#sentors

February 14, 1934

Grabe. Seriously, nabigla ako sa results ng eleksyon ngayon.

Kahit partial pa lang naman ay halos hindi na rin maiiba ang mga standings nyan, pwera na lang siguro sa 10th to 12th spot.

Hindi ko rin akalain na ganito ako madi-dismaya sa eleksyon ngayon.

Akala ko kasi natuto na ang mga Pilipino. Akala ko naman na hindi na sila magpapa-apekto sa kasikatan, kung sinong kanilang mga magulang, at kung anu-ano pa.

Mali pala ako. Maling-mali.

Halos ganun pa rin pala tayo. Kung sinong sikat, yun ang iboboto. Kung sinong sikat ang magulang, yun ang iboboto. Kung sinong nasa malakas na partido, yun ang iboboto.

Hindi na tayo tumitingin sa kakayahan. Basta sikat, go na.

Pagbabago ng Pilipinas. Yan naman ang gusto natin lahat eh. Gusto natin umunlad Pilipinas, maging malinis, magkaroon ng trabaho at kung anu-ano pa na magpapaganda sa Pilipinas.

Pero ang hindi ko maintindihan sa mga Pilipino ay kung bakit hindi natin ginagawa ang tama. Sawa na rin ako kasi sa mga reklamo sa gobyerno. Ganyan din kasi ako dati, akala ko sa gobyerno lang ang problema. Pero dahil nag-mature na naman ako kahit papaano, mas malaki ang problema nating mga mamamayan.

Hindi ko naman sinasabi na perpekto gobyerno natin, malayo pa tayo dun. Pero sana naman, kung gusto natin na umayos ang Pilipinas, gawin natin trabaho natin. Boboto ka na nga lang, sasayangin mo pa.

Nakaka-sawa na kasi. Gusto lagi ng pagbabago, eh kung tayo nga hindi nagbabago, pano magkakaroon ng pagbabago. Kung gusto natin ng mga karapat-dapat na mga magsisilbi sa atin, sana rin naman ay maging karapat-dapat din tayong pagsilbihan.

Ewan ko, marami pa ako gusto sabihin, di ko lang mailagay sa mga tamang salita.

Abangan na lang nga mga magre-reklamo na sila ay nadaya sa mga susunod na araw.

Abangan sa mga susunod na taon ang mga reklamo ng tao.