AbdUllah

- معني الكَرب هو ضيق شديد بيحس بيه الواحد، وبيبقي نوعين.. نفسي، وجسدي.

أما النفسي.. زي الهم.. الغم.. الحزن.. الضيق.. الاكتئاب، وغيرهم.

اما الجسدي.. زي أي تعب بيسبب خلل في جزء من أجزاء الجسم فيخليك مخنوق وحاسس بالضيق وقلة الحيلة.

- مفيش حد ربنا مبيختبرش ايمانه عن طريق الابتلاء.. وساعات الابتلاء بيبقي كرب نفسي او جسدي، سواء بيحصلك او يحصل لحد غالي عنك.. بس النبي ﷺ علمنا كلمة.. اللي يقولها وهو واثق في قوتها ودرجة تقدير ربنا ليها.. ساعتها بيتخفف عنه الضيق اللي بيمر بيه.. تخيل الكرب اللي قالق نوم ناس كتير ومدوخهم السبع دوخات ممكن بإذن الله يتحاش ويتشال عنك بالكلمة اللي علمهالنا النبي ﷺ.. وقبل ما اقولها.. عاوز اطلب منك طلب.. متستقلش بعمل.. الجنة اللي هي سلعة ربنا الغالية بندخلها بكلمة، وهي: لا اله إلا الله، والنار بكلمة.. قانون الجاذبية إكتشفوه بسبب حاجة بسيطة، وهي تفاحة وقعت من علي شجرة، والحرب العالمية اللي إتقتل فيها فوق ال ٥٠ مليون إنسان كان سببها ولد عنده ١٧ سنة!.. فلما النبي ﷺ يعلمنا كلمة ضروري نآمن بيها ونعلمها لكل اللي يعز علينا وبيعاني يمكن تكون هي القشاية اللي هتنجده من بحر مشاكله الغريق.. لأن اللي بيسيب كل حاجة بايد ربنا.. أكيد هيلاقي إيد ربنا في كل حاجة.. النبي ﷺ كان بيقول وقت الْكَرب: لا إله الا الله العظيم الحليم، لا اله الا الله رب العرش العظيم، لا اله الا الله رب السموات ورب الارض ورب العرش الكريم.

مفيش حد سمعها من الصحابة الا لما رددها، ولما قالها داق صداها وحس بمدي تأثيرها علي دنيته، وكانت سبب كبير تفريج كربه ، وتيسير أموره.

إزاي الواحد يعرف الخط الفاصل بين مجهود مطلوب منه يعمله عشان العلاقة تنجح، وبين مجهود مش لازم يعمله أبدًا وإلا يبقى بيأذي نفسه؟

إحنا المفروض نبذل مجهود في أننا نعرف رغباتنا وإحتياجاتنا في العلاقة، ونقدر نعبر عنها للطرف التاني بطريقة مفهومة، ونفهم منه احتياجاته هو، ونحاول نوفّق ما بين احتياجاتنا واحتياجاته بطريقة ترضينا إحنا الاتنين. بنبذل مجهود عشان نسمع شريكنا، ونفهم الطرق اللي هو بيتواصل بيها معانا، بدون ما تتملك منا الرغبة في التحكم فيه أو الانتصار عليه. بنبذل مجهود عشان ببساطة نشاركه حياتنا. العلاقة مش معناها الاحتفاظ بشكل حياة العزوبية بحذافيرها، وحشر الشريك فيها بالعافية عشان تاخد منه سكس، أو ماتحسش أنك لوحدك، أو تقضي وقت معاه لما تعوز. العلاقة أنك تعتبره جزء من حياتك، تخصص وقت تقضوه مع بعض، تعملوا حاجات مع بعض، وزي ما مهم إن كل واحد يكون محتفظ بمساحة شخصية ليه، مهم يكون فيه مساحة بتتشاركوها انتوا الاتنين.

لكن مش المفروض أبدًا نبذل أي مجهود لو التواصل بينكوا تحول لسلسلة لا تنتهي من الخناقات والصلح. لو حسيت أنك مش قادر تكون في سلام مع شريكك إلا لو أنكرت أجزاء أصيلة من نفسك، واتصرفت عكس طبيعتك. لو بتقنع نفسك أنك حاسس بحاجة مش حاسسها، أو عايز حاجة مش عايزها، عشان بتحاول ترضي شريكك. لو حسيت أنك مضطر تتسول منه الحب والاحترام والمعاملة الحسنة. فأي مجهود بتعمله في كل ده بتدوس فيه على نفسك.

إحنا بنخاف ننهي علاقة مؤذية لأسباب معقدة كتير، بس يمكن أهمها هو أننا بنتخيل إن الشكل الوحيد للحب هو اللي موجود في العلاقة دي، ولو العلاقة راحت يبقى الحب راح معاه وعمرنا ما هانلاقيه تاني، وبنحس إن فقدان الحبيب معناه أننا مانستحقش نتحب. وأصعب حاجة محتاجين نفهمها، إنك لما تسيب شريك أو تنهي علاقة مؤذية ده معناه الحقيقي أنك ماتستحقش الأذى، وأنك لما نضجت تعريفك للحب بينضج معاك.

- أنا إرتاحتلك زيّ ما تكون أخوية !