Houdou Nisbi

"يعج بالديمنتورات! تستطيع أن تشعر بضيق التنفس" هكذا كان وصفي للمكان عندما وطئته قدامي لأول مرة كمراهق في عام صفر المونديال الشهير.

لماذا تغيرت قناعاتي في ٢٠٢٠؟ وسط جائحة عالمية؟ سؤال جيد لكن الإجابة بسيطة: هي.

أرأيت شعرها الأسود؟ ضحكتها؟ يا إلهي! فجأة إختفت كل الديمنتورات. أستطيع التنفس بحرية.

الذكري اللي قادر أفتكرها بوضوح ليا مع عمو مصطفي كانت لما وصلني لنادي مدينة نصر عشان أوزن لبطولة القاهرة للكوميتيه فأكتشف إن كارنيه الإتحاد مش معايا فنرجع البيت نجيبه فأكتشف إن الكارنيه كان أصلًا واقع في الشنطة. بعد ما وزنت فاكر إنه قالي بكل جدية "أنت أهبل يلا! ما تفوق شوية". كنت بحب الحتة دي فيه جدًا، بيقول رأيه بصراحة مهما كان الموقف إيه.

مكنتش بشوفه خالص في أخر أيامه عشان مشاغل الدنيا أو يمكن عشان أنا مكنتش شجاع كفاية إني أتعامل مع الزهايمر أو يمكن ببساطة عشان أنا بقيت شخص سئ مش بيبص غير علي نفسه و بس. أتمني و أرجو إنه يبقي عارف إني كنت بحبه جدًا و عمري ما هنساه. ربنا يرحمه.

من سنتين بالظبط شفت أغنية Pretty Girl عن طريق جروب Vaporwave علي فيس بوك. عادي حاجة سمعتها/شفتها و عدت لحد ما بعدها بكام يوم لقيت نفسي بدندن في الشغل "i could be a pretty girl i'll wear a skirt for you" احا في إيه؟! أنا بغني الأغنية دي ليه؟ دخلت تاني علي يو تيوب لقيت إن مش أنا لوحدي اللي حصل معاه كده. الأغنية إنتشرت بشكل غير طبيعي في العالم كله.

بعد التجربة دي بقيت بتابع Clario و الbedroom pop بشكل عام. الlo-fi في أغاني سهلة و سلسة كان تجربة جديدة بالنسبة لي و أنا كنت محتاج أسمع حاجات جديدة وقتها.

المهم Clario أخيرًا نزلت ألبوم السنة دي و Bags أكتر أغنية لفتت نظري عشان الproduction مش lo-fi خالص زي كل أغانيها. لأ! الجيتار صوته صاخب و الsynths اللي في الكورس wavy بس واضحة و البيانو بيتلألأ وسط كل ده (أنا أسف مالقيتش كلمة تانية أوصف بيها البيانو).

اه! حاجة مهمة. الأغنية إنتاج Rostam(عضو Vampires Weekend السابق) اللي منتج singles كتير حلوة السنة دي زي This Life و Summer Girl.

حاجة أخيرة. Clario عندها ٢٠ سنة و الأغنية فيها reference لطيف لجوني ميتشل.