#energji

View On WordPress

Lidhur me historikun e investimeve në veprat prodhuese të energjisë, së pari, duhet sjellë që projektet infrastrukturore kanë shikuar në praktik përdorimin e të gjitha formave të investimit të njohura nga praktikat botërore. Kështu, po t’i referohemi kuadrit në të cilin bazohet regjimi i të drejtave për zhvillimin e burimeve energjetike, projektet shikojnë nga ato në marrëveshje të shkëmbimit me rrjetin, me autorizim direkt, me kontraktim direkt, në koncesione te formave të ndryshme BOT, ROT, BOO, etj., me gare ndërkombëtare, etj., ku siç e dimë praktika është edhe me larmishme dhe këto procedura shpesh shikojnë ndërthurjen midis tyre të elementeve të ndryshëm të kornizave klasike. Në këtë kuadër, investimet kryesore në totalin e tyre kanë konsistuar në vënien në eficience të burimeve hidrike, nisur nga deri këtu kostot më të ulëta të kësaj teknologjie. Fatkeqësisht, ato kane tërhequr më shume vëmendjen për abuzimin e dhënies se tyre, pikërisht duke përdorur pa kritere principet e koncesionimit të pakërkuar. Procedure që nuk është as më e mira as më e gabuara per se dhe ka gjetur zhvillim të gjere falë interesit të përbashkët të të gjithave palëve për ta përdorur lidhur me eficientimin e kostove në fazën paraprake. Megjithëse, bazuar në të dhënat zyrtare më të fundit, deri më sot impiantet e reja të ndërtuara tërësisht janë vetëm rreth 590 MW. Pra të gjitha të marra së bashku nuk shkojnë më shumë se sa vetëm HEC-i i Fierzës. Nga ana tjetër duhet sjellë që veprat hidroenergjetikë jepen edhe me autorizim, praktik që ndiqet edhe për projektet fotovoltaike deri në 2 MW. Procedure e cila është konceptuara si më e shpejte, dhe behet për investimet e vogla, me interes për investitorët lokal duke rritur sigurisht problemet lidhur me konkurrence dhe per rrjedhim edhe transparencën. Një kuadër i bazuar në parimin që lë ngarkesën (ose rrezikun) e madh të punës të ndiqet nga investitori. Me këtë procedure janë ndjekur dhe kane filluar fazën e ndërtimit projekte e para në fotovoltaike deri ne 20 MW. Natyrisht, e ardhmja duket më dinamike me plotësimet e ligjit të ri për energjitë e rinovueshme, do të vijohet më tej me projektet më të mëdha me tarifa feed in premium (FiP). Kjo qasje në fakte ka nisur në praktike me projektin e Akërnisë të hapur kohët e fundit për përzgjedhjen e ofertuesit për ndërtimin e impiantit fotovoltaike mbi 50 MW. Një projekt i parë i bazuar në parimin e tenderit për kapacitete, i cili paraqet një inovacion në shkallë të gjerë për avantazhet dhe mundësitë e ofruara, ku çdo gjë përgatitet në paketë nga autoriteti publik. Fakt që bënë që ajo të ketë me afër vëmendjen e autoriteteve publike që në fazën fillestare të propozimit duke dhënë kështu mbështetje maksimale për investitorët e interesuar. Një praktikë që mundësohet fale avancimit të tregut energjetik dhe me siguri ka për t’u adoptuar si një model për koncesionet e mëtejshme hidroelektrike, ere, e të ngjashme, por është më pak e favorshme ku nuk mund të aktivizohen principet konkurrueshmerise. Më tej nga pikëpamja e diversifikimin dhe mirë menaxhimit, si shumë pak nga vendet rajonit aktualisht kemi një impiant përpunimi mbetjesh, dhënë me procedurën klasike të partneritetit. Siç kemi për herë të parë investimin strategjike të TEC-it të Korçës, me mbështetjen