الدنيا كلها شبابيك..

يارب بشهد بسنين عمري اللي فاتت كلها إنك كنت معايا محاوطني وبتراعيني بحُبك وبكرمك وودّك..

يارب ديم عليا نعمتك وكرمك ووّدك وعدي الجاي على خير.. احفظ بابا واحميه وقومه منها بالسلامة، وكل حاجة ترجع زي ما كانت واحسن يارب. آمين

الحمدلله

عايزه اقول ان النور اللي كنت بتمشي تزرعه جوا الناس وفي الطريق منين ما كنت بتمشي .. هيجي يوم وينورلك لما الدنيا تضلم فيك.. بقالي كذا يوم في ضلمة.. مهما حاولت اطلع منها مش قادرة ماسكة فيا ومتبتة مش بتسيبني، ما بصراحة هي برضه شديدة عليا اوي المرة دي.. المهم كلام حنين ليا خلاني اعيط فوق عياطي، بس مش عياط حزن أد ما هو عياط حنية ودفى.. بفتكر إني حبيت حنين من كل قلبي .. من غير م أفكر او أحسب حسابات لحُبي لها.. حتى لما عرفت انها هتمشب وتسافر عطيتلها الشال اللي بحبه علشان بحبه وعلشان هو بيدفي بجد وانا عارفه ان البلد اللي هي ريحالها برد.. كان نفسي لما تلبسه وتدفى بيه تحس انها مش لوحدها في الدنيا.. وان فيه قلب موجود على الناحية التانية من الكوكب بيحبها وعاوزها دفيانة ومتونسة.. النهارده بعد الموضوع ده بسنتين.. جاية وبتقولي في أكتر الأوقات اللي انا فيها تايهة ومحتارة.. انها كل لما بتحس بالوحدة بتلبس الشال بتاعي.. بيدفيها وبيحسسها بالحب والونس :")) وكلام غيره بتفكرني فيه بقلبي وبالنور اللي دايما فيه.. محستش بنفسي غير وانا بعيط ..

يارب انا معرفش لها طريقة ولا حل .. بس انا عارفاك يارب ودايما مش بعهد منك غير انك بتحل كل حاجة وقادر على كل شيء.. يارب حلهالي ودبرهالي من عندك زي ما بتعمل كل مرة وزي ما هتعمل كل مرة..

رددها ٩٩ مرة لكل حاجة

يارب وسع عليا وارزقني فلوس حلال كتير اوي من حيث لا أحتسب يارب