. Tapos gosh yung mga words or tanong eme eme nila, weird talaga. Ewan ko ba, basta sayang talaga. Pero ang gwapo pa rin nilang dalawa hahaha lalo na si Ian. Hahaha

Then ayun today nagcheck lang ako ng module. Tapos may mga katangahan akong nagawa. Dalawa iyon actually. Una sa IG, may napindot ako na parang send story to, tapos napindot ko ang isang name ng finafollow ko. Nakakahiyaaaaa. Buti na lang may unsend sa IG. Not sure kung nakita niya. So dahil ako si gaga, nagtweet ako about doon. Eh di ko napansin na nacopy paste ko pala yung tweet dahil binura ko at inulit ko. So balik checking ako, nasanay kasi ako na kapag walang pinasa ang bata naglalagay ako ng private comment sa Google Classroom na pine-paste ko na lang agad. Control V baga, kaso di ko napansin na hindi pala ang “Magpasa na.” ang nai-paste ko kundi yung tweet ko. Hahaha. Wala na, walang delete sa gclassroom e. Hahahaha. Bangag na ako.

So after non check ulit, then tulog, then check ulit. Haaaay!

Ay nga pala one week na rin pala kaming nagkaka usap ni Stephen about sa BL series na pinapanood namin saka sa buhay buhay. Lols.

Speaking of BL 3 times kong pinanood today ang episode 4 ng Boys’ Lockdown. Grabeee yung kilig ko sa kanilaaaa. Huhuhu sana all

So ayun lang.

Questions in my mind?

Hmmm, ano kaya magandang content sa vlog? Hahaha

Magkakalovelife pa ba ako?

Lols

Love,

Jonald

November 9,2020 12:20 AM

It’s been a long time Tumblr. Sabi ko noong birthday ko, regularly na kitang ia-update. Pero dahil sa katamaran at ilang mga bagay na kailang gawin, di ko nagawa. But its just only because of my katamaran. Or should I say, wala naman sense ang life ko. Hahaha. I mean hindi naman kashare-share ganoon. So since na nagsabi ako na palagi na akong magpo-post dito, ito na yung mga naalala ko nangyari na significant sa akin

1. Naextend ang bakasyon, from August 24, naging October 5. 

2. Naging emcee ako sa virtual in service training namin. Yes, significant ito dahil nais ko rin kasi maging host or emcee ganoon. At masasabi kong marami ang nagulat at humanga sa akin. I mean not to brag ha, pero nagulat sila na kaya ko pala. Hehe. Well thank you script rin din ako, uy ako gumawa ng script ko. Even our principal noticed it. I mean, yung “husay” ko. 

3. Sumali kami sa isang Video Lesson Making contest sa Division of Caloocan for Filipino teachers, and we got the 2nd place! Yeeey! Sobrang achievement iyon para akin. Tatlo kami sa grupo, ako ang presenter, si Ginang yung script writer then si Maam Valles ang editor. Pero ako ang nag-edit talaga, si maam Valles ang naghanap ng pics, music and such. Achievement unlocked. Chour. 

4. Nakapag vlog ulit ako, mga 11 vlogs din ang nagawa ko from June to August. Ngayon nawalan na ako ng time. Ay mali, di pala kasi ako marunong mag time management. Sorry na

5. Naging part din ako ng IT Focal Person sa school namin, ako ang napili ng head namin dahil nga rin siguro sa kaalaman ko sa mga bagay-bagay.

6. Uy wag kayo, nag-talk din ako sa Learning Action Cell ng department namin. Hahaha. About Google Apps at Video Editing. Nakatutuwang magshare ng knowledge.

7. Wala pa rin akong partner in life, Sad no? Oo sad talaga. Pero ewan ko ba.

8. Stressed ako, dahil sa online class. I mean this whole distance education thing. Sobrang stressful. Sa paghahanda ng video lesson, sa paglelesson mismo at sa pagche-check ng module na kinopya lang naman. 

9. Nakalulungkot din kasi sobrang nakaka-miss ang social and physical interaction. 

10. Long hair na ako, Afraid ako magpagupit.

Sana mabago ko na nag everyday routine ko, then sana makapag jump rope na ulit ako. Tapos sana maging vlogger na ako ulit, Hahaha. Ewan ko ba, sana mabiyaaan ako ng isang creative na utak makabuo ng content na intersado ang lahat at may laman. Kasi ewan ko ba, gusto ko bigla mag-ipon. Makabili ng ganito ganyan. Hahaha weird no? Pero well.