e institucioneve financiare ndërkombëtare, për të prodhuar energji elektrike nga gazi natyror që vjen nga TAP-i. Apo nga ana tjetër më shumë se 15 mil euro të akorduara në formën e granitit nga KFW që po investohen aktualisht në efiçencë energjetike në ndërtesa në qytetin studenti. Pra duke synuar për të trajtuar zhvillimet në tërësi të panoramës së projekteve të dhëna për zhvillim, përveç rasteve të një mbështetje të jashtme, siç duket forma projekteve Koncesinare/PPP mund të ofrojnë përfitime të konsiderueshme për sektorin publik, si dhe për përdoruesit e projektit. Problemi është kompleksiteti i zbatimit te tyre në kohë të gjate, i cili gjithsesi, përtej dëshirës për ti limituar, në situatën e kufizimeve buxhetore me nivelin aktuale të rritje prej 4%, dhe kufizimeve te vendosura nga institucionet ndërkombëtare që monitorojnë sektorin, janë mundësia e vetme për zhvillimin e investimeve publike, dhe në fakt hapin rrugën e futjes së kapitaleve private gjithnjë e më shumë në sektorët ekonomisë. Kështu, në këtë drejtim po punohet për të përmirësuar menaxhimin e kontratave publike me ekspertë më me përvojë të PPP, të Departamentit të Shërbimeve Këshillimore të Bankës Evropiane të Investimeve (EIB), ku fokusi i përmirësimeve po synohet të vihet në  krijimin dhe reformimin e njësive PPP, Vlerësimi i Vlerës së Parasë (VVP), menaxhimin e kontratës PPP dhe përdorimin e këshilltarëve të PPP, dispozitat e ndërprerjes dhe forca madhore, shpërndarjen e riskut dhe trajtimin e bilancit si edhe implikimet e direktivave të reja të prokurimit të BE-së për PPP-të. Shënim: Sa me sipër është mbështetur me se shumti ne intervistën “Zhvillimet e investimeve dhe tregut energjetike” e Dr. Lorenc Gordani dhëne për znj. Mirilda Tili në Fax News TV, më 24 Tetor 2018. Shënim: Mendimet dhe opinionet e këtu me sipër shprehur i përkasin autorit të tyre. Ndërsa të gjitha përpjekjet janë bërë për të siguruar saktësinë e tyre, sa këtu nuk ka për qëllim të ofrojë këshilla ligjore, pasi qe situatat individuale mund të ndryshojnë dhe duhet të diskutohen me një ekspert. Për çdo këshillë specifike teknike ose ligjore, mbi informacionin e ofruar dhe tema të ngjashme, mund të kontaktoni përmes “[email protected]”. Most Read Publications Most Visit Section Read the full article

Nxjerrja e sektorit të energjisë prej situatës së emergjencës, është një premise e mirë për rivitalizimin e iniciativave afatgjata të zhvillimit të sistemit energjetikë shqiptarë. Në këtë drejtim, efiçienca energjetike është një instrument strategjike, duke u konsideruar “burimi më i mire i energjisë”. Kështu, me aprovimin e planit të veprimit të efiçiencës, e cila përshkruan objektivat kombëtare deri në 2020, është intensifikuar puna për përgatitjen e legjislacionit dytësore mbështetës dhe kërkimin e mënyrave të zbatimit në praktike të efiçiencës së energjisë. Për sa më sipër në masat me prioritet të lartë përbëjnë angazhimet e ndërmarra përmes ligjeve DEE-së dhe PEN-së.  