#sonerezh

Anavezout a reoc'h reolennoù ar c'hanañ en doare « acapella » ? Hag anavezout a reoc'h ar c'hoarioù video kentañ, ar re er mod 8bit gant ur sonerezh n'eus ket tu disoñjal met a blije kalz deomp pa c'hoariemp ?

Soñjit 'ta, m'o peus c'hoant selaou anezho adarre o po tro d'enober a-drugarez da Smooth McGroove, kaner « acapella » sonerezhioù pennañ ar c'hoarioù video anavezetañ. Gantañ e vez enrollet meur a son disheñvel ha da c'houde lakaet anezho asambles dre e urzhiataerezh evit sevel sonerezh a-bezh ar c'hoari. E videoioù a zo savet gant meur a garrezig e-lec'h m'en em diskouez o kanañ hag unan brasoc'h e-lec'h ma weller ar c'hoari e-unan (gant Smooth o c'hoari). Alies-mat e tap ar c'haner ampart-mañ e c'hazh gantañ hag e lak anzhañ da zañsal dirak ar c'hamera pa n'en deus son ebet d'ober (Charl eo anv ar c'hazh).

Kroget en deus Smooth d'ober seurt sonerezh e Kerzu 2012 hag eo deuet da vezañ e micher. Muioc'h eget 600 000 den koumanantet d'e chadenn en deus hag en deus gounezet un nebeut prizioù er Stadoù-Unanet evit e arz.

Ma blij deoc'h ar c'hoarioù video kentañ hag an doare kanañ acapella kit diouzhtu war chadenn YouTube Smooth McGroove ! : http://www.youtube.com/user/SmoothMcGroove/featured

Ur strollad power metal Italian levezonet un tammig gant ar folk metal eo Spellblast, bet krouet en 1999. Ennañ ez eus Daniele Scavoni o kanañ, Luca Arzuffi o seniñ ar gitar, Xavier Rota o seniñ ar gitar-boud ha Michele Olmi o seniñ an tempourezhioù. O bladenn gentañ ( Horns of Silence ) a zo bet embannet e 2006, da lavaret eo 7 bloaz goude krouidigezh ar strollad ; a-raok n'o doa nemet sonet e sonadegoù. An hini he deus lakaet anezho da vezañ anavezet ha da embann o bladenn a zo ar BloodStock06 English Festival. O eil pladenn, Battlecry a zo bet embannet e Ebrel 2010, lusketoc'h hervez ar burutellerien, met a blij kement d'an dud eget ar c'hentañ hini, da lavaret eo kalz.

An daou dra o deus sikouret ar strollad da vezañ merzhet a zo o sonerezh hag ar fed o defe bet sikour digant kanerien strolladoù brudetoc'h all. O sonerezh peogwir n'eo ket tamm ebet e-giz ar pezh a vez sonet gant ar strolladoù all : pa sonont, e santer mat-kenañ ar santadurioù a vez klasket treuzkas, hag biken n'eo trist pe fuloret o sonerezh, na kounaret ! Bewech eo ur sonerezh laouen-tre ha gant energiezh forzh pegement, ar pezh en deus hoalet ar selaouerien holl anezho. O son a zo gantañ ur personelezh ispisial dezhañ a-drugarez da meskaj ar folk hag ar power metal, met ivez sonioù a zo tost a-walc'h eus an epic music (gwelet va bennad kentañ) anvet Heavy-epic metal en aergelc'h-mañ.

Savet eo bet gant Spellblast ur video sonerezh hepken : Ragnarok, Dream of the End. Emañ er mare-mañ ar strollad oc'h aozañ o trede pladenn ha sañset ne tlefe ket tardañ da zont-maez.

Neuze ma 'z oc'h plijet gant o sonerezh pe m'ho peus c'hoant dizoloeiñ ur stil sonerezh pe ur strollad nevez,arabat kaout aon da vont da selaou anezho war YouTube pe war o lec'hienn : http://www.spellblast.com/site/

Notenn : 5/5

Eil pladenn studio Corinne Bailey Rae eo “The sea”, deuet er maez e 2010. Tapet he devoa brud ar ganerez gant “Like a star" ha "Put your records on" e 2006. Kanaouennoù plijus (met a chome simpl padal) hag o devoa graet berzh e Europa hag er stadoù unanet. Met setu ma varvas he gwaz, ur c’hoarier saxofon skosad, e 2008 abalamour d’ar struj ha d’an alkol. An dra ‘se a lakaas un troc’h en he vicher kanerez. chom a reas 2 vloavezh hep kannañ. E 2010 padal e krogas en dro gant e labour. Ur styl nevez ganti, merket sur a-walac’h gant marv e gwaz. Ur meskad santimantoù : melkoni, tristidigezh, disfi met levenez ivez. Dont a ra a-benn da sillañ ennomp e santimantoú donnañ. Etre Jazz, Soul ha rock e chom, ar pezh a ra ur meskaj eus ar re wellañ. Ar pozhioù, leun a varzhoniez ha kevrinus, a glot mat-tre gant ton pep kanaouen. Ar bladenn a-bez a zo lusket gant ar memes atmosferenn hep ma vefe heñvel pep kanaouenn. "Are You Here" kannaouenn kentañ ar bladenn (ha martreze an hini vravañ) a spluj arc’hanomp diouzhtu e santimantoù don ha dizisplegap. Reoù all evel "The Blackest Lily" a ro energiez ha levenez deomp.

