#mojofly

Join me on WeSing: adobongtsinelas

Kung meron mang isang kanta na swak na swak sa takbo ng buhay ko ngayon eh Tumatakbo by Mojofly na yun.

Laging bigo Laging sawi sa pag-ibig Minamalas, o kay lupet May balat nga ba ako sa pwet? Mabuti pa ang tindera sa aming kanto Nakakainggit TL... Ang sweet nila ng kanyang nobyo Gusto ko lang maranasang umibig Tamaan ni kupido Gusto ko lang maranasan ang langit Tumibok muli ang puso ko

Gusto kong bigyan ng dalawang thumbs up si kumareng Lougee kasi feeling ko ako yung inspiration niya habang sinusulat niya ‘to lol. Lagi na lang akong sawi sa lahat ng aspeto ng buhay alam mo yun? Dumating talaga ako sa point na chineck ko sa salamin kung may balat nga ba ako sa pwet at ang alat alat ng buhay ko. Masama mag compare pero wala eh di mo talaga maiiwasan. Bakit si ganito, bakit si ganyan bakit ako hindi, bakit ako parang bawal? Ang daming bakit, walang katapusang bakit. 

Tulad ng maraming beses na pagkabigo sa pagibig e parang paulit ulit din yung pagka bigo ko sa life. Putcha parang yung maging sawi sa love eh kaya ko pa ihandle pero tangina yung fail ka din sa buhay e parang ang hirap tanggapin. Pakiramdam ko talaga patapon yung buhay ko haha minsan nga naisip ko mag aasawa na lang ako ng mayaman para tapos na ‘tong pagiging miserable ko e. Pero syempre joke lang yung magaasawa na lang ako ng mayaman, ang hindi joke eh yung gusto ko na mag asawa. OO! GUSTO KO NA MAG ASAWA! [caps lock para talagang intense] Ewan, alam ko I haven’t figured out my life yet pero isa lang talaga yung sigurado akong hindi ako magfefail; ang maging isang butihing asawa at nanay sa aming apat na anak hahaha tangina kahit ako natatawa sa pinagsasasabi ko ngayon pero totoo talaga. Kung hindi ko man matupad yung pangarap kong magkaron ng sariling restaurant/cafe eh kahit man lang sana yung makapag asawa ako ng mapapa thank you lord talaga ako araw araw at maipag luto ko siya ng [at least] breakfast araw araw. Yun na siguro yung pinaka magandang pangarap na matutupad ko kung sakali.

Tumatakbo ang oras naiiwan na ako Ng panahon Di na nagbago bawat araw Pare-pareho Parang kahapon

Parang chorus ng kantang ‘to yung pakiramdam ko ngayon--- yung pakiramdam na parang maiiwan ka, tipong lahat sila na alam na kung saan sila papunta, tapos samantalang ikaw feeling lost at gulong gulo pa rin; hindi alam kung anong dapat na gawin.

May birthday cake ka nga Ngunit wala namang kandila May christmas tree na malupet Wala naman dekorasyong pansabit Sadyang ganyan ang aking buhay Walang kasing tamlay Ayoko sanang tumandang nag-iisa

Pero kung iisipin mo, hindi naman talaga ako ganung ka malas, meron pa rin naman talagang mas hindi pinalad kesa sa’kin. Sadyang nagiinarte lang ako ngayon. Pero kasi nga alam mo yun, meron nga pero may kulang naman. Parang sabi sa kanta, may birthday cake nga ngunit wala namang kandila. May christmas tree pero walang dekorasyong pansabit. Oh diba? Parang hindi mo makita yung halaga ng isang bagay kasi alam mong may kulang. At yun yung hinahanap ko na parang nawawala at di ko alam kung nasaang lupalop ng mundo ko hahanapin.

Tatanggapin na lang ba Ang malupit na tadhana O kaya'y tatanggapin na lang Na ako'y sadyang hindi pinagpala Tigilan na ang drama Punasan na ang luha

BlastFromThePast!

an old calling card from the year 2005 when we just finished our first animated music video project :)