Këto masa lidhen më së shumti me sektorin e ndërtesave dhe sektorin publik, si dhe detyrimet mbi konsumatorët e mëdhenj. Për të përshpejtuar këtë progres, ligji për efiçiencën e energjisë, konfirmuar nga PKVEE-ja, kërkon që politika kombëtare të mbështetet në parimin e transformimit të sektorit publik në një model, nëpërmjet investimeve, përdorimit të shërbimeve energjetike dhe masave të tjera për përmirësimin e efiçiencës së energjisë. Tashmë, një numër projektesh pilot kanë filluar me ndërtesat kryesisht arsimore, kur dihet që sektori publik përfshin një larmi nën-sektorësh dhe shërbimesh publike. Në lidhje me masat në sektorin publik vëmendje e veçantë duhet t’i kushtohet masës mbi ndriçimin publik. Bashkitë si konsumatorë të mëdhenj, sipas ligjit për efiçiencën e energjisë, janë të detyruara të organizojë menaxhimin e energjisë dhe të plotësojnë rekomandimet e auditimit me masat për efiçiencën e energjisë. Përmirësime të tilla për efiçiencën e energjisë në ndriçimin publik janë përfshirë në mënyrë të qartë në nenet e ligjit për efiçiencën e energjisë, si një masë e përshtatshme për të përfituar financim nga Fondi i Efiçiencës së Energjisë. Në fakt sa më sipër është vetëm një vazhdim dhe përmirësim i masës së mëparshme për të nxitur efiçiencën e energjisë në sistemet e ndriçimit publik nëpërmjet mekanizmave të ndryshëm financiar, përfshirë bashkëfinancimi i masave dhe shërbimeve energjetike të kompanive ESCO. Për ketë duhen përpiluar planet e veprimit për përputhshmërinë e ndriçimit publik me standardet e përshtatshme dhe raportuar çdo vit mbi aktivitetet e zbatuara. Aktivitet që mund të stimulohet duke shfrytëzuar potencialet për kursim të energjisë, nëpërmjet përdorimit të shërbimeve energjetike, pa vendosur barrë buxhetore. Programi i detajuar për rinovimin e ndriçimit publik që duhet të hartohet nga Ministria e Energjisë dhe Industrisë (me saktësisht AEE-ja) në bashkëpunim me Pushtetin Vendor. Zbatimi i Programit, që duhet të kishte filluar që në vitin 2017, duhet, ndër të tjera, të përfshijë dhe zhvillojë komponentët inovativë për mekanizma të ndryshëm financiarë, mbështetur në Fondin e Eficencës së Energjisë/MIE (AEE)/Pushteti Vendor/Fonde të tjera (IFC, EBRD, GIZ, Banka Lokale, etj.) Nëse kjo masë do të mund të trajtohet me një plan konkret zhvillimi mund të këtë hapësira për të krijuar partneritet investimi duke zhvilluar skema investimi nëpërmjet kompanive ESCO dhe Pushtetit Vendor dhe partneritetit Publik-Privat. Për të vendosur mbi skemat e financimit për implementimin e kësaj mase shumë varet nga potenciali i kursimit (që vlerësohet në 450 kËh në vit për ndriçues, ku zëvendësimi i vetëm 10,000 ndriçuesve në vit do te sillte kursim te 3.9 ktoe deri ne 2020). Po ashtu kjo mund vij edhe me anë të skemave të subvencionit në kuadër të marrëveshjeve vullnetare nëpërmjet konsumatorëve të mëdhenj dhe AEE-së nëpërmjet Fondit të EE-së. Aktualisht buxheti i parashikuar për implementimin e kësaj mase është 2.6 Mil/Euro deri në 2020. Por, me gjithë potencialin e konsiderueshëm në kontraktimin e performancës, tregu për ESCO-t dhe kontraktimi i performancës energjetike kanë qenë të kufizuara nga mungesa e një kuadri rregullator të qartë dhe procesi të licencimit, opsioneve të financimit dhe stimujve, si dhe njohjes së kostove dhe pasjes së eksperiencës në furnizim. Kështu, furnizimi i ndarë dhe mungesa e opsioneve dhe ekspertizës për sigurimin e masave për EE-në, është një kufizim për zhvillimin e këtij sektori. Kombinimi i një furnizimi të pakoordinuar të tregut me mungesën e kodeve të praktikës dhe niveleve të ulëta të informimit lidhur me kriteret për EE-në (p.sh. nëpërmjet