#fc 24

مؤخرا، قررت أستعيل و أجرب نفسي في دور المراهق الأماص مع المنافسين في الفيفا، سياق آمن في التكسكة ع ناس وهميين، بنعتبر بعض اكاونتس مش بشر، فمفيش ضرر و لا مجال للتعاطف عشان اتراجع. ايه ده! انت بتجيب فيا جون الأول؟ طب اصبر على رزقك بقى. انت كمان بتحتفل عليا احتفالات مستفزة لما تجيب جون عشان تخرجني عن شعوري و تركيزي و انسحبلك من الماتش؟ مااااااشي، اتقل اتقل. متعة رهيبة لما الوعيد اللي في دماغي يظبط و اقلب النتيجة في النهاية و أخسرهم بإهانة.

"مشكلتك انت وامثالك من الهاموش والهلافيت، اللي بتيجي عليهم لحظات بيتصوروا إنهم حاجة، الحقد والغل اللي جواكم هو اللي بينفخكم ضد أسيادكم. لكن لإنكم جهلة مغرورين، مش قادرين تفهموا إن طبيعة الكون نفسه مش هتديكوا الفرصة ابدا إنكوا تفسدوا علينا حياتنا.. يا جرابيع"

اخلص فقرتي الدرامية دي في دقيقتين بالظبط، اتغسل من جوه و اجدد دمي و أرجع تاني لطبيعتي.

Nintendo Download: The Right Pikmin For the Job