#fakeblogs

Don’t fall for this fake as profile.

Uso nga ngayon ang teknolohiya sa ating mga buhay kahit saan. Mula nga sa makabagong inbensyon pati na rin sa daan ng komunikasyon sa pamamagitan ng social media. Uso nga ngayon ang social media pero paano natin matutukoy ang mga lathalain at mga pahayagan na galing sa social media? Paano ba natin malalaman ang mga balita na galing sa social media? Ito ba ay totoo or gawa - gawa lamang ng iilan?

Uso nga sa social media ang mga balitaan ng mga sikat na news media. Pero, ang mas uso sa ngayon ang mga balitang peke. Sa umpisa pa lang, kapag binuksan mo ang link ng balita, akala natin ay totoo. May mga palatandaan nga para masuri kung totoo nga o peke nga ang balita o lathalain. Halimbawa, kung susuriin nyo ang http part, may palatandaan yan tulad ng The Guardian. Sa pekeng balita ito: The Guard1an. Mayroon pang halimbawa, ang blog ng isang suporter ng kasalukuyang administrasyon. Sinabi nya sa kanyang social media na in first fifty days of Duterte Administration, mayroon na raw mga bagong bagon sa MRT - 3. Wow! Maraming proseso ang pagdagdag ng mga bagong bagon.

Isa pa sa ginagawa ng isang supporter ng pangulo na isinulat nya sa kanyang Facebook Page ay atakehin ng batikos ang kasalukuyang Bise Pangulo. Wala nga siyang ginawa kundi siraan nang siraan ang ibang gabinete ng Pangulo pati na ang ibang senador at kinatawan ng kongreso. Sinabi nya sa ating Bise Pangulo: “Kung totoo po ito ay talagang kitang-kita na hindi nakikipagtulungan si VP Leni sa kasalukuyang administrasyon.” Hindi ba paninira na ito sa ibang opisyal?

Laganap nga ang pagkakalat ng mga pekeng balita sa social media. Ang sinasabi ng iba ay totoo raw dahil mas madaling paniwalaan kaysa sa mga balitang “biased” at puro paninira sa administrasyon. Wow! Talaga bang naniniwala ang ibang tao sa mga gawa-gawang balita sa social media?

Narito ang mga hakbang para malaman kung ang mga kumakalat na balita ay totoo o hindi. Tingan ang link sa http://realorsatire.com kung totoo o hindi ang online site. Suriin maigi ang konsepto ng balita pati na rin ang link ng balita. Kapag may nagshare ng pekeng balita at nabasa ninyo, isara na lang ang site na iyan. Pwedeng pagmulan ng away ang mga pekeng balita.