ايه اخذت موعد وبروح ان شاءالله واسفه اذا ازعجتك وقروشتك الافضل ما اكلمك دي ام ما ابي ازعجك واسفه جدًا اذا قروشتك معي بس شكرًا انك سمعتيني وساعدتيني شكرًا مررره وسامحيني على القروشه

وشدعووووه! 💗💗💗

اعتذر توي اشوف كلامك، إذا بغيتي شي كلميني دي ام افضل

وبالنسبة لكلامك، الله يرحم أمك رحمة واسعة ويغفر لها ويسكنها فسيح جناته، ويجبر قلوبكم يارب.

ومن الي مريتي فيه أبيك تعرفين ان الشعور الي تحسين فيه طبيعي وانتي مو قاعدة تتصرفين بطريقة غريبة ، لان فقد الأم مو شيء سهل أبدًا .. طبيعي جدًا إنك تشتاقين لها، وتفكرين فيها، وحتى تلقين نفسك أحيانًا تتجهين لها أو تنتظرين وجودها بدون شعور منك، لأن القلب يحتاج وقت عشان يستوعب حجم الفقد .. بس " لا تخلين الحزن يوقف حياتك كلها" .

لان الإنسان انخلق علشان يكمل حياته رغم الألم والحزن والفقد الي يصير له .. الحياة ما تقدرين توقفينها ولا تسوين شي كل الي تقدرين تسوينه انك تتقبلين وتتعايشين معها .. وهذا مو يعني انك تحملين نفسك فوق طاقتك لكن خذي الأمور خطوة خطوة، ويوم بيوم، وبخصوص الزواج إذا ما تبغين تحضرين لا تحضرين بس اطلعي وغيري جو لو شوي علشان يساعدك شوي شوي ترجعين للحياة وتخفف عنك ثقل هالأيام.

ومره أنصحك انك تروحين لثيرابيست تساعدك وتخفف عنك، وتهون عليك وأنتبهي تاخذين حبوب بدون استشارة ابداً ايًا كانت .. و أهم شيء لا تلومين نفسك لأنك مو مثل غيرك، ولا تقارنين طريقة حزنك بأحد. كل قلب له طريقته، وكل إنسان له وقته.