Pag-unawa sa konsepto ng Pangwika
4. Magsagawa ng isang BLOG ukol sa paksang "Kultura at mga Tradisyon sa Pilipinas"
Ang ibig sabihin ng kultura ay ang paraan ng pamumuhay ng mga tao nagpapakita ng kaugalian, tradisyon, mga sining, sistema ng edukasyon, musika at pamahalaan. Ang kultura ng Pilipinas o kalinangan ng Pilipinas ay pinaghalong impluwensiya ng mga katutubong tradisyon at mga kultura ng mga unang mangangalakal at mananakop nito noon.
Ang Wikang Filipino, na mas kadalasang kilala bilang Tagalog, ay maraming hiniram na salita galing Kastila. Karamihan sa mga pinagdiriwang na mga tradisyon ay magkahalong Kristiyano, Pagano, at iba pang lokal na seremonya. Bilang halimbawa, bawat taon, ang mga bayan sa buong bansa, ay nagsasagawa ng malalaking Pista, nagpapaalala sa mga Santong Patron ng mga bayan, barangay, o ng mga distrito. Ang mga Pista ay kadalasang may patimpalak sa katutubong pagsayaw, at sa ibang lugar ay mayroon pang sabungan. Ang mga ganitong tradisyon ay ginaganap din sa mga bansang nasakop ng mga Kastila. Sa katimugang bahagi ng bansa na karamihan ay mananalig Islam ay nagdiriwang din ng kanilang mga tradisyon at nakagawian.
Narito ang mga Kaugaliang Pilipino
Bayanihan: Nabuo ang Bayanihan sa mga samahan ng mga magkakapitbahay na nagtutulungan kahit kailan o saan man kailanganin ng tulong.
Matinding Pagkakabuklod-buklod ng Mag-anak: Ang mga Pilipino ay kadalasang malalapit sa kanilang mag-anak at iba pang kamag-anak.
Pakikisama: Ang pakikisama ay ang kaugaliang Pilipino na nagnanais magkaroon ng maganda at mabuting pakikitungo sa iba.
Hiya: Ang kaugaliang Hiya ay isang panlipunang kaugalian. Ang mga Pilipino kasi ay naniniwala na dapat na kumilos sila kung ano ang mga tinatanggap na kaugalian ng lipunan; ang kung sila ay nakagawa ng kaugaliang hindi tanggap, ang kahihiyan na ginawa nila ay hindi lang para sa kanilang sarili kundi kahihiyan din ito para sa kanilang mag-anak.
Utang na Loob: Ang Utang na Loob, ay isang utang ng tao sa taong tumulong sa kanya sa mga pagsubok na kanyang dinaanan.
Amor Propio: Pagpapahalaga ng isang tao sa kanyang dignidad.
Delicadeza: Isang ugali na kailan na dapat ang isang tao ay kumilos sa tama at nasa lugar.
Palabra de Honor: "May isang salita" Isang kaugalian ng mga Pilipino na kailangan tuparin ang mga sinabi nitong mga salita o pangako.
Pagsasabi Ng “Po” At “Opo”
Lubos na paggalang sa matatanda
Narito naman ang mga Relihiyon
Katutubong relihiyon o shamanismo
Narito naman ang mga Pagkain
Sinigang – Malaking bahagi ito ng kultura ng Pilipinas pagdating sa pagkain, Kombinasyon ng iba’t ibang gulay at karne ng baboy o seafood na may maasim ang sabaw.
Adobo – Hindi kumpleto ang kulturang Pilipino kapag walang adobo. Maalat na maasim ang sabaw dahil sa toyo at suka na pangunahing sangkap nito. Isa ito sa mga pinakasikat na pagkain sa kultura ng mga Pilipino.
Sisig – Tinadtad na maskara, tenga o mukha ng baboy ang sisig. Ito ay malaking bahagi ng kultura ng bansa, lalo na sa Pampanga kung saan ito ay nakilala.
Kare-Kare – Kulay dilaw ito dahil sa mani at peanut butter na pangunahing sahog nito.
Lechon – Hindi rin kumpleto ang uspaang kultura ng Pilipinas kapag wala ang lechon. Malutong ang balat at malambot ang laman na masarap ipares sa liver sauce.
Crispy Pata – Gaya ng lechon, malutong ang balat ng crispy pata at malambot at malinamnam ang laman.
Bulalo – Malinamnam na sabaw na may iba’t ibang gulay, at karne at bone marrow ng baka.
Kansi – Pinaghalong bulalo at sinigang. Sikat na pagkain ng mga Ilonggo.
Halo-Halo – Sikat na pampalamig sa Pilipinas na may sari-saring sangkap.
Suman – Malagkit na kakanin na masarap ipares sa latik o tsokolate.
Puto Bumbong – Sikat na pagkain tuwing pasko. Kulay violet at may toppings na niyog, asukal, margarine, at cheese. Bahagi na ng mga kulturang Pilipino ang pagkain ng puto bumbong lalo na tuwing kapaskuhan.
Sorbetes – Isa sa mga paboritong panghimagas ng mga Pinoy lalo na kung tag-init
Narito naman ang mga Selebrasyon
Likas sa mga Pilipino ang pagiging masayahin kahit pa sa oras ng problema, nakukuha pa rin ng mga Pilipinong ngumiti at tumawa. Dahil sa magandang kaugalian na ito ng mga Pilipino, hindi na nakapagtataka na bawat sulok ng Pilipinas ay may kani-kaniyang piyesta o selebrasyon na malaking bahagi ng kultura ng Pilipinas. Dito ay mababatid mo na kung ano ang kultura para sa mga Pilipino dahil sadyang mapagpahalaga sila sa mga kaugalian at tradisyon.
Ang ilan sa mga sikat na piyesta sa Pilipinas ay ang:
Ati-Atihan Festival – Aklan
Dinagyang Festival – Iloilo City
Pahiyas Festival – Lucban, Quezon
Panagbenga Festival – Baguio City
Lechon Festival – Batangas
Kadayawan Festival – Davao City
MassKara Festival – Bacolod
Tuna Festival – General Santos City
Higantes Festival – Angono, Rizal
Pagdating sa kultura ng Pilipinas sa pananamit, laging nakasunod sa uso ang mga Pilipino. Pero noong unang panahon, ang tradisyonal na kasuotan ng mga Pilipino ay Baro’t Saya para sa mga babae at Barong Tagalog o Camisa de Chino para sa mga lalaki.