♪ "I Would Like To Call It Beauty"

Tu ‘zo gwellet ar bladenn mañ evel ur gwir oberenn, da selaou ma blij deoc’h ar varzoniezh !

Lunedoù-heol liesliv war ar fri, ur vouezh sklaer ha mailhoniezh direndael, setu gant petra eo graet PV Nova. Kaner, sonaozour ha soner Pop ha Rock. Gouest eo da c'hoari gitar ha gitar-boud, ukulélé ha touchennaoueg ( piano ha synthétiseur ), taboulinoù ha trompilh... Berr-ha-berr, posupl 'vefe lavarout eo, eñ e-unañ, ur strollad sonerezh en e bezh. Ezel eo, memestra, eus ur strollad, The Mammy Novas, met ne skrivimp nemetken diwar-benn daou dra : ar pezh a vez graet gantañ en un doare solo, hag e remix diwezhañ, priziet gant ur bern tud.

War e chadenn YouTube (http://www.youtube.com/user/pvnova) e ra PV Nova, Paul-Victor Vettes deus e wir anv, studioù diwar-benn rummadoù sonerezh liesseurt : an "Hip-Hop atomikel", an RnB gall, ar Rock hag an "Dark Heavy Trash Grind Core", pe c'hoazh sonerezh ar c'hoarioù-video ! Ur mod da ginnig e savboent en un doare fentus ha sirius war ar memes tro.

Sevel a ra kanouennoù, evel GO ha My Pride, met adkemeret eo bet ivez gantañ krouidigezhioù arzourien all, evel Umbrella, eus Rihanna, We Are The People, ezel eus ar strollad sonerezh Empire of the Sun pe The Look, tennet eus pladenn The English Riviera, savet gant Metronomy. Hag, un nebeud mizioù 'zo, sonerezh milvrudet Daft Punk : Get Lucky.

Adkanañ anezhin ? Graet eo bet gant tud all dija ! E plas en deus adsavet urzh kronologel istor ar sonerezh en ur remix. An disoc'h ? Dis-par ! Ken brudet eo deuet da vezañ evel m'en deus skrivet LeFiagro.fr en ur pennad diwar e penn ! (http://www.lefigaro.fr/musique/2013/06/20/03006-20130620ARTFIG00454-daft-punk-voyage-dans-le-temps-avec-pv-nova.php)

A-benn kenveriañ an div, setu liamm sonerezh Daft Punk (http://www.youtube.com/watch?v=5NV6Rdv1a3I) hag hini PV Nova (http://www.youtube.com/watch?v=t4z66VzcvO0), ur c'haner a-vremañ.

Sonoberour norvegian eo Arn Andersson, 17 vloaz gantañ ha sevel a ra tonioù sonerezh a c'hellfe bezañ evit filmoù. Ar seurt sonerezh-se a zo renket er stil « epic music » (ar sonerezhioù a vez kavet alies-kenañ er filmoù hag a dreuzkas kalz a santadurioù evit skeudenniñ aesoc'h ar pezh a c'hoarvez). Kroget en deus Arn Andersson da sevel sonerezh e Kerzu 2012 ha n'eo ket anavezet-tre evit ar poent war YouTube, e-lec'h ma c'heller selaou e sonerezh. Koulskoude, memes ma n'eo ket ar brud ul lodenn pemdeziek eus buhez ar sonoberour ez eo Arn ur mailh evit treuzkas santadurioù en e sonerezh. Pa selaouer e sonerezh e kreder selaou tonioù bet savet gant Howard Shores (sonoberour The Lord Of The Rings). Bez' ez eus ur c'hant den bennak koumanantet d'e chadenn sonerezh war YT met pep hini anezho a vroud anezhañ evit ma kendalc'hfe da sevel tonioù fromus, hag e resev kalz a sikour digant sonerien anavezetoc'h egetañ.

Ma 'z oc'h dedennet gantañ, setu liamm e chadenn : http://www.youtube.com/channel/UC0Dn8O3Sc6-VemDJTItDL0A