#fprecipes

ബാലുഷാഹി © Aditi Singh | Foodie's Paradise ചേരുവകൾ : ഓൾപർപ്പസ് ഫ്ലോർ/ മൈദ - 250 ഗ്രാം ബേക്കിങ്സോഡാ - ഒരു നുള്ള് ബേക്കിങ് പൗഡർ - 1/4 ടീസ്പൂൺ നെയ്യ് - 50 ഗ്രാം തൈര് - 100 ഗ്രാം പഞ്ചസാര - 250 ഗ്രാം വെള്ളം - 125 ml ബദാമും പിസ്തയും നുറുക്കിയത് - ഗാർണിഷ് ആവശ്യത്തിന് തയ്യാറാക്കുന്ന വിധം : മൈദയും സോഡയും ബേക്കിങ് പൗഡറും ഒരു അരിപ്പ ഉപയോഗിച്ചു ഇടഞ്ഞു വെക്കുക. അതിലേക്ക് നെയ്യ് ചേർത്തിളക്കുക. അടുത്തതായി കുറേശ്ശെ തൈര് ചേർത്ത് അധികം ബലം കൊടുക്കാതെ മൃദുവായി കുഴക്കുക. ഇത് 30- 40 മിനിറ്റ്‌സ് അടച്ചു മാറ്റി വെക്കുക. 40 മിനിറ്റ് ശേഷം വീണ്ടും മൃദുവായി ഒന്ന് കുഴക്കുക. അടുത്തതായി കുറേശ്ശെ ചെറിയ ബോളുകളായി എടുത്ത് നടുക്ക് തല്ലവിരൽ കൊണ്ട് ചെറുതായി ഒന്ന് അമർത്തുക. ഒരു സോസ്പാനിൽ പഞ്ചസാരയും വെള്ളവും എടുത്ത് തിളപ്പിക്കുക. നൂൽപ്പരുവം ആകുമ്പോൾ 1/2 ടീസ്പൂൺ നാരങ്ങാ നീര് ചേർക്കുക. ഒരു പാനിൽ എണ്ണ ചൂടാക്കി, റെഡിയാക്കി വെച്ചിരിക്കുന്ന ബാലുഷാഹി മീഡിയം ലോ ഫ്ലെയിമിൽ ഗോൾഡൻ കളർ ആകും വരെ വറുത്തെടുക്കുക. ശേഷം ഇത് ചൂട് പഞ്ചസാര പാനിയിൽ ഒരു മണിക്കൂർ മുക്കി വെക്കുക. പിന്നീട് എടുത്ത് സെർവ് ചെയ്യാം #fprecipes #foodiesparadise #deewali #sweets #malayalamrecipes #deewalirecipes https://www.instagram.com/p/Bp0nfaPHmYW/?utm_source=ig_tumblr_share&igshid=1fl49xz9b3wdu

ആഴ്ചകളിൽ വെള്ളിയാഴ്ച എന്നുണ്ടെങ്കിൽ മാതൃഭൂമി നഗരം ഉണ്ടാകും. മാത്രഭൂമി നഗരം ഉണ്ടെങ്കിൽ ഇത്തിരി സ്ഥലത്തു ഫുഡിസ് അംഗങ്ങളിൽ ആരെങ്കിലും ഒക്കെ ഇത്തിരി റെസിപ്പികളുമായി സ്ഥലം പിടിക്കാറുമുണ്ട്. ആ ശീലം ഇത്തവണയും മുടങ്ങുന്നില്ല. ഫുഡിസ് ഗ്രൂപ്പിൽ നിന്നും തിരഞ്ഞെടുത്ത സ്‌പെഷ്യൽ മധുരപലഹാരങ്ങളുടെ റെസിപ്പികളാണ് ഇത്തവണ നഗരം സപ്പ്ലിമെന്റിൽ വന്നിരിക്കുന്നത്. 