كل جمعة اصحى من النجمة، يوم إجازتي من الإبتدائية، بس مكنتش متضايق، عشان الواحد ما كان بيصدق يحصل احتكاك و ممارسة نشاط مشترك. مرة ف مرة حبيت المشوار لكذا سبب: إن مكان البيت وسط غيطان، فكنت بطلع بره أتجول بين الحقول، أقطف ورود عباد الشمس و فل و ياسمين، أجمعهم و ارتبهم بشكل جمالي متناسق و اربطهم بخوص بشكل يليق يرتقى إنه يبقى بوكيه ورد محترم، بعدين اروح اصطاد دبابير، دبابير ملونة، فكنت أصطاد فيهم و أجمعهم و احطهم ف كيس مع الدود الملون اللي بحفر ف التربة و أطلعه، و على ميعاد صلاة الجمعة أطلق سراحهم كلهم، متعة الهدوء و إستكشاف الطبيعة.

بمناسبة البادجت، واحدة قريبة واحد صاحبي كانت عايزة تعمل عيد ميلاد لإبنها، ف الفلوس يدوبك كفت تجيب المطرب محمد نور، و لحد دلوقتي مش مستوعب ازاي محمد نور سافر و راح "دكرنس" مخصوص عشان يحيي عيد ميلاد طفل هناك، يعني إيه أصلا حد من دكرنس يعمل عيد ميلاد لإبنه، يعمل عيد ميلاد عامة؟!

و الله لو اتعملت ف مليون فيلم و مسلسل، عمرها ما هتبقى كليشيه و هحب أشوفها كل مرة و أبتسم و أتأثر.

حلقة الدحيح دي من أكتر الحلقات الي بحبها، حسيت انها ممكن تفيد صاحبة الأنون اللي فاتت دي في نقطة لون البشرة؛ حاجة كمان أنا عايزة أقولها لها إنه الصوت الداخلي اللي عندك وبينتقدك بشدة على حاجة انتي ملكيش تحكم فيها زي لون بشرتك، دا مش صوتك انتي، once بس انك تدركي ان دا صوت دخيل عليكي بجد مش صوتك انتي. هتقدري ساعتها تقاوميه بصوتك انتي الحقيقي اللي بيحبك زي ما انتي اتولدتي. ومش هتسمحي لحد تاني يصدرلك الصوت القديم ده تاني.

كل سنة و انت طيب

جايالك بشوية خواطر اورجانيك 😂

قررت اسافر فى العيد عشان انبسط و اعمل ذكريات حلوة + اتفادى اي مشاعر مش لذيذة بتيجي زي وحدة أو ملل أو أو ، و سافرت دهب !

انا بسافر عادي، بس اختيار دهب تحديدا ده بقى مختلف فى حاجة very deep بالنسبالي ،، الا و هي اني فى العادي بهرب من اي مصيف عشان ماسمرش ، مع العلم أن فيه ناس منقوعة فى الشمس ليل نهار مخصوص عشان التان

بس this has always been my biggest insecurity اني ارجع شكلي غامق و مش حلو

و لكن قررت اتمرد على ده و اسأل نفسي بجد ، هو انا هقعد اقفل على نفسي و ماعيشش حياتي و انبسط خوفا بس من اني لوني يتغير ف ميبقاش fit فى مقاييس المجتمع على البنت الفاتحة المزة ؟

طب ما ك** المجتمع ! اروح و انبسط ، ده اللى قولته لنفسي و حاولت اخليها تتقبله ، بس من جوايا كان فيه حتى لسه مقلقة و روحت جبت ٣ انواع صن سكرين و كريم تفتيح و دفعت حوالي ٦٠٠٠ جنيه عشان اقلل من عواقب الشمس

ف انا اه اتجرأت و حاولت اكسر الصنم اللى جوايا ده ، بس عارفة أنه ماتكسرش ١٠٠% و اتس اوكاي يعني اتبنى فى 30 سنة ف مش هيتكسر فى يوم ..

------------------------------------

امي قبلها حبت تخوفني شوية من السفر ده و قالتلي انها لما كانت على وش جواز مراحتش المصيف عشان " ماتتصبغش" و ان طنط فلانة سألتها عليا و تقريبا عندها عريس بس هتشوف الدنيا كدة ، ف ماما متوسمة أننا هنقابل عريس " وهمي " قريبا ف بلاش نسافر ننبسط و لوننا يتغير عشان نعجبه و نبقى قمامير فى المقابلة !

