ربما النجاح الحقيقي في تكرار المحاولة، في الإصرار علي الثقة في الأشياء حتي تنجح، في تغيير وجهة النظر. النجاح الحقيقي في الإيمان بأن الموت حتمي ومفاجئ وكل الطرق تؤدي له مهما بدت مختلفة، والطرق ليست مختلفة، الطرق جميعها سيان ولكن القلب ضعيف يُخدع بسهولة. توقف عن الترفيص يا حمار وإستمتع بالعلف.

الخوف والقلق من المستقبل هو أكتر دافع للإنسان إنه يقوم من ادام نتفلكس ويعمل اي حاجة مفيدة لمستقبله علي المدي الطويل. مفيش اي حاجة ليها قيمة هتحصل طول ما إنت متدفي، شبعان ومش خايف من بكرة ل متلاقيش تاكل او تموت فجأة من المرض وميكونش معاك فلوس كفاية تعالج نفسك.

الحياة مش صعبة، مش قاسية، الحياة سهلة، شرموطة. بس إنت لازم تبقي قاسي، ناشف، ومش شرموط.

أهم حاجة تعرف إنت عايز إيه من الدنيا فعلاً، وتعمله، مهما كان غريب. أهداف القطيع سهلة وقصيرة النظر. إوعي تتخدع باللي حواليك عايزينه من الدنيا. ركّز في اللي إنت عايزه من الدنيا وإنسي أي حاجة تانية، وتستغني عن كل حاجة تانية غير اللي إنت عايزه، هتموت مرتاح في الآخر. مش مهم معاناة اللحظة، هتموت مرتاح.

بقرأ كتاب عن العلاج النفسي، الكتاب ٧٠٠ صفحة، والدكتور اللي كاتبه بيشرح تقريباً كل case study عدت عليه في حياته، أنا كواحد عندي مشكلة ولا إتنين نفسية عايز أحلهم بس من كتر ما قريت مشاكل تانية مش relatable ليا خالص إتخنقت وحتي موصلتش لشرح المشاكل بتاعتي، ومش هوصل، لإني رميت الكتاب خلاص.

“Not all those who wander are lost.“

أحسن حاجة البني آدم ممكن يستثمر فيها وقته هي إنه يتعلم إزاي يكون متسامح أكتر مع اللي بيحصل حواليه، ميرفصش زي الحمار لما بيكون بيقع، يستسلم أكتر وقلبه يكون أحنّ.