arisa ⋆.°⭑

❥ Hum Tum (2004)

Love in the Afternoon (1972)

Directed by Éric Rohmer Cinematography by Néstor Almendros

Woh humsafar tha magar us say humnawayi na thi,

Ke dhoop chaaon ka alam raha judaayi na thi,

Na apna ranj na auron ka dukh na tera malaal,

Shab e firaaq kabhi hum ne yun ganwayi na thi,

Mohabaton ka safar is tarha bhi guzra tha,

Shikasta dil thay musaafir shikasta-paayi na thi,

Adawatein theen, taghaful tha, ranjishein theen magar,

Bicharne wale main sab kuch tha bewafayi na thi,

Bicharte waqt un ankhon main thi hamari ghazal,

Ghazal bhi woh jo kisi ko abhi sunayi na thi,

Kabhi yeh haal ke donon main yak-dili thi bohat,

Kabhi yeh marhala jaisay keh aashnayi na thi,

Ajeeb hoti hay raah`e sukhan bhi dekh Naseer,

Wahan bhi aa gaye akhir jahan rasayi na thi

-Naseer Turabi