#brajkiboli

Learn Manipuri Language Through Hindi

View On WordPress

Learn Brajbhasha Adeveb

Learn BrajBhasha Verbs

View On WordPress

View On WordPress

बृज की होली के गीत /Braj Ki Holi ke Geet बृज की होली के गीत /Braj Ki Holi ke Geet-  चहुँ दिस रंग गुलाल उड़त हैं  धार कनक पिचकारी | ललिता विशाखा रंग बनावैं गोपियन फाग सुनावैं | श्याम रंग चित चढ्यो है ऐसो रंग न दूजो भावैं | श्याम के गाल गुलाल मलत हैं पुलकित राधा प्यारी | देख गोपी सब मगन होय रहीं बांकीं छवि बनवारी | अदभुत लीला होय रही है सुध बिसरे नर नारी | बिरज में खेलत फाग मुरारी …….. ################################################################### कदम्ब छांव।मारे होली के दांव।ब्रज के गांव॥  नंद-यशोदा।लाए होरी कौ सौदा।कान्हा है मोदा॥  हे ग्वाल-बाल!बजाओ ढ़प ताल!!!मचे धमाल॥  कान्हा कौ सखा।दामा दाऊ ने लखा।भागा वो झखा॥  रंग ले भागे।कान्हा के दामा आगे।अब ना लागे॥  दाऊ आओ तो!याकू रगड़ो पोतो!जो भागे रोतो॥  नैनन ने मोहे गारी दई, पिचकारी दई, होरी खेली ना जाए। ######################################################## सांवरे, होरी खेली ना जाए॥ नेक ना कान्ह करे काऊ की, धौंस दिखावै भैया बलदाऊ की, पनघट पे ठाडो-ठाडो मुसकाए, ठाडो-ठाडो मुसकाए, होरी खेली……… मारग में मेरी फोडी है मटकी, हाथ पकड मेरी चूनर झटकी, अंग लिपट अजी हा –हा खाए, अजी हा-हा खाए, होरी खेली………. क्यों रे ललन लरकाई मोसे केली ,केसर कीच कपोलन मेली, फागन मे रसिया बन जाए, रसिया बन जाए, होरी खेली………… होरी के दिनन मोसे दूनो दूनो अटके, सुन री सखी अब कौन याते अटके, लाज सरम याहे नेक ना आए,याहे नेक ना आए, होरी खेली………… सांवरे, होरी खेली ना जाए॥ (2) नेक ठाडो रह श्याम, तोपे रंग डारूँ, नेक ठाडो रह्। ओ रंग हो हो हो हो हो होरी, नेक ठाडो रह॥ नेक ठाडो…… अबीर गुलाल मलूँ मुख तेरे, ओ रंग हो………………होरी, अबीर गुलाल मलूँ मुख तेरे,ओ लाला गालन पे गुलचा मारूँ, नेक ठाडो रह्।नेक…… टेडी रे टेडी तेरी पगिया बांधू, ओ…. अजी पगिया पे फुलडी डारूँ, नेक ठाडो रह्। नेक……… सांवरी सूरत, मोहिनी मूरत, ओ……… अजी तन मन धन तोपे वारूँ, नेक ठाडो रह्। नेक ठाडो रह श्याम,तोपे रंग डारूँ, नेक ठाडो रह्॥ (3) होरी खेलुँगी श्याम, तोसे नाय हारुंगी, होरी खेलुंगी ओ रंग हो…………………..होरी, होरी खेलुंगी॥ कोरे –कोरे कलश भराउँ, भर पिचकारी तोपे मारुंगी, होरी खेलुगीँ, होरी खेलुगीँ श्याम…….. उडत गुलाल, लाल भयो अम्बर, केसर भर तोपे डारुंगी, होरी खेलुगीँ, होरी खेलुगीँ श्याम……… लाल गुलाल, मलूँ मुख ऊपर, पाग झगा तेरो फारुंगी, होरी खेलुंगी, होरी खेलुंगी श्याम, तोसे नाय हारुंगी, होरी खेलुंगी॥