Egin dudan azken argazki sesioa berezia izan da. Argazkiak bezeroen etxeetan egitearen arrazoietako bat bertan zer aurkituko dudan ez dakidala da; horrek motibatzen nau. Atzokoan argia izan zen. Balkoiko toldoak filtro lanak egin zituen eta horri esker une oso bereziak bizi izan genituen.

Etxeko ateak irekitzeaz gain, beraien bizitzan murgiltzeko aukera eman zidaten. Jare eta Maren eroso sentitu ziren beraien etxean, gurasoekin egunero egiten dituztenak egiten, eta horrek argazki zoragarriak ekarri ditu. Familiako kideak ezagutu eta haien egunerokotasuna naturaltasunez jasotzea, horixe nire helburua.