Ay nga pala, takot pa rin ako mag-take ng MA. Kasi baka hindi ko kaya. Bobo kasi akong student sa totoo lang. 

So mamaya, isa lang ang klase ko. 9:30 - 11:30 AM lang, at since wala pang week 5 module, tamang paquiz lang bukas tapos pahabol sa mhga activties. Sana matapos ko rin checkan ang Week 3 modules ng 3 sections.

Siguro yan lang muna sa ngayon. Hahaha. Ang dami di ba. Susubukan ko talaga na araw-araw magpost dito. Saka makabuo rin ako ng creative post. Hahaha

Nighty you.

Love,

Jonald ♥

Maraming salamat sa lahat ng mga nanonood sa aking vlogs at sa mga nagsubscribe na sa aking channel! 😊😊😊😊💖💖💖💖

Mga Koya at Ante, watch na my latest vlog then like, share this video and subscribe to my channel! ♥

My Youtube Channel: https://www.youtube.com/channel/UCzuZ9MvF5tX4sc8Yir4yN5Q

Isang KFC at Chooks to go na lunch date mukbang kasama ang mga marsy nating petite, Marilou, Andrelyn, Joan at Arah. Dapat talaga mukbang ito e, kaso ewan ko ba, nadala kami ng chikahan. 😂😂😂😂

Enjoy!

Magsikhay! Padayon! Pagpalain!

L-A-T-E-S-T V-L-O-G

Twenty-five ka na, yes naman! Apir tayo! Naks! Nakatapos ka na ulit ng isang buong taon sa life mo. Nawakasan mo na ang Chapter 24 ng buhay mo at sisimulan mo na ang Chapter 25. Alam kong mas magiging maganda pa ang kwento ng buhay mo. Siyempre di ka naman pababayaan ni God e. Naging super blessed ka pa rin nitong nakaraang taon, palagi naman.

Alam kong labis-labis ang pasasalamat mo kay God dahil kasi siyempre, hindi ka niya pinabayaan. Mula sa karera mo sa pagtuturo, kasama yung kalusugan mo na bukod sa ngipin mo na sobrang sumakit noong Oktubre na to the point na kinailangan mo nang umuwi agad kasi di mo na kaya ang kirot, naging healthy ka na. Tapos siyempre yung isa sa pinaka-nakababaliw na naging karanasan mo, di ka Niya pinabayaan, pinakinggan ka niya talaga. Pati na rin yung blessings sa pamilya mo, sa mga kaibigan mo at mga estudyante mo, isama pa ang panalangin mo na sana maging at their best ang Estrada mo sa mga contest. Pinatnubayan ka talaga Niya nang husto. Kasama rin ang pagpapatawad niya sa'yo. Kaya dapat manatili kang malakas sa pananalig sa Kanya.

Siyempre, tao ka lang din naman, nagkakamali ka. Alam na alam mo iyan, Jonald. Marami kang naging pagkakamali sa buhay, mga desisyon na kamuntikan nang maglagay sa iyo sa alanganin. Huwag mo na uulitin iyon ha. Katangahan na iyon kapag inulit mo pa. Alam ko naman na natuto ka na. Leksiyon na sa iyo iyon. Tapos siyempre, nahihiya kang mag-sorry sa mga taong nakagawa ka ng pagkakamali, gayundin yung mga na-disappoint mo. Mag-sorry ka sa kanila. I know na sobrang saya mo dahil may mga taong napatawad ka na. Kaya ikaw rin, magpatawad ka na rin. Hindi ka perpekto Jonald, pero hindi ka rin masamang tao.