1. ശ്യാംലി സജീവ് തയാറാക്കിയ ഉണ്ണിയപ്പം 2. ഷെമി സൈഫ് തയാറാക്കിയ കാരറ്റ് ഹൽവ 3. തനൂജ ഉദയൻ തയാറാക്കിയ കാരറ്റ് കോക്കനട്ട് ലഡ്ഡു 4. നിഷ സുധീഷ് തയാറാക്കിയ ദീപാവലി സ്‌പെഷ്യൽ മുറുക്കു. ഇത്രയുമാണ് ഈ ആഴ്ചത്തെ നഗരം സ്‌പെഷ്യൽ ഫുഡിസ് റെസിപ്പികൾ. വ്യത്യസ്തമായ റെസിപ്പികൾ നൽകിയ ഓരോരുത്തർക്കും നന്ദി. മുടങ്ങാതെ റെസിപ്പികൾ പ്രോത്സാഹിപ്പിക്കാൻ നഗരം സപ്പ്ലിമെന്റിൽ അവസരം നൽകുന്ന മാതൃഭൂമിക്കും ഒരായിരം നന്ദി. #fprecipes #foodiesparadise #malayalamrecipes #mathrubhumi @keralamathrubhumi https://www.instagram.com/p/BppUJglHHjI/?utm_source=ig_tumblr_share&igshid=15d9rdsfol1z3

ആപ്പിള്‍ ബര്‍ഫി © Neha Nehas | Foodie's Paradise കുറഞ്ഞ ചേരുവകള്‍ കൊണ്ട്,വളരെ എളുപ്പത്തില്‍ തയ്യാറാക്കാന്‍ പറ്റുന്ന വിഭവമാണിത്. ആപ്പിളിന്റെ ഗുണങ്ങളെ കുറിച്ച് പറയുകയാണെങ്കില്‍,ഔഷധഗുണങ്ങളുടെ കലവറയാണ് ആപ്പിൾ. ദിവസവും ആപ്പിൾ ജ്യൂസ് കുടിച്ചാൽ അൽഷിമേഴ്സ് ഒഴിവാക്കാം. ഹൃദയാരോഗ്യത്തിനായി ആപ്പിൾ കഴിക്കാം. ആരോഗ്യവും വെൺമയുമുള്ള പല്ലുകൾ സ്വന്തമാക്കാൻ ആപ്പിൾ കഴിച്ചാൽ മതി. ശ്വാസകോശരോഗങ്ങളെ പ്രതിരോധിക്കാൻ ആപ്പിൾ കഴിച്ചാൽ മതി. ആപ്പിള്‍ ബര്‍ഫി ചേരുവകള്‍ : ആപ്പിള്‍-3എണ്ണം നാളികേരം-1കപ്പ്(ഒരു വലിയ മുറി) പഞ്ചസാര-100ഗ്രാം ബദാം-8എണ്ണം നെയ്യ്-1/4ടീസ്പൂണ്‍ തയ്യാറാക്കുന്ന വിധം : ആപ്പിള്‍ തൊലി കളഞ്ഞ് ഗ്രേറ്റ് ചെയ്തെടുക്കുക. ചുവടു കട്ടിയുള്ള പാനില്‍ പഞ്ചസാര ഇട്ട് കൊടുത്ത് ചൂടായി വരുമ്പോള്‍ തേങ്ങ ചേര്‍ത്തിളക്കാം. പഞ്ചസാര ഉരുകി,തേങ്ങയില്‍ പിടിച്ച് വരുമ്പോള്‍ ആപ്പിള്‍ ചേര്‍ത്തിളക്കുക. മീഡിയം ഫ്ലെയിമില്‍ ആക്കി ഇളക്കി കൊണ്ടിരിക്കണം. ആപ്പിള്‍ വെന്ത് പഞ്ചസാര കൂട്ടുമായി യോജിച്ച് വരുന്നത് വരെ ഇളക്കി കൊണ്ടിരിക്കണം. പാനില്‍ നിന്ന് വിട്ട് പോരുന്ന പരുവം ആയാല്‍,ഒരു സ്ററീല്‍ പ്ലെയിറ്റില്‍ കുറച്ച് നെയ് തടവി ആപ്പിള്‍ കൂട്ട് അതിലേക്ക് മാറ്റുക. കുതിര്‍ത്ത ബദാം തൊലി കളഞ്ഞ് നീളത്തില്‍ അരിഞ്ഞ്,ഗാര്‍ണിഷ് ചെയ്യാം. ചൂടാറിയാല്‍ ഫ്രിഡ്ജിലേക്ക് മാറ്റി,ഒരു മണിക്കൂര്‍ കഴിയുമ്പോള്‍ ഇഷ്ടമുള്ള ഷെയ്പില്‍ മുറിച്ചെടുക്കാം. (ഗാര്‍ണിഷ് ചെയ്യാന്‍ ഇഷ്ടമുള്ള നട്സ് ഉപയോഗിക്കാം). #fprecipes #foodiesparadise #malayalamrecipes #apple #burfy https://www.instagram.com/p/Bpo3j99HKUS/?utm_source=ig_tumblr_share&igshid=1g9uhqwahak3b