etiketimit), nxjerr në pah rëndësinë e ndërmarrjes se veprimeve shtesë te zbatimit të mbështetjes të masave për EE-në. Ligjit për efiçiencën e energjisë, ka për qëllim të ofrojë bazat për të luftuar këtë çështje. Shërbimet energjetike mund të sigurohen me negocim të lirë ndërmjet palëve, të termave dhe kushteve, përveçse kur ato sigurohen nga një program i financuar nga Fondi për Efiçiencën e Energjisë. Për më shumë, auditimet energjetike janë të detyrueshme dhe duhet te kryhen çdo 3 vjet për çdo subjekt që kategorizohet si konsumator i madh energjie. Në këto rrethana, Ministri i Energjisë dhe Industrisë, me propozimin e Agjencisë për Efiçiencën e Energjisë, do duhet të miratojë sa më parë kontratat standarde për shërbimet energjetike. Përderisa mundësitë e financimit tregtar në këtë fushë vazhdojnë të mungojnë, në fazat e para të zhvillimit të tregut, Fondi për Efiçiencën e Energjisë mund të jetë një burim shumë i rëndësishëm për financim.  Me qëllim të rritjes maksimale të potencialit të ESCO-ve, promovimi/marketingu i mundësive është jetësor, veçanërisht duke marrë parasysh nivelin e ulët të njohurive në zyrat publike dhe ato te prokurimeve pranë bashkive, lidhur me format e kontratave të shërbimeve energjetike. Kjo masë do të jetë ngushtësisht e harmonizuar me trajnimin e audituesve të energjisë dhe përditësimin e rregullave të prokurimeve publike me qëllim që të reflektohen kriteret e EE-së dhe kostot e ciklit të jetëgjatësisë. Detajet financiare për investimet ESCO, të prokuruar nga një agjenci publike kërkojnë sqarimin te mëtejshëm, që do të thotë se investime të tilla që garantohen nga kursimet e energjisë nuk duhet të jenë borxh publik dhe se pagesat sipas EPC-së duhet të jenë plotësisht të lejuara si një zë i buxhetit. Ndërsa buxhetet shumëvjeçare lejohen me miratimin e Ministrisë së Financave, aktualisht entitetet publike duhet të përgatisin parashikimet 3-vjeçare.  Prandaj kërkohet të zhvillohet planifikimi buxhetor afatgjatë dhe miratimi i pagesave, sipas një EPC-je, si një zë buxheti plotësisht i lejuar. MIE është përgjegjëse për përgatitjen e akteve nënligjore të kërkuara (për t’u miratuar nga Këshilli i Ministrave) mbi kategoritë, kushtet, kërkesat e kualifikimit e të ekspertizës profesionale që duhet të kenë kompanitë e shërbimeve energjetike.  Megjithatë, zbatimi me sukses i kësaj mase do të kërkojë përfshirjen e shumë entiteteve të tjera shtetërore, si edhe sigurimin e trajnimeve për specialistët e prokurimeve mbi mënyrën si të trajtohen tenderat ESCO, për APP-në dhe bashkitë në shqyrtimin e ESCO-ve në prokurimet publike. Nga ana e tregut, krijimi dhe zhvillimi i shoqatave tregtare dhe kodeve përkatëse të praktikës, si edhe thellimi i kuptimit të kontraktimit ESCO nga bankat e nivelit të dytë janë elemente të tjerë shumë të rëndësishme. Shënim: Mendimet e këtu me sipër shprehur i përkasin autorit të tyre. Ndërsa të gjitha përpjekjet janë bërë për të siguruar saktësinë e tyre, sa këtu nuk ka për qëllim të ofrojë këshilla ligjore, pasi që situatat individuale mund të ndryshojnë dhe duhet të diskutohen me një ekspert. Për çdo këshillë specifike teknike ose ligjore, mbi informacionin e ofruar dhe tema të ngjashme, mund të kontaktoni përmes “[email protected]”. Most Read Publications Most Visit Section Read the full article

