#strategji

View On WordPress

Siç është bere e njohur gjerësisht Ministria e Infrastrukturës dhe Energjisë, ka hapur procesin konkurrues për përzgjedhjen e ofertuesit për zhvillimin e projektit për ndërtimin e impiantit fotovoltaik, në zonën e Akërnisë (Vlorë). Përzgjedhja e projektit do te bazohet ne përmbushjen e kritereve teknike bazuar ne dokumentet e kërkuara në DPK. Po çfarë kuptohet me kriteret teknike dhe prezantimin e studimeve? Normalisht këto studime kërkojnë ekspertize te thelluar dhe përgatitje tailar made për një propozim të dhënë ne përmbajte te kritereve te shpallura dhe pas një analize te hollësishme ne terren. Gjerësia dhe thellësia e tyre ndryshon sipas rastit nëse behet fjale për një skemë neto, një projekt me autorizim, kontraktim direkt, partneritet, investim strategjik etj. Ne çdo rast, pavarësisht teknologjisë se përdorur, duke diskutuar këtu ne përgjithësi dhe përfshire dhe referuar dhe asaj diellore, me ere, ujë apo tjetër, ato janë studime qe duhet te japin besueshmëri të mjaftueshme teknike, ekonomike dhe financiare të projektit qe kërkohet te ndërmerret, si dhe ndikimin e tij mjedisor dhe social. Kështu se parim në terma teknikë, studimi duhet te filloj me informacion lidhur me besueshmërinë teknike të projektit të propozuar dhe duhet të shoqërohet me paraqitjen e përgjithshme skematike të burimit gjenerues të energjisë. Ai shoqërohet njëkohësisht me një diagram elektrik të agregateve dhe bllokut të transformimit, ku të evidentohen qartë pika e lidhjes me sistemin dhe pika e matjes. Për ketë lidhur me faktin nëse është një kontraktim i drejtpërdrejt apo partneritet ose jo, kërkohet te sigurohet nga investitori opinionin paraprak i OST-së ose OSHEE-së mbi lidhjen e tij me sistemin e transmetimit ose shpërndarjes së energjisë elektrike. Një aspekt tjetër i ndjeshëm ka te bej lidhur me çështjen e tokës. Normalisht kërkohet një përcaktim i qarte i shtrirjes gjeografike të vendit ku do të ngrihet apo zhvillohet veprimtaria, duke dhënë referencat ekzakte të paraqitura në hartë. E njëjta gjë, me ndryshimet e rastit, edhe për sa i takon gjurmës se linjës që lidh burimin gjenerues me sistemin e transmetimit ose shpërndarjes. Sa këtu behet baze për te punuar lidhur me shume çështje sensitive nga ato te pronësisë tek ato qe shikojnë efektet mjedisore e sociale. Vetëm pas ndërtimit te centralit ne mënyrë virtuale mund te procedohet në terma ekonomikë, ku studimi duhet të paraqesë një plan biznesi, që demonstron besueshmërinë ekonomike të projektit të propozuar. Plani i biznesit duhet të përcaktojë, minimalisht, shpenzimet dhe të ardhurat e pritshme (në muaj) si dhe kohëzgjatjen e periudhës së ndërtimit. Kostot duhet të ndahen në kategoritë përkatëse: kostot financiare, kostot e ndërtimit (përfshirë kostot lidhur me fuqinë punëtore, makineritë dhe lidhjen me rrjetin), kostot e operimit dhe të mirëmbajtjes. E gjitha bene te mundur qe te mund