Mungu pekee ndiye anayeweza kuwa hakimu wa mtu, kwa vile yeye pekee ndiye anayeweza kuwa hakimu wa moyo wa mtu. Kila mtu anaishi kulingana na hali yake ambayo ni ya kipekee. Tunafanya kazi kwa malengo tofauti, huku tukikua kwa viwango mbalimbali juu ya tabia nyingi tofauti. Tunapata majaribu makubwa yasiyofanana, na tumeathiriwa na mazingira yetu kwa njia nyingi tofauti. Hivyo, kila mtu ni wa kipekee. Ulinganisho wa kweli na sahihi hauwezekani kwa kujilinganisha na mtu mwingine yeyote yule, kwamba kwa vile mwenzako amefanya kosa basi amekosea. Kosa alilolifanya limo ndani ya mpango wa Mungu. Wewe kusema amekosea umekosoa mpango wa Mungu. Haitawezekana kupata kipimo sahihi cha ukamilifu wa mtu, kati yako na mtu mwingine, kulingana na ukweli wa Mungu. Mungu pekee ndiye anayeweza kumhukumu mtu kisawasawa, kwa vile yeye anaweza kuhukumu moyo na kuona picha kamili ya maisha ya mtu. #hakimu #judge #moyo #heart #majaribu #trials https://www.instagram.com/p/BrhiZtRnNPT/?utm_source=ig_tumblr_share&igshid=1jlm2u0ds138a