20 മിനിറ്റ് കൊണ്ട്‌ നല്ല സോഫ്റ്റ് അപ്പം ©Fathwimah Abdul Majeed | Foodie's Paradise ചേരുവകൾ : അരിപ്പൊടി - 1 കപ്പ് തേങ്ങ ചിരകിയത് - 1/2 കപ്പ് ചോറ്‌ - 1/2 കപ്പ് പഞ്ചസാര - അര ടേബിൾസ്പൂൺ മുട്ട - 1 വെളളം - 1 1/4 കപ്പ് സോഡാ പൊടി - 1/4 tsp (optional ) ഉപ്പ് തയ്യാറാക്കുന്ന വിധം : മുട്ടയും പഞ്ചസാരയും മിക്സിയിൽ അടിച്ച് ഇതിലേക്ക് അരി പൊടിയും തേങ്ങയും ചോറും വെള്ളവും ചേര്‍ത്ത് അരച്ച് എടുക്കുക. ഉപ്പും സോഡാ പൊടിയും ചേര്‍ത്ത് മിക്സ് ചെയ്ത ശേഷം പാലപ്പച്ചട്ടിയിൽ ചുട്ട് എടുക്കുക. #fprecipes #foodiesparadise #malayalamrecipes #appam #recipes https://www.instagram.com/p/Bpo3a8Snx6R/?utm_source=ig_tumblr_share&igshid=lyp43ocw16fz

ഡേറ്റ്‌സ് ഓറഞ്ച് വീറ്റ് കേക്ക് /Dates orange wheat cake ഫ്രഷ് ഈന്തപ്പഴവും, ഓറഞ്ചും, ഗോതമ്പ് പൊടിയും കൊണ്ടൊരു ടേസ്റ്റി കേക്ക്. © Sandhya Menon | @san.menon ഗോതമ്പ് പൊടി - 2കപ്പ്‌ പഞ്ചസാര - 1 കപ്പ്‌ ഈന്തപഴം - 5-6 എണ്ണം ഓറഞ്ച് -1 വെജിറ്റബിൾ ഓയിൽ - 3/4 കപ്പ്‌ മുട്ട - 3എണ്ണം ബേക്കിംഗ് പൌഡർ - 2 ടീസ്പൂൺ പാൽ - 1/2 കപ്പ്‌ വനില എസ്സെൻസ് 1 ടീസ്പൂൺ തയ്യാറാക്കുന്ന വിധം : ഗോതമ്പു പൊടിയും ബേക്കിങ് പൗഡറും മിക്സ്‌ ചെയ്തു വയ്ക്കണം. ഈന്തപഴം കുരു കളഞ്ഞു ഓറഞ്ച് അല്ലികളും കൂടി പേസ്റ്റ് ആകണം, അധികം അരഞ്ഞു പോകാതെ വേണം എടുക്കാൻ. മുട്ടയും ഓയിലും പഞ്ചസാരയും കൂടി നന്നയി അടിച്ചു എടുക്കണം. ഇത് ഗോതമ്പുമാവിലേക്കു ചേർത്തു ഫോൾഡർ ചെയ്തു എടുക്കണം. അതിലേക്കു ഫ്രൂട്ട് പേസ്റ്റും എസ്സെൻസും പാലും ചേർത്തു ഇളക്കി യോജിപ്പിക്കണം. ബേക്കിംഗ് പാനിൽ വെണ്ണ തടവി , ഓവൻ preheat ചെയ്തതിനു ശേഷം കേക്ക് മിക്സ്‌ ഒഴിച്ച് 180 ഡിഗ്രി ചൂടിൽ ബേക്ക് ചെയ്യാം. ഒരു ടൂത് പിക്ക് കൊണ്ട് കേക്ക് കുത്തി നോക്കുമ്പോൾ അതിൽ ആവാതെ വിട്ടു വരുന്നത് ആണ് പാകം. ആ പാകം ആയാൽ ഓവനിൽ നിന്നും പുറത്തേക്കു എടുകാം. ഏകദേശം 40 മിനുറ്റ് എടുത്തു എന്റെ ഓവനിൽ. #fprecipes #foodiesparadise #malayalamrecipes #dates #orange #wheat #cake #recipe https://www.instagram.com/p/Bpk23-3Ho8k/?utm_source=ig_tumblr_share&igshid=8i7ofcl3au95

