Mga Tanong na nais kong iparating saaking mga Magulang
Anong pakiramdam ng nakatira sa konkreto't may maputing dingding na tahanan? Sana'y gayun din ang aming tinitirhan. Alam nyo ba ang pakiramdam pagnakatira sa lumang kahoy na bahay na may butas butas na bubong at inaanay na kawayan? Alam nyu ba ang pakiramdam na twing umuulan ay kailangan naming magsiksikan, yan ang di alam ng mga kapitbahay dahil sa panlabas namin mukha kaming hayahay.
At baka sabihin nila na wala akong galang? Ano ho ang pakiramdam na may nagluluto sa umaga ng masarap na ulam? Masarap naman ang aming ulam paulit-ulit nga lang, kornbip, biplop,itlog, hotdog, kayo na magpangalan alam nyu yan pero sana maranasan ulit na pag gising sa umaga almusal ay nakahain na.
Masaya naman kami magkakapatid na magkakasama, pero ano ho ang pakiramdam na kasama nyu ang kanya-kanya nyong mahal sa buhay, na sana kami yon na kasama nyo manuod ng palabas na gusto natin twing gabi, na kasama nyo mamasyal sa mol twing linggo, na kasama nyo magsimba ng buo. Nagtatawanan din naman kami pero may kulang saamin.
Ano hong pakiramdam mahiga sa malambot na kama at unan? Na kami'y nagsisiksikan sa matigas na banig sa malamig na sahig. Ano ho ang pakiramdam na may katabing ina at ama sa pagtulog? Pero ayos lang di naman na kami sanay di bale nalang.
Sana malaman nyo na masarap sa pakiramdam twing nagpapadala kayo ng pera para saamin. Nagpapasalamat kami sainyo at di nyo kami pinapabayaan pero ano ba naman ang pera na di man lang namin mayakap, di man lang makausap. Akala nyo ba napapawi ng pera ang lungkot na inyong iniwan? Hindi.
Pero nagpapasalamat pa din kami dahil pinalaki nyo kaming may takot sa Diyos, maging matatag, kaya pala pinatatag kami nyo kami ng ganito kasi ganito pala ang dadanasin namin. Di ko alam kung tinuruan nyo kami makontento o natutunan nalang namin yon dahil wala kaming ibang magagawa kundi makontento nalang.
Sana kung mababasa nyo to eh mapatawad nyo ko. Baka sabihin nyong walang utang na loob na anak to. Para sa kaalaman nyo ginawa ko lahat ng makakaya ko upang maging pinakamabuting anak. Salamat nalang sainyo at nagkaganito ako.
Sa mga susunod na henerasyon na may plano magkaanak, kung bata pa kayo at di nyo pa kaya ay wag muna. Maawa kayo sa magiging anak nyo, wag nyo nalang gawin kung ayaw nyong masaktan ang kanilang damdamin. Kung di nyo kaya iputok nyo nalang sa kumot at ng di sila magkaroon ng buhay na masalimoot.
Sa magulang ko, nais ko lang iparating na sana ay maranasan din namin magkaroon ng masaganang buhay at matulog man lang sa maayos na bahay. At kung hindi man papalarin akin paring sisikapin na maiahon ang buhay na pinagkait nyo saamin.
dededos
germansingergirl
turnnoffyourmind
prguitarman
annaxmalina
theartofmadeline
tangentwithtanner
ellievsbear
