#maniwala

My Unrequited Love by tMnR

Read Now

Nabigyan ako ng pagkakataon na bumalik sa unibersidad kung saan ako nag-kolehiyo. Nakakatuwa. Ang saya bumalik kung saan ka nagmula. Makausap muli ang mga taong dati at patuloy mong nakakasama. Sa lahat ng mga nakausap ko, na-remind ako sa maraming bagay. Mga bagay na mahalaga. Mga bagay na dapat ay patuloy na nagiging paalala:

1. Magmahal ka lang

Very cliché. Pero totoo pala talaga to. Sa huli’t huli kasi, yun ang tatatak sa mga taong makakasama mo. Kung paano mo sila inalagaan, paano mo sila minahal.

2. Mahirap ang buhay, yakapin mo parin

May mga bagay talaga sa buhay natin na walang kasiguraduhan. May mga taong ipapahiram sayo - minsan saglit lang minsan naman matagal. May mga bagahe na kahit anong iwas mo, nakapatong na talaga sa balikat mo. Minsan, akala mo alam mo na kung ano talaga yung pangarap mo at kung paano patatakbuhin yung buhay mo pero yun pala gumagalaw ka lang sa mundong gawa lang ng utak mo. Pero sa oras na matikaman mo ang tunay na mundo, makikita mong sobrang laki pala nito. Sa sobrang laki, minsan mawawala ka. Matatakot ka. Pero kelangan mo lang yakapin ang bawat sitwasyon. Sigurado naman kasing may matututunan ka jan at wala yang tapon. Hindi madali pero kakayanin mo. Kelangan mo lang din maniwala sa sarili mo at sa mga taong naniniwala din sayo.

3. Love is tested when we get disappointed.

Lupet no? Minsan kung sino pa yung mga taong mahal natin, yun pa yung mga taong magiging rason ng hirap para sa atin. Yung mga taong akala mo naiintindihan ka, minsan sila yung mga taong tatalikuran ka. Yung nga taong rason kung bakit patuloy kang lumalaban, minsan sila rin yung magiging rason kung bakit gugustuhin mong sumuko nalang. Pero ang totoo, bali-baliktarin man natin ang mundo, mahal parin natin tong mga tao na'to. At sa mga panahong nadidisappoint tayo, sa mga pagkakataong nasusubok yung pagmamahal na meron tayo, bumalik lang tayo sa rason kung bakit nga ba natin minahal ang mga tao na'to. Wag din nating kalimutang walang perpekto. Yun naman ang mas mahalaga diba? At yun ang isang bagay na totoo. :)

4. Wag mong kakalimutan kung sino ka.

Tulad nga ng sinabi ko, sobrang laki ng mundo. Dadating yung panahon na mararamdaman mo na kinakain ka na ng sistema nito. Pero sana labanan mo. Kilala mo kung sino ka, panghawakan mo yun. Tatandaan mo, ikaw ay espesyal at kakaiba. Di ka pa pinapanganak may plano na sayo ang may likha. Isang planong maganda.