#komputilo

Kiel trovi retajn tiparojn, kiuj havas la Esperantajn literojn? Facilege! Ekz.: Iru al fonts.google.com. Tie, agordu la kriteriojn kaj serĉu. Vi vidos tiparojn, kiujn vi pli aŭ malpli ŝatos. Nun, levu vian muson super la teksto montrata kiel ekzemplo. Maldekstre, ĝi diros “Sentence” (frazo). Klaku sur la vorto kaj vi vidos menuon. Elektu “Custom” (laŭvole) kaj entajpu tekston, kiu enhavas la Esperantajn literojn. Sube aperos ruĝa teksto, “APPLY TO ALL FONTS” (ripeti por ĉiu tiparo), kiun vi alklakos. Jen magie via teksto aperos en ĉiuj tiparoj, kaj se tiparo ne havas iun Esperantan literon, ĝi montriĝos kiel bloko. 

Konsideru ankaŭ, ke kelkaj tiparoj ja havas ĉiujn literojn, sed ke ili povas esti ege malbelaj. 

Jen du tekstoj, kiujn vi povas kopii kaj englui - vi eĉ ne devas tajpi!

“ĉĈĝĜĥĤĵĴŝŜŭŬ”

Hodiaŭ ĉe mia laborloko oni diris ke mi devas lerni vi/vim-n. Tial mi serĉis instruilon de vi/vim en la interreto, kaj mi lernis ke ekzistas komando “vimtutor”  por lerni vim-n en la uniksa ŝelo. Pli grave, mi rimarkis ke estas argumento por ĝi, kiu difinas la lingvon de la instruilo. Ĉar mi aŭdis ke linukso(?) estas havebla en Esperanto, mi scivolis ĉu eblas uzi la instruilon en Esperanto.

Fakte, ĝi ja eblas. Do hodiaŭ mi kaj lernis vim-n kaj ekzercis min en Esperanto samtempe dum kelkaj horoj – kaj oni pagis al mi por tio! :D