te fillohet te mendohet në terma financiarë, duke paraqitur një plan financiar që demonstron besueshmërinë financiare të projektit të propozuar. Plani financiar duhet të përcaktojë, në mënyrë të qartë dhe transparente se pari ne përfitim te vet investitorit, se si ai synon të financojë projektin e propozuar. Ai duhet të përcaktojë, minimalisht, sasinë e alokuar të kapitalit të vet, ndaj burimeve financiare të jashtme të kërkuara, burimet konkrete të financimit nga jashtë dhe një program të detajuar financimi. Në veçanti, kjo pjesë do të jetë objekt i një studimi të hollësishëm nga bankat ose fondet e zhvillimit. Gjithsesi për sa i përket raportit me autoritet kontraktuese investitori duhet të paraqesë dokumentet e ndryshme mbështetëse, qe mund te jene në formën e një letre interesi, marrëveshje kreditimi ose çdo dokument tjetër, që vërtetojnë mbështetjen financiare të projektit nga institucionet financiare ose bankat vendase apo të huaja, ku shprehen qartë vlerat monetare për financimin dhe struktura e financimit (financim i vetë investitorit, kredi bankare, donacione apo financime të tjera). Në çdo rast qe te shkohet përpara pa pengesa kërkohet te menduarit paraprakisht ne terma të impaktit mjedisor dhe social të projektit të propozuar. Zhvilluesi duhet të sigurojë informacion lidhur me ndikimin pozitiv ose negativ të projektit mbi përdorimin e tokës, biodiversitetin dhe peizazhin, efektet lidhur me ndërtimin e burimit gjenerues të energjisë, emetimin e gazrave në atmosferë, tokë ose ujë, ndotjen akustike, si dhe çdo ndikim social të projektit, si p.sh. ato për punësimin lokal, përmirësimin e infrastrukturës ose çdo ndikim tjetër të rëndësishëm mjedisor ose social. Studimi mbi vlerësimin e ndikimit në mjedis i cili duhet të bazohet në legjislacionin në përditësim te vazhdueshëm. Sa me sipër sjelle natyrisht ka kosto te rëndësishme dhe kërkon zotërimin e një kompleksi njohurish mbi aspektet rregullatore, ligjore dhe teknike për zhvillimin e një propozimi të suksesshëm. Megjithatë, sa këtu nuk duhet te mendohen për tu bere për te fituar garën kundrejt konkurrenteve eventual apo ca me keq thjeshte për te kaluar kriteret ligjore por gjithashtu duhet te jete i qëndrueshëm për me tej lidhur me projektin e zbatimit, arritjen e marrjes se financimit, ndërtimin dhe testimin, si dhe menaxhimin e suksesshëm ne kohe te gjate (te paktën përreth 30-40 vitet e ardhshme). Shënim: Mendimet dhe opinionet e këtu me sipër shprehur i përkasin autorit të tyre. Ndërsa të gjitha përpjekjet janë bërë për të siguruar saktësinë e tyre, sa këtu nuk ka për qëllim të ofrojë këshilla ligjore, pasi qe situatat individuale mund të ndryshojnë dhe duhet të diskutohen me një ekspert. Për çdo këshillë specifike teknike ose ligjore, mbi informacionin e ofruar dhe tema të ngjashme, mund të kontaktoni përmes “[email protected]”. Most Read Publications Most Visit Section Read the full article