Efiçienca energjetike është një fushë thuajse e pashfrytëzuar dhe shumë sfiduese! Kjo reflektohet edhe në situatën praktike, ku deri më sot eksperiencat lidhur me sektorin janë të pakta. Në fakt deri këtu janë dashur 20 vjet përpjekje për të arritur të realizohen investime në hidroenergjetikë për rreth 600MW. Kohët e fundit po punohet me përgatitjen për nisjen në praktike të projekteve të para fotovoltaike (Pv). Siç së afërmi pritet të avancohet drejt hapjes së tregut elektrike dhe krijimit te bursës se energjisë, pra dhe futjen e operatoreve private ne furnizimin e energjisë, etj. Natyrisht shpejt do lancohen dhe mundësitë e përdorimit të gazit natyror, energjisë eolike, biomasës, etj. Gjithsesi fusha e efiçencës, jo vetëm në Shqipëri por dhe në rajon, dhe në disa raste edhe në disa vende të tjera më pak të zhvilluara të Evropës, është në fillimet e saj, por në çdo rast në një zgjerim të shpejt dhe të sigurt. Në fakt, ideja e auditimeve energjetike dhe certifikimi për ndërtesat rezidenciale dhe ato të shërbimit, si edhe për konsumatorët industrialë ishin të parashikuara qe në Planin Kombëtar te Veprimit për Efiçencën e Energjisë (PKVEE-në) I të vitit 2011. Lidhur me këtë ishte parashikuar edhe trajnimi i stafit të menaxherëve të energjisë për të monitoruar konsumin e energjisë në ndërtesat publike. Megjithatë, përgatitja e shumë aspekte lidhur me standardet, procedurat, detyrimet, deri tek krijimi i një kurrikule të qartë dhe komisioni licencues për audituesit të energjisë janë hapa që edhe sot mbeten për t’u ndërmarrë. Kuadër i cili është kërkuar me ngulmë të plotësohet nga organizmat ndërkombëtare dhe ka parë marrjen për here të parë të një mase kundër Shqipërisë, me kërkesën për përmbushje të detyrimeve ndërkombëtare në këtë fushe, gjatë vitit 2018 nga Sekretariati i Energjisë në Vjenë, në vijim të ministerialit vjetor të mbajtur në Prishtine më 14 Dhjetor 2017. Pra me gjithë vështirësitë dhe ngecjet e reformës në shumë sektorë kjo është një fushe që kërkohet me patjetër që të hapet. E gjitha bënë që tashmë është duke u ecur me plotësimet me aktet nënligjore duke parashikuar se afërmi aprovimin e rregullores mbi kushtet e dhënies së licencës profesionale. Rregullore që përcakton, që çdo individ apo shoqëri, vendase ose e huaj për ushtrimin e veprimtarisë në fushën e auditimit të energjisë, ka të drejtë të paraqesë kërkesë pranë komisionit të posaçëm të dhënies së licencave profesionale mbi auditimin e energjisë apo shërbimeve energjetike për t’u pajisur me licencë profesionale, pasi të ketë plotësuar kushtet që përcaktohen në të. Kushte që ndër të tjera, përveç aspekteve lidhur me formimin dhe eksperiencat profesionale, parashikojnë që kandidati të ketë kaluar me sukses provimin apo testimin për kategorinë ku kërkon të licensohet, të organizuar nga autoriteti përgjegjës publik apo institucion privat në emër të të cilit zhvillohet një program studimor dhe praktikë të njohur dhe akredituar nga Ministria e Arsimit dhe Sporteve. Praktika e cila bënë që këto kurse të jenë detyrues, në mënyre të ngjashme me profesionet e tjera të lira në interes publik bazuar në kuadrin për licencat, autorizimet dhe lejet në republikën e Shqipërisë. Në të vërtet, në momentin aktuale vëmendja është fokusuar në çeljen e negociatave, që nuk është ndryshimi i një apo disa aspekteve