#phonewar

Hindi effective ang pagsasabi ng, “Ikaw na lang lagi tama. Ako laging mali.” Walang self realization na magaganap at that moment. Mauuwi lang yan sa right-minus-wrong.

Wag magtaas ng boses. Hindi ka si Regine Velasquez. Ilayo saglit ang fone para singhutin ang lahat ng oxygen sa atmosphere at mag super exhale. Nakakabawas yan ng inis. Pramis proven and tested na.

Take your time para pakinggan yung side niya. Wag ka munag sasabat hangga’t hindi pa siya tapos magsalita. Wala kayo sa fliptop battle.

Kapag tinrowback na naman niya yung mga past mistakes at pagkakamali mo, ilayo ang phone sa tenga mo atleast 2 inches para hindi mo siya masyadong marinig ng ayos at para alam mo pa rin kung kelan siya titigil. Pero wag na wag mong ibababa.

Kapag alam mong galit siya, hayaan mong sabihin niya ang lahat ng gusto niyang sabihin. Wag mong pigilan. Mas mabuting ilabas niya lahat yung totoong nararamdaman niya kesa kimkimin na lang o sa ibang tao siya magsabi. Mahirap na."A shoulder to cry on becomes a d**k to ride on."

Kapag alam mong may mali ka at may mali din siya, unahan mo na lang magsorry at wag ng maghintayan pa. Yan yung pride na pwede mong lunukin na hindi bubula ang bibig mo. Mag ‘Chichay Mode’. “Sooorryyy pooooo.”

Ang pride, nilalagay lang yan sa damit. Kaya wag sanaying matulog ng magkagalit.

May karapatan kang magsabi ng, “Eh di hindi mo na ako mahal?” bilang part ng paglalambing. Wala siyang choice kundi sagutin yan ng “Siyempre mahal pa din.”