കോഴി നിറച്ചത് © Mahab sajna ഉണ്ടാക്കുന്ന വിധം : 1.കോഴി -1 ഫുൾ ചെറുത്(ഞാൻ 2 എണ്ണം എടുത്തിട്ടുണ്ട്.ഒന്നിന്റെ കണക്കാണ് ഇവിടെ പറയുന്നത്) 2 മഞ്ഞൾപൊടി- 1 tsp 3 ചെറുനാരങ്ങ നീര്- 3 tbs 4 ഉപ്പ് - ആവശ്യത്തിന് 5 ഉള്ളി -4 6 ഇഞ്ചി വെളുത്തുള്ളി പച്ചമുളക് പേസ്റ്റ് -2 tbs 7തക്കാളി -2 8 മുളക്‌ പൊടി -1tsp 9മല്ലിപ്പൊടി-2 tsp 10 കുരുമുളക് പൊടി-2 tbs 11ഗരം മസാല പൊടി -1 tsp 12 മുട്ട പുഴുങ്ങിയത് -2 13 മല്ലിയില 14 കറിവേപ്പില 15 ഓയിൽ സ്റ്റെപ് 1: ആദ്യം കഴുകി വൃത്തിയാക്കി വെച്ച കോഴിയിൽ മുഴുവനായി കത്തി കൊണ്ട് വരഞ്ഞിടുക. ശേഷം ഉപ്പ്‌ മഞ്ഞൾ പൊടി നാരങ്ങാ നീര് ചേർത്ത് 2-3 മണികൂർ പുരട്ടി വെക്കുക (ഓവർ നെറ്റ് വെച്ചാല് നല്ലത്) ഈ കോഴി ഒരു സ്റ്റീമറിൽ അലുമിനിയം ഫോയിൽ വെച് 10 മിനുട്ട് സ്റ്റീo ചെയ്തെടുക്കുക. കോഴിയിൽ നിന്നും വരുന്ന വെള്ളം മാറ്റി വെക്കുക. സ്റ്റെപ് :2 ഇനി ഒരു മുട്ട റോസ്റ്റ് മസാല ഉണ്ടാക്കി അത് കോഴിയുടെ അകത്തു നിറക്കുക. ശേഷം സൂചിയും നൂലും വെച്ച് തുന്നി കെട്ടുക. സ്റ്റെപ് 3: പാത്രം ചൂടാകി ഓയിൽ ഒഴിച്ച് ഉള്ളി വഴറ്റുക . ശേഷം ഇഞ്ചി വെളുത്തുള്ളി പച്ചമുളക് തക്കാളി എന്നിവ വഴറ്റിയെടുക്കുക. വെന്ത് ഉടഞ്ഞാൽ മസാല പൊടികളെല്ലാം ചേർക്കണം.കറി വേപ്പില ഇടുക. ഇതിലേക് നേരത്തെ മാറ്റി വെച്ച കോഴി വേവിച്ച വെള്ളം ചേർക്കുക ആവശ്യമെങ്കിൽ കുറച്ചു വെള്ളവും കൂടി ചേർത്ത് ഗ്രേവി അകിയെടുക്കുക. ഇതിലേക് നേരത്തെ തയാറാക്കി വെച്ച കോഴിയും ചേർത്ത് ചെറു തീയിൽ വേവിച്ചെടുക്കുക. മല്ലിയില ചേർത്തു വിളമ്പാo. വെന്തു കഴിഞ്ഞാൽ കോഴി വേണമെങ്കിൽ അല്പം മുളക് പൊടിയും, നാരങ്ങാ നീരും ചേർത്തു എണ്ണയിൽ മുക്കി പൊരിച്ചെടുക്കുക. #fprecipes #foodiesparadise #malayalamrecipes #chicken #kozhinirachathu https://www.instagram.com/p/Bpjc_6HH_JK/?utm_source=ig_tumblr_share&igshid=z4r78leww4qk