teorike apo thjeshte formale, por një të kuadrit rregullues teknike gjithëpërfshirës që prek në qelizë të gjithë shoqërinë Shqiptare. Pikërisht për këtë, nëse nuk duam një ndryshimin të qasjes së konsoliduar deri më këtu, thelbësore është që të fillohet nga përgatitja e audituesve, duke hedhur bazat që mbështeten në formimin e kualifikuar, në përpjekje për ndërtimin e një zhvillimi të qëndrueshme dhe afatgjatë. Shënim: Mendimet e këtu me sipër shprehur i përkasin autorit të tyre. Ndërsa të gjitha përpjekjet janë bërë për të siguruar saktësinë e tyre, sa këtu nuk ka për qëllim të ofrojë këshilla ligjore, pasi që situatat individuale mund të ndryshojnë dhe duhet të diskutohen me një ekspert. Për çdo këshillë specifike teknike ose ligjore, mbi informacionin e ofruar dhe tema të ngjashme, mund të kontaktoni përmes “[email protected]”. Most Read Publications Most Visit Section Read the full article

Prodhimi energjisë nga burimet ujore është sektori i vetëm që deri me këtu ka gjetur zhvillim të gjerë në praktikë. Megjithatë kohet e fundit janë regjistruar avancime te rëndësishme për sa i përket energjive te rinuovueshme alternative siç janë ato qe lidhen me erën, diellin, dhe biomasën. Për më tej, lidhur me kostot me te ulëta dhe potencialin strategjike, rendësi te veçante ofron zhvillimi i sektorit te gazit si pjese (bashke me elektricitetin) e tregut te përbashkët te energjisë te BE-se. Nga pikëpamja si comodity, ai me se shumti parashikohet te importohet, por me avancimin e projekteve te Shell-it edhe perspektivat e rezervave ne vend janë ne rritje. Ne çdo rast konsumi i tij ne vend pritet te arrije piken shfrytëzimit ne nivel 2.4 miliard deri ne 2030. Nivel qe behet i mundur nga ndërtimi i infrastrukturës transportuese te nevojshme ndërkombëtare (nëpërmjet Tap, e Iap, dhe me tej me Kosovën, Maqedoninë), përpunuese për elektricitet apo industri intensive petrokimike, depozitimin e tij midis 5-7 mild/m3, dhe veçanërisht shpërndarjen ne çdo konsumatorë finale, etj. Ne ketë kuadër, ne konsiderate duhet marre kontributi qe vjen ne nivel rajonal nga Sekretariati e Vjenës (EnC), i vene ne pune ne vijim te një seri marrëveshjesh zyrtare midis 2002-2006, i cili imponon sigurimin e një kuadri ligjor për vendet e rajonit te harmonizuara me legjislacionin e BE-së për energjinë. Për ketë, si palë kontraktuese e TKE-se, vendi duhet te përmbush një sere reformash të detyrueshme për zbatimin e legjislacionit përkatës të BE-së për elektricitetin, gazin, BRE, EE, mjedisin, si edhe për nxitjen e investimeve, konkurrencën, politikat sociale, statistikat, etj. Po aq i rëndësishëm ne nivel ndërkombëtare janë angazhimet e marra nga Shqipëria ne kuadër te Konventës Kuadër të Kombeve të Bashkuara për Ndryshimet Klimatike (UNFCCC) në vitin 1995, dhe me Protokollin e Kiotos te hyre ne fuqi në vitin 2005. Se fundmi Shqipëria më 22 Prill 2016 ka nënshkruar Marrëveshjen e Parisit, duke e depozituar dhe objektivat e saj te synuara, ne takim e vjeshtës te mbajtur ne New York dhe hyrë në epokën e re të procesit të politikës ndërkombëtare të klimës. Ky proces është pjesë integrale e procesit të integrimit në Bashkimin Evropian dhe përfshin zhvillimin e kapaciteteve në nivel kombëtar për monitorimin dhe raportimin vjetor të gazrave me efekt serrë (GHG), formulimin dhe zbatimin e