#unsecurity

Typewriter Poetry #1184 by James Andrew Crosby

சமூக அமைதிக்காக உயிர் அர்ப்பணிக்கும் ஐக்கிய நாடுகளின் அமைதி படையினர் மீது நடைபெறும் தாக்குதல்களில் குற்றவாளிகளை கண்டிப்பாக தண்டிக்க வேண்டும் என இந்தியா வலியுறுத்தியுள்ளது.

ஐ.நா. தலைமையகத்தில் நடைபெற்ற உயர்மட்ட ஆலோசனை கூட்டத்தில், இந்தியாவுக்கான நிரந்தர பிரதிநிதி பர்வதநேனி ஹரிஷ் உரையாற்றினார். அதில் அவர் கூறியதாவது:

"போர்வெளிகளில் மிகுந்த ஆபத்துகளை எதிர்கொண்டு, அமைதிக்காக பணியாற்றும் ஐ.நா. பாதுகாப்பு படையினரின் பணி மிக முக்கியமானது. ஆனால், அவர்கள் மீது நடைபெறும் தாக்குதல்களில் குற்றவாளிகள் தண்டிக்கப்படுவது அரிதாகவே உள்ளது. இது சர்வதேச அமைதி முயற்சிகளில் நம்பிக்கையைக் குறைக்கும்."

இது போன்ற தாக்குதல்களுக்கு கடும் சட்ட நடவடிக்கை எடுக்கப்படாவிட்டால், அது மேலும் குற்றவாளிகளை ஊக்குவிக்கும் சூழ்நிலையை உருவாக்கும் என்றும் அவர் எச்சரித்தார்.

"ஐ.நா. அமைதி படையினர் மீது குற்றம் செய்யும் நபர்கள் தண்டிக்கப்படுவது அனைத்துலக சமூகத்தின் பொது கடமையாகும். இது ஐ.நா. அமைதி பணிகளின் நம்பகத்தன்மையையும் செயல்திறனையும் உறுதி செய்யும் அடிப்படை," என்றார் ஹரிஷ்.