#hanggangsahuli

Hanggang sa huli

Sa iyong gunita, iyon na ang huli Na magtatagpo ang landas nyong dalawa Nagpa alam na nga kayo sa isa’t isa, di ba? Salitang paalam sabay ninyo binigkas

Ngunit kapalaran sadyang mapaglaro Kayo ay muling pinagtagpo Upang minsa pa’y siya ay mapa “Oo” Sa pagkakataong kayang kaya mo na siguro.

Ginawa mo naman ang lahat di ba? Minsa’y napabayaan mo na nga ang iba para lang sa kanya? Ngunit bakit sa iyo ay ipinagkait Ang dati mo pang ipinagdasal at minimithi.

Masakit mang tanggapin, ngunit wala ka ring magagawa Paulit-ulit mang sinasampal ka ng katotohanang Paulit-ulit mang bumubulong Hanggang doon ka na lamang.

Umiiyak ka marahil ngayon Sa pagkukulang mo noon na iyo namang napunan Nanghihinayang ka marahil Sa oras na dapat sa iba mo na lang iginugol.

Iyong luha hayaan mong aking punasan Mapapawi rin sakit na nararamdaman Hindi siya lamang ang basehan at sukatan Dahil alam mo naman ang iyong ginawa.

Hanggang sa huli ika’y kanyang binigo Kahit nagawa mo namang hindi siya biguin sa huling pagkakataon Ngunit alalahanin hindi siya lamang ang iyong sandigan Hanggang sa huli ako’y narito pa rin para ika’y damayan.