اتضايقت و كنت هقول ساعتها لفظ خارج من ٣ حروف , بس من جوايا ، كنت خايفة ييجي عريس فعلا و شكلي ميكنش حلو

-------------------------------------

سافرت ، انبسطت ، تعبت فى السكة فشخ و قررت اني مش هروح تاني غير طيران ، عرفت كام حاجة عن نفسي و اتصورت صور جميلة ، كلها بالنظارة عشان مش واثقة اني لو اتصورت من غيرها هتبقى صور فشيخة ولا نص نص

و قررت ارجع اغير صورة بروفايل فيسبوك و أظهر تانى قدام الناس ،، كنت جعانة validation و تطبيل و خدتهم الحمد لله

-----------------------------------

نفس طنط صاحبة امي دي عندها حالة وفاة و العزاء بكرة، دي اللى كانت جايبالي الولا الاخراني اللى كان عاجبني ده و دائرة بتاعتها عموما حلوة و فيها شباب حلوة + ان العزاء الكبير بالنسبالي فرصة ظهور كويسة فى وسط صحاب امي اللى مشفتهمش من زمان

بشاور نفسي اروحها ولا لأ و انا اخده تان بسيط ، مع العلم أن الواد ده اكيد هيبقى موجود ، و اه عايزاه يشوف حلاوتي و جمالي و يتحسر ( عارفة انه مش شرط خالص عشان وارد يكون خطب و عشان هو اللى رفض اصلا ف هو مش انترستد بربع جنيه و ياريت نبطل اوهام و نمسك العقل)

----------------------------------

من ناحية ألاصول وجودي مش ضروري اوي لان امي هتعمل الواجب ، مع ان طنط دي بحبها اوي و بيننا تعاملات و جمعيات،، ف حاسة بقى اني فى مواجهة مع ال insecurity بتاعتي اللى قررت احطمها و اسافر و اتحمل تبعات ده ، ظهوري فى الدائرة دي لازم يكون مدروس مش عشوائي ، ف هل بقى انا بجد تمام من جوايا متقبلة نفسي زي مانا و هروح البس و اتشيك و احضر العزاء و انا اخده تان؟ ولا هنسحب و اختار الsafe side و احافظ علي صورتي الحلوة عندها ماغيرهاش... و انا ليه اصلا مهتمة برأيها و رأي دائرتها فيا ؟! انا مش لسه كنت بقول ك** المجتمع ؟! ايه اللى بيحصل فى دماغي ؟

مساء الفل. لا بالعكس انتي واضحة و صريحة و تصرفك سليم جدا، إنك حقك تتفاجئي و تستغربي، بعدين خد رقم بابا كلمه، يعني السيكوانص بتاعك ما شاء الله مفيهوش غلطة، معززة نفسك اولا، و ثانيا مأمناها من ألسنة زمايل الشغل و محافظة بإن الموضوع يروح لسكة رسمي. فيعني هو اللي مش واضح، و الشخص الغامض دايما هيحطك ف أسئلة و يخلي دماغك تلفك، فاوعي ده يشكك ف حاجة تجاه نفسك أو تصرفك. فمتفكريش كتير، عيل عبيط، و انتي استغربيلك يومين كده و بعدين كله هيبقى تمام، فمفيش داعي تسيبي الشغل عشان حد ميستاهلش.

تفسيري أنا بقى، حسب التخمينات، إن ف ولاد كتير لما بتفكر ف جواز أو صالونات، هو بيجس النبض و يخبط على كل باب و على كل فرصة متاحة، و غالبا ف نفس التوقيت و نفس الفترة، لحد ما اتنين تلاتة يقولوه آمين تعالى نقعد قاعدة، بيكون هو كده ف دماغه إنه خلاص حجزت فلانة عشان متروحش لغيره، و يكمل بحث و تدوير و يجس النبض لحد ما يطلع بكذا موافقة مبدئية، و ساعتها بقى يقعد على رواقة ينقي و يختار واحدة ف الآخر. و أراهن كمان إن ممكن و بنسبة كبيرة إنه اتقدم لكذا زميلة ليكي بنفس الطريقة على فترات متقاربة، بس هم خبوا و مجبوش سيرة عشان الدنيا مظبطتش ف النهاية و مش عايزين شوشرة ف الشغل.

