B i g B

الفرق بين أم كلثوم وفيروز... مثل بالضبط الفرق بين بنت جامعية بالعشرين... بربيع عمرها...

وبين زوجة ما إلها دقايق منيمة أطفالها... و بتلم أشلاء البيت بالليل قبل ما تروح تنام ..

فيروز بتغني للبدايات ....

للحبيب اللي ما في عيوب ... ولو في عيوب... فهيي مش شايفيتها... و لا بدها تشوفها...

بتغني للحب غير المنطقي ... يلّي بخلّي صبية قاعدة عشر ليالي ع السطح ... سهرانة مشان تجيب لحبيبها القمر ..

الحب الأسطوري... اللي بتتخيله البنات... قبل ما الحياة تعطيها الخبرة ..

حتى صوت فيروز المرهف.... و جسمها النحيل... لابقين ع الرقة...

يلّي بتقوله كله كلام رقيق و تشبيهات ناعمة بتشبه فيها الحبيب ( الحلو المغرور) ..❤❤❤

حتى أحلامهـا و طموحاتها في الحب بريئة وشفافة ..😍

وقفة فيروز كمان ع المسرح... وراسها شامخ.... و مناخيرها مرفوعة للسما... كل هاد بشبه اعتزاز الصغيرات بأنفسهم...

.. لسا ما اختبروا الحياة منيح ولسا ما شافوا شي من الدنيا غير يلّي بخليهـا مقتنعة إنها عصفورة الساحات 💜💜😊💚

على الجانب الآخر أم كلثوم في أغانيها : هي الست يللي " قطار الدنيا مشي عليها رايح جاي .. ❤

" بتغني للحب الصعب يللي مليان تجارب مريرة عارفة عيوب حبيبها و بتغنيلو و بتعترف فيها 💚

يلّي عاشت تجارب صعبه بصوتهاا الساخر... لمّا بتقله :

(ولا فاكر كلمة ح تعيد اللي كان) ..

أم كلثوم بشكلها المتعارف عليه بتسجيلات حفلاتها يلي وصلتنا :

هي امرأة عادية ... ليست نحيلة . تشبه النساء العاديات الي بنشوفهم بيناتنا ... واقفة راسخة ع المسرح... و بالحياة...

بتغني للعشرة و السنين الطويلة

( وافتكرت فرحت وياك قد إيه )

بتغني للعمر اللي بيناتهم اللي عاشتو .... بتحبّ و بتتألم... بس بتعترف : (صالحت بيك أيامي سامحت بيك الزمن)...

„

أم كلثوم... متل ست متزوجة و عندها ولاد و بتعرف قديش الزواج مرهق... عمرها بالأربعينات... فهمانة الدنيا صح....

وحتى حرقتها و هي ماسكة المنديل... و بتغني من قلب قلبهااا... بتشبه بالضبط شكل ست أربعينية و هي بتتمشكل مع زوجها يلّي بتحبه...

فيروز.. بتسمعها و المزاج رايق....

أم كلثوم.. بتسمعا مشان تروق مزاجك...

فيروز.. ضعيفة بـ حبها من ناحية أنو ما في كرامة بالحب...

أم كلثوم.. قوية... و متماسكة.. و وبتفرجيك أنه الحب هو الكرامة...

فيروز وام كلثوم... عمالقة بالفن وقريبين من القلب.... ومحبتهم ما بتوصف

أما آن أن نلتقي متشابكين

كطرفي جُرح يخيطه العناق

أما آن أن نمضي آمنين