തക്കാളി പായസം © Sulaikha Ashraf | Foodie's Paradise തക്കാളി - 1 / 2 കിലോ ( നന്നായി പഴുത്തത് ) ചമ്പ പച്ചരി - അര കപ്പ് പഞ്ചസാര - 2 കപ്പ് തേങ്ങ പാൽ (ഒന്നാം പാൽ ) - ഒന്നര കപ്പ് തേങ്ങയുടെ രണ്ടാം പാൽ - രണ്ടര കപ്പ് നെയ്യ് - 5 സ്പൂൺ ഏലക്ക പൊടി - 1 സ്പൂൺ അണ്ടിപരിപ്പ് ,മുന്തിരി മിൽക്ക് പൗഡർ കട്ടിയായി കലക്കിയത് - 1 കപ്പ് വെള്ളം- ആവശ്യത്തിന് തയ്യാറാക്കുന്ന വിധം : ഒരു ഉരുളി അടുപ്പത്ത് വെച്ച് തക്കാളി അര കപ്പ വെള്ളമൊഴിച്ച് വേവിച്ച് മറ്റൊരു പാത്രത്തിൽ തണുക്കാനായി മാറ്റി വെക്കുക.ശേഷം അത് അരച്ചടുത്ത് അരിച്ച് മാറ്റി വെക്കുന്ന..അതേ ഉരുളിൽ തന്നെ 1 സ്പൂൺ നെയ്യ് ഒഴിച്ച് ചെമ്പ പച്ചരി വറുക്കുക ( അതികം വറുക്കണ്ട ഒന്ന് കളർ മാറുകയേ വേണ്ടു) ശേഷം ഇത് പൊടിച്ചെടുക്കുക(തരു തരുപ്പയി ) ശേഷം അത് ഉരുളിയിൽ ഇട്ട് തക്കാളി അരച്ചെടുത്തതും 2 കപ്പ് വെള്ളവും ഒഴിച്ച് നന്നായി ഇളക്കി കുറുക്കിയെടുക്കുക (ഇടക്ക് 1 സ്പൂൺ നെയ്യ് ഒഴിച്ച് കൊടുക്കണം )ശേഷം ഇതിലേക്ക് പഞ്ചസാരയും 2 സ്പൂൺ നെയും ഒഴിച്ച് ഒരു ഹൽവ പാകം ആകുവെരി ഇളക്കി കൊടുക്കുക - ശേഷം ഇതിലേക്ക് രണ്ടാം പാൽ ഒഴിച്ച് തിളപ്പിച്ച് കുറുക്കിയെടുക്കുക .ശേഷം ഇതിലേക്ക് ഒന്നാം പാലും. മിൽക്ക് പൗഡർ കലക്കിയതും, എലക്ക പൊടിയും ചേർത്ത് ഒന്ന് ഇളക്കി തീ ഔഫ് ചെയ്യുക. ശേഷം ഇതിലേക്ക് അണ്ടി പരിപ്പ് ,മുന്തിരി എന്നിവ വറുത്തിടുക. #fprecipes #foodiesparadise #malayalamrecipes #tomoto #payasam #kheer #recipes https://www.instagram.com/p/Bpfuc_wnhKX/?utm_source=ig_tumblr_share&igshid=199htgki10zox

ജാതിക്ക ചമ്മന്തി © Ancy Anil | Foodie's Paradise ചേരുവകൾ : ജാതിക്ക - ഒരെണ്ണം വറ്റൽമുളക് - 5 എണ്ണം തേങ്ങാ ചിരകിയത് - 1/2 കപ്പ് ചുവന്നുള്ളി - 3 എണ്ണം ഇഞ്ചി - ഒരു ചെറിയ കഷണം തയ്യാറാക്കുന്ന വിധം ജാതിക്ക (അകത്തേ കുരു അല്ല ) കഴുകി ചെറുതായി അരിഞ്ഞതും, വറ്റൽമുളക് ചുട്ടതും, അര കപ്പ്‌ തേങ്ങാ ചുരണ്ടിയതും, മൂന്നു ചുള ചുവന്നുള്ളി, ഒരു ചെറിയ കഷ്ണം ഇഞ്ചി, പാകത്തിന് ഉപ്പ്‌ എന്നിവയും ചേർത്തു അരച്ചെടുക്കുക. സൂപ്പർ ചമ്മന്തി റെഡി. #fprecipes #foodiesparadise #malayalamrecipes #chammanthi #recipes https://www.instagram.com/p/BpetUtqHuL6/?utm_source=ig_tumblr_share&igshid=1f95dgwn28p73