Uy, baka makalimutan mong magpasalamat sa lahat ng mga tao na naging bahagi ng 24th Chapter mo ha. Magpasalamat ka sa kanila! Yung family mo, di ka man showy sa kanila, alam kong mahal na mahal mo sila. Sa mga kaibigan mo, huy ha, friendly ka pala! Sa pagiging "suplado" mo na yan, dami mong friends. Hahaha. Magpasalamat ka kasi suportado ka nila. They always got your back, bukod sa pamilya mo. I-special mention mo yung mga Mamsh mo sa CHS na kabatch mo sa CHS, Maam Mahinay, Epi, Mama O, Ehm, Christelle at Mariz, kahit alam kong pinaplastik ka nila, friends mo yan sila talaga. Isama mo rin yung mga kasamahan mo sa kagawaran, sila lalo na sila Maam Rita, Ginang, Maam Elvie, tapos yung iba mo pang kasamahan, I know na thankful ka sa kanila kasi nagtutulungan kayong lahat at saka pinapayuhan ka nila. Tapos yung mga bessy mong majujubis, isama mo sila. Then yung mga international friends mo, yung mga PNU friends mo na kahit apat na lang kayo nagkikita. At sa lahat ng friends mo, blessing yan sila. Tandaan mo iyan!

Wag mo rin kalimutan Jonald yung mga unexpected na tao na tumulong sa'yo sa kahit anong paraan! Blessing din sila.

Siyempre naman sa mga naging students mo last school year. Malilimutan mo ba sila? Kahit na minsan umiinit ang ulo mo sa kanila, kahit ilang ulit kang nagpigil ng galit mo sa kanila at kahit na di ka ngumingiti sa klase, di mo yan sila makakalimutan. Higit lalo ang Estrada! Naks namans! Mahal na mahal mo yan. Kahit na parehas kayong attitude, ikaw na adviser nila at sila na advisory mo. Haha. Isama mo rin yung mga ex-students mo turned friends mo. Alam kong thankful ka sa kanila.

Ngayon, hiling ko para sa'yo, maging wais ka na sa mga desisyon mo sa buhay! Tapos alisin mo yung takot mo na lumabas sa comfort zone mo. Huy, Jonald, mag-take ka na ng Masters mo. Kaya mo iyan! Wag mo na isipin na bobo ka. Tapos sana yung pagiging atityoda mo sa Mama mo, bawasan mo na. Yung pagba-vlog mo, seryosohin mo na rin. Haha. Gamitin mo ang creativity mo. Then siyempre, wish ko sa'yo sana maging "best teacher that you could possibly be" ka. Maka-adapt ka sana at makasunod sa pagbabago sa pagtuturo. Pangarap mo iyan mula bata, kaya paghusayan mo.

Sana rin, maging healthy ka pa. Sana palakasin mo ang resistensya mo. Lalo na sa sitwasyon ngayon, Jonald. Gayundin, sana yung family and friends mo, maging healthy din sila physically and mentally.

Tapos ehem, 25 ka na, baka pwede ka na rin magkaroon ng lovelife. Alam kong nalulungkot ka, minsan naiinggit, madalas napapa-sana all ka na lang. Hayaan mo, magkakaroon ka rin ng partner in life na matagal mo nang pinagdadasal. Malay mo ngayong 25th chapter ng life mo na siya makilala. Ayieeee. Harot. Sana mapansin ka ng crush mo. Ayiee, may pa "#R" ka pa ha. Tag ko na kaya? Hahaha!

Sana rin Jonald, maging balanse ka sa lahat ng bagay-bagay. Manalig ka rin na magiging maayos na ang kalagayan ng daigdig. Magiging "Normal but better" na rin ang world. Iyang "New normal" na iyan, mawawala rin yan. Babalik din sa dati but better na.

Ayan ang haba-haba na ng hanash ko para sa'yo Jonald! Basta I wish all you the best palagi! Paghusayan mo pa lalo. Magaling ka tandaan mo yan. Maging wais ka na ante sa buhay. Maging matatag! Maging mapagmahal! Maging mabuting nilalang!

Maging mapagmahal pa lalo! Mahalin din ang sarili!

Para sa maligaya, malusog, masagana, at bonggang 25th chapter ng buhay mo! At para marami pang taon at chapter ng life mo!🙏

Maligayang ika-25 na kaarawan Jonald! 💖🙏🎶🎉🎂

Magsikhay! Padayon! Pagpalain!

Nagmamahal,

Ikaw, at iyong sarili

Jonald

Sir Jo

Ginoong Revilla

Tyra

Ynang Reyna