View On WordPress

Me hapjen e tenderit ndërkombëtare për ndërtimin e një impianti diellor prej 50 MW, vendi tashmë është projektuar drejt një filozofie te re te sektorit energjetikë, si për sa i përket teknologjisë, qasjes se formës se investimit, mbështetjes dhe garancive te ofruar për investitorët, deri tek trajtimi i energjisë se prodhuar me ane te bursës se energjisë. Një filozofi qe ka nevoje te mbartet jo vetëm ne forme por edhe ne implementimet ne praktike. Keshtu sipas kritereve të bëra te njohura deri me këtu, rëndësia më e madhe për zgjedhjen e fituesit do t'i jepet propozimit teknike (70 pikë) dhe pjesa e mbetur (30 pikë) ofertës financiare të ofertuesit (e cila përfshin kuotimin e ofertuesit për një tarifë fikse 15 vjeçare në Euro/MWh). Megjithëse, oferta financiare nuk duhet nënvlerësuar, pasi që energjia e prodhuar për 15 vjet, siç ndodh zakonisht me projektet e rinovueshme p.sh. ato hidrike, do të mbështetet nga taksapaguesit me një kuotë relative në faturën e energjisë, pikërisht në këtë drejtim, vëmendja e shtuar çështjeve teknike ne kohe te gjate përkthehet ne vendimtare për rentabilitetin e projektit dhe mbështetjen e përhapjes se teknologjisë. Sipas një analize te ofruar ne një raport te fundit te IRENA-s, rezultatet e derikëtushme ne vende te ndryshme tregojnë se përgjatë ciklit të jetës së projektit, sistemet PV i nënshtrohen një shkallë dështimi me një kurbë te 'vaskë'. Normat e dështimit janë më të larta në fazat e hershme për shkak të dështimeve në teknologji (te kompanive te reja), siç janë ne fazat e fundit të ciklit - thotë raporti i IRENA-s. Në fazat e hershme të zhvillimit të projektit, rreziku i lartë i dështimit zakonisht mbahet nga kompania qe ka mbuluar pjesën e inxhinierisë, prokurimit dhe ndërtimit (EPC) dhe zhvilluesi i projektit. Këta faktorë janë shpesh përgjegjës vetëm për disa vite, gjë që i bën ata të përqendrohen në sigurimin e cilësisë afatshkurtër. Dështimet e teknologjisë mund të ulen në mes të jetës, duke çuar në të ardhura më të larta për huadhënësit dhe pronarët e projekteve, edhe pse kurba - në fund të ciklit të jetesës – pëson një trend në rritje për shkak të vjetërsimit. Këto rreziqe sipas te njëjtit raport përballohen nga entitetet publike ose komunitetet. Sigurimi i cilësisë (QA) është vendimtar për të reduktuar kostot e energjisë elektrike, pasi ajo kontribuon në sigurimin e stabilitetit për investitorët dhe palët e tjera të përfshira dhe behet një instrument thelbësor për të mbrojtur dhe përshpejtuar investimet e ardhshme në vendosjen e PV. Ato mund të kenë një ndikim thelbësor por zbatimi i një kuadri gjithëpërfshirës të sigurimit të cilësisë kërkon një infrastrukturë fizike dhe institucionale, të referuar si infrastrukturë cilësore (QI). Zbatimi i QI ndikon në parametrat kryesorë që qëndrojnë pas kostos se prodhimit te energjisë (LCOE). Rreziku teknik dhe normat përkatëse financiare, jeta e projektit dhe prodhimi i parashikuar i energjisë janë parametra për të cilat QI mund të ulë ndjeshëm pasigurinë dhe të rrisë performancën. Një mjedis i orientuar nga cilësitë për teknologjitë dhe projektet në zhvillim mund të rrisë besimin e investitorëve, të mundësojë kosto mesatare më të ulëta të kapitalit dhe të tërheqë më shumë investime për teknologjitë PV diellore. Përcaktimi i skemave të cilësisë së duhur, si dhe përfshirja e praktikave ndërkombëtare dhe konsultimi i palëve të interesuara mund të ndikojnë pozitivisht në secilën nga fazat e ciklit jetësor të teknologjisë. Pra cilësia kërkon një qasje holistike, duke mbuluar jo vetëm pajisjet, por të gjithë sistemin, duke përfshirë projektimin, instalimin, operimin, shërbimet e mirëmbajtjes dhe angazhimin ne asgjësimin ne fund te ciklit. Në nivel tregu, një QI kombëtar që përputhet me praktikat më të mira ndërkombëtare do te siguronte cilësi dhe sigurinë me te mire. Për sa me sipër lidhur me projektin Akernisë është punuar për më shumë se një vit, dhe supozohet të aktivizuarit në një kohë të gjate të një sërë mekanizmash garancie në zinxhirin e gjatë të projektit. Nga implementimi i se cilës përfiton i gjithë zinxhiri i vlerës dhe përfshinë të gjithë aktorët nga autoritet publike, financuesit, zhvilluesit e projektit, prodhuesit, instaluesit dhe përdoruesit përfundimtarë. Shënim: Mendimet dhe opinionet e këtu me sipër shprehur i përkasin autorit të tyre. Ndërsa të gjitha përpjekjet janë bërë për të siguruar saktësinë e tyre, sa këtu nuk ka për qëllim të ofrojë këshilla ligjore, pasi qe situatat individuale mund të ndryshojnë dhe duhet të diskutohen me një ekspert. Për çdo këshillë specifike teknike ose ligjore, mbi informacionin e ofruar dhe tema të ngjashme, mund të kontaktoni përmes “[email protected]”. Most Read Publications Most Visit Section Read the full article

View On WordPress

View On WordPress

View On WordPress