#corek

Xəmiri yoğuracağınız qabın içinə şəkər, quru maya tökün, üstündən ilıx su əlavə edib qarışdırın. 10 dəq saxlayın ki, maya köpsün.

Sonra ələyin içinə 1,5 stakan un əlavə edin və birbaşa mayalı suyun üstünə ələyin.

Başlayın yoğurmaya. Kənarda 1 stakan un saxlayın, lazım olduqca az-az əlavə edin, ta ki xəmir yığılanadək. 10 dəq xəmiri yoğurun.

Yumuşaq, ələ yapışmyan xəmir əldə etməlisiz.

Üstünü kip örtün və 1 saat mayalanması üçün saxlayın. Şəkildə gördüyünüz kimi xəmirin həcmi xeyli artacaq.

Xəmiri kündələrə bölün və yumrulayın.Üstünü örtün və 10 dəq kündədə saxlayın. Sobaya sinini qoyun və  220t işə salın Hər kündəni unlanmış masanın üstündə əlinizlə  nazik şəkildə yayın.

Qaynar sinini çıxardın və kündələri siniyə düzüb tez göndərin sobaya. Üstünə yumurta vurulmur. Sobada kündələr şəkildə gördüyünüz kimi top kimi şişəcəklər, arasında isə boşluq yaranacaq.

Təxmini 5-7 dəqiqəyə çörəklər bişirlər. Soyuyandan sonra çörəkləri əlinizlə ortadan çirtin və arasına hər hansı bir içlik qoyun

1.Xəmiri yoğurmağa başlarkən, əvvəl əlimlə deyil, qaşıqla qarışdırıram. Belə olduğu halda un ələ deyil, qaşığa yapışır, ki bunun öhdəsindən gəlmək daha asandır.Ən axırda isə un su ilə tam qarışından sonra, birazda un əlavə edib artıq əlim ilə xəmiri tam yoğururam.Ona görə tərifdə verilən un miqdarından əlavə masamın üstündə biraz artıq un saxlayıram, xəmiri toplamaq üçün. 2.Çörək xəmirinə mən mütləq 2-3yemək qaşığı duru yağ əlavə edirəm. Belə olduğu halda çörək yup-yumuşaq alınır, dükanlarda paketlərdə hazır satılan hamburger çörəyi kimi. Düzdür, hamımızın sevdiyi o xırtıldayan qıraqlar olmur çörəkdə, ancaq belə çörək (yəni yağ ilə yoğrulmuş) daha kec quruyur və bayatıyır.Duru yağa gəldikdə isə ,hər hansı yağ ola bilər - günəbaxan, zeytun və s. Əsas odur ki, rəfinə edilmiş olsun, yəni iyi goxusu olmayan. Öz təcrübəmdə əsaslanaraq deyə bilərəm ki, ən gözəl çörək zeytun yağı ilə yoğrulmuş xəmirdən alınır.İndi isə keçək əsas məsələyə, yəni çörəyə))) Əslində bu çörək toplarını bütün bir çörək şəklində də bişirmək olar, top şəklinə salmadan.Sadəcə belə kiçik top şəklində bişən çörəklərdən sonra adambaşı sayına görə hamburger və ya buterbrod etmək daha asan və gözə xoş olur. Hər topu ortadan iki yerə bölüb, arasına kotlet, kolbasa dilimi, pendir və s. qoyub, məktəbə gedən uşağın çantasına çərəzlik kimi, işə-gücə, dağa-bağa gedəndə yemək üçün və s. və ilaxır))) Yəni rahatlıq üçün belə toplara bölmüşəm. ----

Əvvəl mayanı acıtmaq lazımdır. Bunun üçün suyu biraz isidirik. Çox az isitmək lazımdır, qaynar suda maya öz keyfiyyətini itirir. Dediyim kimi, mən şor suyundan istifadə etdim, çünki yenicə evdə şor bişirmişdim və kalsiyumla zəngin olan şorun suyunu atmamaq üçün, su əvəzi ondan istifadə etdim. Siz adı su götürün. Biraz ilınmış suyun içinə (1stakan su) şəkəri və mayanı qoyub, yaxşıca qarışdırın. 5-10dəq gözləyin.Vaxt keçdikdən sonra görəcəksiz ki, suyun üstü köpük-köpük oldu, bu o deməkdir ki, maya acıdı, yəni artıq xəmiri yoğurmaq olar.