politikave për të reduktuar GHG dhe marrjen e masave për adaptimin ndaj ndryshimeve klimatike, duke transponuar dhe zbatuar acquis-in e Bashkimit Evropian për ndryshimet klimatike. Ne vijim te se cilës, ne përputhje me objektivat e BE 20-20-20, Shqipëria ka paraqitur Kontributin Kombëtar të Përcaktuar brenda procesit të Marrëveshjes së Parisit në shtator 2016, duke u angazhuar për të reduktuar emetimet e CO2 krahasuar me skenarin bazë në periudhën 2016 dhe duke synuar një reduktim me 11.5% ne vitin 2030. Nivel i Kontributit Kombëtar të Përcaktuar qe do të rishikohet dhe do të përpunohet më tej sipas Planit të Integruar të Energjisë dhe Klimës ne përputhje me atë te BE-se se Energy Union që pritet te miratohet përgjatë vitit 2018. Kështu, pas një procesi te gjate prej disa vitesh, u prezantuan nga qeveria strategjia e re të energjisë deri ne vitin 2030. Sa këtu, planifikon të vazhdojë integrimin ne dy shtyllave kryesore: plotësimi i reformave të liberalizimit të tregut në kontekstin e integrimit rajonal dhe promovimi i zhvillimit të qëndrueshëm, brenda pesë skenarëve analitikë, të ndërtuara për të shtruar rrugën në ndjekjen e prioriteteve që do të përcaktohen nga plane veprimi konkret. Mbi sa me sipër zbërthimi i tyre ne praktike, ndryshe nga energjitë e rinovueshme te cilat behën nëpërmjet mbështetjes direkte, do avancoj lidhur me koniunkturat e çmimeve ndërkombëtare, dhe politikat lehtësuese te njësuara nga dy pjesëmarrjet e mësipërme qe nxitin planet e biznesit ne afatgjate. Kështu për momentin, strategjia ka parapare penetrimin e gazit natyror kundrejt furnizimit total me burime primare të energjisë të arrijë në nivelin 20% në vitin 2030. Ne sa me sipër qe tashme kemi planifikuar dhënien ne përdorimit te TEC-it te Vlorës, dhe po ecet përpara me projektin strategjike te TEC-it te Korçës prej 480 MW, apo me lancimin ne Kuçove te një industrie te koordinuar e përpunuese dhe prodhim te energjisë termale, e shume tjetër qe do aktivizohet me vënien ne zbatim te IAP-it, apo ndërlidhjes me Kosovën dhe Maqedoninë. Kuadër ne te cilin kompania shtetërore AlbGaz po punon me homologet e saj ne te gjitha vendet e rajonit ku spikat veçanërisht bashkëpunimi i zyrtarizuar se fundmi me SNAM. Kështu përmbledhur mbi sa me sipër, sektori qe po kalon nën një seri reformash të rëndësishme strukturore mbështetur ne një baze krejt te rinovuar ligjesh, aktesh nënligjore dhe rregullatore, te udhëhequra nga Enti Rregullatorë i Energjisë (ERE). Një transformim qe vjen pas një periudhe zhvillimesh dinamike për ekonominë ne tërësi dhe hap perspektiva zhvillimi te pa imagjinuara deri me këtu. Qasje qe vetëm kështu mundëson qe ne finale te arrihet një rezultante me e balancuar prej te gjithë sektorin e energjisë drejt një zhvillimi sa me te qëndrueshëm ne afatgjate. Shënim: Mendimet dhe opinionet e këtu me sipër shprehur i përkasin autorit të tyre. Ndërsa të gjitha përpjekjet janë bërë për të siguruar saktësinë e tyre, sa këtu nuk ka për qëllim të ofrojë këshilla ligjore, pasi qe situatat individuale mund të ndryshojnë dhe duhet të diskutohen me një ekspert. Për çdo këshillë specifike teknike ose ligjore, mbi informacionin e ofruar dhe tema të ngjashme, mund të kontaktoni përmes “[email protected]”. Most Read Publications Most Visit Section Read the full article

View On WordPress