همس الليل 🌸

عندي احساس كبير بالضجر والملل من كل حاجه، يمكن هي دي طبيعتي، طول الوقت عاوزة حاجة جديدة وتجارب مثيرة، لكن عموما مبقاش في عندي صحاب يعول عليهم، دايرتي بتقل، وحتى قرايبنا القليليين الموجودين هما كمان بيقلوا وبقت علاقتنا بيهم سيئة، انا مش حابه المدينه اللي انا فيها ولا مصر عموما، ونفسي اتساب أخوض مغامرات واتفسح.

للأسف كنت مستنية اجازة العيد عشان اخد بريك واهدى، طلع تالت يوم عيد عندي شغل، والكام يوم اللي كانوا قبل العيد، اخدتهم في التنضيف وحاسه اني اتبهدلت ومفرهده ومحتاجه ارتاح من دا كله، الإجازة ضاعت فاشوش.

بدأت أحس بضرورة وجود حبيب في حياتي، بس اجيب منين شخص مناسب شبهي وانا لا بدخل ولا بخرج إلا كل فين وفين.

مؤخرا بقيت بعاني من الوحدة، رغم كل الناس اللي حواليا، رغم كم معارفي إلا أني اعترف بشعوري بالوحده، وحتى الاشخاص اللي كنت فاكره أنهم مشروع اصدقاء جيدين بيثبتولي العكس، واني مش فارقة معاهم.، عموما تمام، ممكن الاكتفاء بالكتب والأفلام وخوازيق الحياة.

مديرتي في الشغل عملتلي فولو ع تويتر، وانا مضايقة اوي اوي، وكان ردي اني عملت فولو باك، بس وانا مضطرة، انا بكتب كل حاجه عن حياتي في تويتر، ومحبش حد يشوف شخصيتي من قريب ولا يتعرف عليا في إطار غير مهني.

العيد دايما بيحسسني بالوحدة والملل، ومبحبوش، تجهيزات كتير واستعدادات ولا حد بيزورنا ولا انا بزور حد، قمة البؤس الإنساني.

خراب...

شخص واحد مشوه قادر يطلع أجيال مشوهه فيها طاقه تدمر الكون.

عمري ما هسامح، ابدا ابدا، في حد ساهم في تشويهي النفسي أو إحساسي بالألم دا كله.

انا حزينة اوي يا رب، حزينة وحاسه بعدم الأمان والخوف والانكسار، نفسي في حد اتسند عليه، أو ع الأقل الناس اللي عايشة معاهم مخافش منهم، تعبت ومش عارفه اعمل ايه، صلح الخراب اللي جوايا يا رب، انا تعبت.

‏اللهم ياجبار أجبرني جبراً يتعجب منه أهل السموات والأرض، جبراً يليق بعظمتك وقدرتك وكرمك.

عندي احاسيس كتير متلخبطة، بس جزء منها احساس بالأمان والرغبة أن يكون في حد اترمي فحضنه أو يطبطب عليا ويربت على كتفي، نفسي حياتي يبقى فيها معنى، تبقى مشغولة، تبقى أكثر إنتاجية من كدا...

وانا مقضية حياتي في انتظارات انتظارات

المرض وحش

يا رب يا رب

مرهقة نفسياً

ليا كتير مجانيش الاحساس بانعدام الطاقه والرغبة دا، انا مش عارفه في ايه، بس فعلا زعلانه وحاسه بالخذلان