#for_documentation_purposes

من عشر سنين فاتوا كان فى أمير. أمير كان مهم فشخ ف حياتى وكان سبب حاجات كتير قوى. المهم إنه من عشر سنين، كان وقتها الموبايلات لسة طالعة، واللى معاه موبايل ف المدرسة ده كان من علية القوم، وطبعا كان أمير معاه واحد. ف مرة كنا بنتكلم، وجات سيرة أغنية لسة منزلاها أصالة اللى هى “أكتر"، وكنت بحكيله أد ايه بحب الأغنية دى بشكل خرافى. خلصنا كلام وكل واحد راح فصله، وإذ بيا أفاجا بباب الفصل بيخبط ف وسط حصة الدين، مين! أمير! .. ميس، ممكن شروق؟ وده شئ لو تعلمون محصليش ف حياتى أبدا ف المدرسة برغم إنه كان ممكن يحصل لبنات تانية. فأنا اذبهليت، وطالعة بقدم رجل واأخر رجل وركبى بتخبط ف بعض، طلعتله وقفلنا باب الفصل، لقيت عينيه بتلمع وبيطلع الموبايل وبيتصل بحد، بتعمل ايه يابنى، انت مجنون؟ يقولى استنى انتى بس، واتصل وقام حاطط الموبايل على ودانى، وإذ بيا أفاجأ بالأغنية محطوطة كول تون للى بيكلمه، وفضلت اسمعها وأنا طايرة م الفرح، مش بس عشان بحبها، ومش بس عشان اهتم ودوّر عليها، ومش بس عشان جالى مخصوص وعمل حاجة مش متعودين عليها وهو إنه يطلعنى وسط الحصة، لأ، ده كمان عشان ده أمير ❤

“لو ضمّها بين ذراعيه قبل أن يقتلها كما قتلته.. لو فعلها لربما أصبح للموت مذاق آخر.”

أكون جميلة حينما أنسى أن أتساءل إن كنت جميلة أم لا

2017 Important Highlights:

وبدأنا سلسلة خيبات الأمل!! نكمل يا رب وهتتحفنا بزيادة، ولا نرجع تانى زى ما كنا ونكفى خيرنا شرنا؟؟