#torpeproblems

DEAR CRUSH

GIRL.

Dear Crush,

Bakit ba ang manhid manhid mo? Hindi mo pa ba napapansin ang nararamdaman ko para sa'yo? Kulang pa ba yung mga pagpapacute na ginagawa ko? Yung mga banat ko? Mga jokes na akala mo jokes lang kaya tumatawa ka pero ang totoo para sayo yun at hindi lang yun basta joke. Alam mo bang kinikilig ako sa tuwing magtatama ang ating mga mata. Yung simpleng hi mo, halos ikamatay ko na. Gustong gusto ko yung maangas mong dating na siya namang kinakatakutan ng iba. Hindi kasi nila alam kung sino ka talaga. Yung araw na sugatan ka, nag-alala talaga ako nun. Sabi mo pa nga hindi ka nasaktan pero ang dami mong sugat sa katawan. Isang araw nakita kitang may kasamang iba. Napaismid ako at hindi ko naiwasang pagselosan siya. Pero wala akong karapatan dahil CRUSH lang naman kita. Natutuwa ako kapag napapatawa kita. Umaasa kasi ako na sana isang araw maramdaman mong gusto mo rin ako. Pero bakit ang tagal ko nang umaasa? Ang manhid mo talaga.Naglagay ka ba ng maraming anesthesia diyan sa puso mo? O baka naman sadyang IBA lang ang tinitibok niyang pusong nasa loob mo?

Kailan mo kaya mapapansin ang pagmamahal na nararamdaman ko para sayo?

Aasa pa ba ako o patuloy ko na lang babalewalain ang pagiging MANHID mo?

Sana naman malaman ko.

Nagmamahal,

Nang pasekreto.

DEAR CRUSH,

BOY.

Dear Crush,

Paano ko ba sasabihin sayo na natotorpe ako? Gusto kong malaman mo na ang cute cute mo. Yung jokes mo, tumatawa ako pero ang totoo napapaisip ako kung jokes lang nga ba talaga ang sinasabi mo. Sa tuwing babati ako sa'yo ng hi! pagngiti lang ang isinasagot mo. Pero alam mo bang sobra-sobra ang tuwa at sayang nararamdaman ko sa tuwing ginagawa mo 'yon. Natutuwa rin ako kasi hindi ka natatakot lumapit sa'kin. Nung araw na nakita mo akong sugatan. Ang sabi ko hindi ako nasaktan. Hindi yun totoo. Dahil bukod sa mga sugat na natamo ko mas masakit ang sugat sa puso ko nung araw na yun dahil nakita kitang may kasamang iba at ang sweet sweet niyo pa. Hindi ko tuloy naiwasang pagselosan siya. Pero wala akong karapatan dahil CRUSH lang naman kita. Natutuwa ako sa tuwing nakikita kitang masaya. Pinapangarap ko na sana maging tayo na. Pero mukhang malabo ang bagay na yon. Natatakot kasi akong sabihin sayo ang nararamdaman ko dahil baka sa iba na nakalaan ang puso mo.

Kailan ko kaya maipagtatapat sayo ang nararamdaman ko?

Magpapakatorpe na lang ba ako at hahayaang manaig ang takot na kumakalabit sakin sa tuwing gusto ko nang umamin sayo?

Sana magkaroon ako ng lakas ng loob na sabihin sayo na crush o gusto kita.

Sana naman masabi ko na.

Nagmamahal,

Ngunit di maamin.