و ف حالتك كمان، غالبا مكانش عايز خطوة رسمية ف الأول، عايز يمشيها ودي يعرفك و يعرف ظروفك و ظروف أهلك و يعرض عليكي حالته المادية حسب استطاعته، يفرش كل حاجة معاكي يتعامل معاكي شهر كده، و على أساس معرفته دي، يقيس مع نفسه نسبة نجاح الموضوع و احتمالات فرصة الموافقة عليه؟ لو كبيرة، هيجي يتقدم، لو طلع إنك من وسط أعلى منه أو اي سبب يزيد احتمالية رفضه، ف بينسحب بدري عشان متتحسبش عليه رفض، فبالتبعية يثير تساؤلات و غموض إنه ليه مشي و ليه مكملش و أنا عملت إيه خلاه يتراجع شكلي معجبوش، لما هزرت و ضحكت بصوت عالي خلاه يحس إني مش محترمة..إلخ من الحاجات اللي بتشل الواحد.

كمان فكرة عرض سؤال: أنا عايز اتقدم، أو انا بحبك، كل دي عبارات آمنة و مضمونة جدا عند الراجل و تبقى مفتاح عبور لدماغ البنت و تلقى عندها استحسان كبير للدرجة اللي تخليها تعبره و ترد عليه بسهولة و يخلي فضولها يقودها إنها تكمل معاه شات أو تليفونات و تديله فرصة أطول، إنما لو قالك خبط لزق كده: أنا عايز أتعرف، هياخده البلوك ف وشه و مش هياخد فرصة، فبيضطر يروح لطرق و ينطق بحاجات مش محسوسة كفاية، بس بيقولها عشان تسهله الدنيا و البنت تديله ريق.

بعتذر لك مش قصدي اغلس عليك او ادايقك .حسكت خالص

مهو يا حبيبي أنت سألتني ده بعد ما كتبت بوست 190 سطر ع الثيرابي، و برضه مطلعش كافي بالنسبالك و جيت تسألني تاني بعدها أنا منفتح على الثيرابي؟ اعمل ايه تاني طيب عشان تتأكد :)

و اه ده حقيقي لما حاجة تحصل للي بحبهم بتأثر جدا. بتنكد و بتكبس كدا، كبسة و وكسة، و ف الفرح برضه بطير و مقيم أفراح. بس ده من جاية من باب عاطفي عندي، إن دول أشخاص يخصوني و خايف ع مصلحتهم و عايزهم يبقوا أحسن و مش عايز اتخزل فيهم بسبب صفات ممكن تقفلني منهم و تضيع الصداقة دي اونطة ع حاجات تافهة و سهل هندلهتها. قول ايمباثي أو حب أو حمأة أو مؤازرة أو دم حامي أو جدعنة، معرفش ايه المسمى، بس مش شرط تكون معاناة ما و إسقاط نفسي وضرورة تدخل، طالما مش معطلني عن حاجة، يبقى زي ما قولتلك مفيش ضرورة ملحة للإستشارة. أو لها مرجع ما الله أعلم ممكن اكتشفه بعدين، المهم اللحظة اللي أنا فيها دي مش شايفها تستدعي.

قصدي على اخر بوست نزلته

لو أنا روحت بنفسي للواد الندل و رجعت حقوق صاحبي المتقاعس، دي اللي إسمها باخد موقف بدلا منه و بالنيابة عنه، و ساعتها بقى نتكلم عن دور المنقذ و الطب النفسي إلخ، إنما أنا اللي عملته بس إني خدت موقف أخلاقي حسب الأخوة و الصداقة إن مينفعش نشوف ندالة و يبقى الموضوع يعدي عادي و نسكت، لازم نخض الأندال و المتلاعبين اللي بيتغذوا على ضعف الآخرين و سذاجتهم، و يشوفوا بنفسهم أننا أذكى منهم و بنعرف ناخد حقنا، و أننا بنعرف نأذي و نخطط و نتلاعب زيهم و أحسن عادي جدا. و لو صاحبي قالي إنه مسامح عن حقه و مترافع عنه، ساعتها مش هتضايق و هقول فرق اختيارات و ردود أفعال، إنما لما يبقى من جوه مش راضي و بيجز على سنانه، لكن واقف ساكت، دي اللي تضايق، و خصوصا إن شافني بنفسه عملتها قصاده عادي اهو و طلعت سهلة و مؤثرة و وترت الواد، و لو كان هو ضغط معايا و عمل زيي كان زمان الواد شاخخ ع نفسهو يجيلنا بنفسه نصفي الحساب. فلما نكون كلنا ممدين ايدينا ليكي و ف ضهرك، و أنت مستسلم و مش عايز تحاول حتى، فدي حاجة بتغيظني جدا جدا و بتحطني ف موود سيء للغاية.