Xəmiri yoğuracağınız ləyənin içinə 2stakan un ələyin (yerdə qalan 0,5stakanı qıraqda saxlayın, sonra xəmiri yığmağa lazım olacag). Unun ortasında çuxur açın və mayalı suyu az-az əlavə edərək, qaşıgla başlayın ortadan qarışdırmağa. Biraz qarışdırdıkdan sonra duz əlavə edin (duzu əvvəldən əlavə etmək olmaz, yoxsa mayanın keyfiyətini yoxa endirir) və qarışdırmağa davam edin. Yuxarıdakı şəkildə gördüyünüz kimi, un su ilə tam qarışıbdır.Yapışqan, yayılan bir maddədir, hələ buna xəmir demək olmaz. 

Bax bu məqamda 3yemək qaşığı duru yağ əlavə edin və qarışdırın ki, yağ tamamilə məhlula qarışsın. Yavaş-yavaş yerdə qalan unu əlavə edərək, xəmiri artıq əliniz ilə başalayın yoğurmağa. Onu tam toplayın, ələ yapışmayan hala gətirin.

Masanın üstünə biraz un səpin və xəmiri ləyəndən çıxarıb, masanın üstündə bir iki əl yoğurun, tam özünü toplasın. Ancaq həddən artıq çox un əlavə etməyin, onda xəmir sərt olacag və bişən çörəkləriniz isə quru alınacaq. Elə ki xəmir ələ yapışmayan hala gəldı, o zaman artıq un əlavə etməyi dayandırın !

Bax belə bir xəmir alındı, üstü sığallı, hamar. Xəmir toplanandan sonra hələ bir 5dəq yoğurmağa davam edin ki, tam hamar yığcam şəkil alsın.

Xəmiri acımağa qoymaq lazımdır. Mən elə masanın üstündə saxlayıram, üstünədə xəmiri yoğurduğum ləyəni tərs çevirirəm ki, xəmrirn üstü qabıq bağlamasın. Mənim masam böyükdür diyə, bu mənə maneçilik törətmir, elə imkanınız yoxdursa əgər, xəmiri yoğurduğunuz ləyənə qoyun, üstünə nəmli bez və ya streç çəkin ki, üstü qabıq bağlamasın. Belə halda 1saat hava oynamayan yerdə saxlayın ki, xəmir acısısn.

Vaxt tamam olduqdan sonra (xəmir həcmcə 2dəfə artacaq), xəmiri kündələrə bölün. Çalışın ki, kündələr eyni ölçüdə olsun, belə daha səliqəli olacaq .Mən kündələri mətbəx tərəzisi ilə ölçdüm, hər kündəm 110qr oldu)))

İndi isə sizə kündələri necə mükəmməl yumru şəkilə salmağı göstərəcəm.

1.Kündənin ortasına  iki əlinizin baş barmaqlarını basın, kündənin qıraqlarını isə o biri barmaqlarınız ilə yuxarı dartıb yığın. 2.Yığıb, barmaqlarınızın ucları ilə yuxarıda birləşdirin, sanki bir boxça düzəldirsiz. 3.Sonra topu tərs çevirin, bükdüyünüz yer aşağıda olsun və sağ əlinizin iki barmağını (işarət və orta barmaqlar) biryerdə  kündənin altından (yəni aşağı çevirdiyiniz o büküm yerindən) salın kündənin içinə. Sanki kündəni barmağınıza keçirirsiniz .Xəmirin qıraqlarını isə o biri barmaglarınız ilə aşağı çəkin. Beləliklə xəmirin üst qismi çəkilərək tam sığallı şəkil alacak. İki barmağınızı ehtiyatla çıxardın və xəmirin aşağı çəkdiyiniz qıraqlarını birdə bükün. Masanın üstündə ovcunuzun ortası ilə astaca basaraq, kündəni burdə yumrulayın.         

Çörəyi bişirəcəyiniz qabın dibinə və qıraqlarına biraz yağ sürtün ki, çörək yapışmasın. Kündələri yığın qaba və üstünə yerdə qalan 1yemək qaşığı duru yağı mətbəx fırçası ilə sürtün. Sonra streç ya nəmli bez örtün. Belə vəziyyətdə 30dəq saxlayın. Bu zaman ərzində toplar həcmcə yenə artacaq, şişəcəklər. Ona qədər siz sobanı 170t isidin. Vaxt tamam olduqda, çörəyi sobaya göndərin və 30-35dəq bişirin. Verilən bişirmə zamanı əlbəttə ki nisbidir, hər sobanın öz bişirmə "xasiyyəti" var Kimdəsə biraz tez, kimdəsə biraz gec bişəcək. Ancaa vaxtını qaçırmayın, çörəkləri qurutmayın. Siz istəsəniz ,topların üstünə yumurta sarısı çəkə bilərsiz, mən belə etmədim, çünki yumurta çörəyin üstünü biraz qabıqlı edir, xırtıltılı qabıq, mən isə bunu istəmirdim.