Escape to Oblivion.

Family bonding :)

Dec 27, 2011

Another entry for USTETIKA, Tula category. This is not a winning piece. Pagbigyan na! Hindi pa marunong magsulat. :)

---

Dalawang mukha ng pagkikita

Naririnig ko ang hagikgik ng mga naglalarong musmos,

kasabay ng paghambalos ng maingay na lata

sa tsinelas at sementadong lupa.

Nung una'y nangingilala ako dahil sa silaw

na labis na nakatirik at

ipinaabot ng hari mula sa ulap.

Hindi ko matiyak ang babaeng nakasuot ng bughaw

na daster na ilang dipa lamang ang pagitan sa akin.

Ginagapos ng isang lasong puti ang mahabang buhok niya,

may dalang isang mukha ng kanyang nakaraan.

Subalit ang paghalina ng kanyang ngiti

ang nagbadya sa pag-alala ng naipon na kwento

sa sulok ng aking ulo.

Arimya ang kanyang ngalan.

Sa tagal na pamamangka sa ilog,

Bakas ng dinsol

Malapit ko nang masilayan ang pamimitak ng araw,

at sinisimulan ko na ang pagpapaagos

ng mga salita mula sa gripo na

dadaloy sa puting blankong papel na ito.

May ilang kataga na 'kong nabitawan,

tulad nito lamang,

subalit hanggang ngayon,

naghihimutok ang aking utak

at patuloy pa ring tumatakbo

sa paghahagilap ng talinhaga.

Nasasabik na akong masulyapan ang katapusang nais,

ngunit ang malawak na kalupaan ng imahinasyon

ang siyang pumupukol ng malaking hamon sa akin

na isalansang mabuti ang mga bagay na ito

at sa huli, mailathala.

Family picture last christmas.